Posts

Showing posts from January, 2015

قادرون بأختلاف .. مكملين

Image
القادر بأختلاف الأتنين و تلاتين .. منى الشيمي؛ و عندها أعاقه في العمود الفقري و القدم اليسرى بسبب شلل الأطفال؛ كانت بتمشي بأجهزه تعويضيه و عكاز؛ و حاولت تعمل عمليه تصحيح للعمود الفقري و لكن الدكاتره رفضوا عشان ممكن تأثر على باقي الأطراف السليمه. و أهلها وقفوها عن التعليم في أولى ثانوي بسبب الحاله الصحيه؛ و قعدت في البيت؛ مبتخرجش ولا حتى للفسحه؛ و وصلت لسن ال29 منغير علاج طبيعي ولا حركه و دا كانت نتيجته تدهور حاله العمود الفقري و أثر على الرئتين؛ و النتيجه أنها عايشه بنص رئه. و لكن بتشجيع من الدكتور و أختها قررت تكمل تعليمها؛ و هي بتستخدم الكرسي المتحرك؛ يعني السنه دي هتمتحن ثالثه أعدادي من تاني و تبدأ في المرحله الثانويه و بعدين الجامعه. منى بتحلم تعمل مشروع عشان تعتمد على نفسها أكتر. منى مثال للكفاح؛ في أطفال بتنط السور عشان تهرب من المدرسه و تلعب و طلاب مش بيذاكروا و بيسقطوا؛ بس في منى اللي عايزه تكمل تعليمها حتى لو هي عندها 29 سنه و عايزه تنجح في دراستها و تشتغل! في أمل في الحياه لسا.  Facebook Page:  https://www.facebook.com/pages/Alhassan-Foundation-for-Spinal-Cord-Injur

بياعين السعاده

Image
في ناس كدا ربنا عملها بياعيين سعاده؛ بكل أنواع السعاده لحظيه أو طويله المدى. يعني بياعين الأيس كريم و بياعين غزل البنات و بياعين أفلام السينما و بياعين الأغاني و بياعين الحفلات و بياعين الشيكولاته و بياعين المسلسلات و بياعين الكتب و بياعين المجلات و بياعين الكلام الحلو و بياعين الألوان؛ من الأخر بياعين كل حاجه حلوه و فيها طعامه و لذاذه كدا. بياع الأيس كريم اللي معندوش أي مانع أنه طول اليوم شغلته يبيع أيس كريم؛ أصل الأيس كريم هو السعاده-عمرك شوفت حد بيشتري أو بيبيع أو بيأكل أيس كريم و هو زعلان. دا الأيس كريم ممكن يكون أهم حاجه هتحصل ف حياه الطفل أو الكبير كمان. و عن تجربه شخصيه الأيس كريم بيساوي السعاده بالأخص لو مع الكوره الملونه و المسكره دي في بياع شاطر شغلته أنه يفرحك ب كلام أو بحركات. بيلعبوا بالأيس كريم و كأننا في السيرك؛ و بيتحول الأيس كريم من حاجه حلوه و مفرحه لواحده لعرض سيرك مفرح كمان. -روحوا Cold Stone و أنتم تعرفوا يعني أيه عرض سيرك بالأيس كريم و يخالوا الفرحه فرحتين- بياع غزل البنات اللي معندوش غير زماره و أكياس ملونه أزرق و أحمر و فيها الحاجه اللي مش مفهومه ا

Things I've learned from Humans of ______________.

Humans of Left Bank: **Human connections are important; people could be so different from different countries with different cultures; but at the same time they are so alike! **An educated person is the person who knows everything about one thing and one thing about everything. It is OK to be all over the place! **I'm an adaptable person; I can adjust to change well and this helps me stay happy! **You don't need people to have a good time! **Don't seek success but seek the journey! Humans of Egypt: **أخلاقيات الناس بقت في النازل بس بدعي أن ربنا يصلح حالهم! **غاوي أنتيكا على كدا .. دي نوع من أنواع الحب! **أوصيفيلي يوم جميل بالنسبه لك .. لما بقابل ناس بحبهم بألي كتير مشفتهمش! Humans of GUC: **Just flow. Accept life with everything it offers. The ups and downs. Good and bad. It's all part of it. I can't tell you a happiest or saddest moment because it's not measurable. There's no scale for life! **I'm always con

ليه الحياه حلوه

Image
أي حد يعرفني فعلاً؛ شافني مره أو ميه؛ هيعرف أني بشوف الحياه حلوه و بحب الحياه و العيشه واللي عايشنها؛ و دايماً مبتسمه و بضحك حتى لو زعلانه و نفسي أكشر أو أعيط. و لو مش مبتسمه أو مكشره فعلاً؛ أول ما عيني بتقابل عين غيري بأبتسم و بضحك؛ و بفرح جداً لما حد يرد على البسمه ببسمه. و مش معنى أبتسمتي و ضحكتي أني مش بزعل و مش بعيط؛ على فكره في أيام أنا قعدت أعيط لحد ما نمت و في أيام من كتر الزعل قعدت أتكلم مع ربنا و أقوله "كفايا أنا فعلاً تعبت و مش حمل أكتر من كدا!"؛ بس دا كله كان بليل و لوحدي و لما بكون الصبح و مع ناس بنسى دا و بس أفتكر أن أنهرده يوم جديد و أبتسم و أتبسط. أتعلمت درس مهم أوي "لا تبكي على اللبن المسكوب"؛ خلاص اللبن وقع على الأرض هتعمل أيه يعني؟! بدا ما تعيط؛ قوم و نضفه و خلاص. حصل حاجه في حياتك مش حلوه؛ متعيطش خالص بالعكس أتعلم من اللي حصل؛ و أضحك و أبتسم؛ و أبدأ عيش حياتك عادي جداً. أصل والله الحياه حلوه بكل الحاجات المفرحه و الحاجات المحزنه؛ كل حاجه ضحكتني أو خلتني أعيط أنا ممتنه ليها جداً جداً. مش عشان أنا مجنونه و مبسوطه باللي زعلني؛ بس ببس

قادرون بأختلاف .. مكملين

Image
الشخص الواحد و الثلاثين .. معتز جمال عنده 34 سنه؛ بكالريوس سياحه .. و هو مسافر الساحل مع أبن خاله الظابط؛ أبن خاله كان بيلعب في المسدس و طلعت منها رصاصه في صدر معتز؛ و تم العلاج بطريقه خاطئه .. دخل مستشفى في السعوديه للتأهيل؛ و فيها أتعلم يعيش معتمد على نفسه؛ يلعب جيم و يركب عربيه و يسوقها كمان؛ و بقا كابتن في الجيم هناك ... فرق الحياه قبل و بعد الحادثه .. قبل الحادثه كان بيروح أي مكان عادي؛ بس دلوقتي لازم يفكر هيروح أزاي و يتحرك هناك أزاي بسبب أن أغلب الأماكن في مصر غير مجهزه .. و في رأي معتز أن الدوله مش بتدعم أحتياجات مستخدمي الكراسي المتحركه من أجهزه طبيه و خبره الداكتره؛ في جهاز بيساعد مستخدم الكرسي المتحرك أنه يمشي و يعالج الأعصاب بس ب 900 ألف جنيه؛ و في مره كان في جلسه علاج طبيعي و الدكتور كسر له رجله ...  في رأي معتز أنه برغم أعتماده على نفسه و تأهيله بس لازم في مصر يتوفر شويه حاجات للأسف مش موجودين؛ زي فرص الشغل و مراكز التأهيل زي بتاعت بره كدا؛ و نوادي لممارسه الرياضه؛ و منازل مجهزه؛ و أماكن أنتظار سيارات مجهزه؛ و حاجات تانيه كتير ممكن تسهل الحياه لو تم توافرها

اللي عايز ينجح هينجح 6

Image
أنجي الأتربي؛ بنت عندها 24 سنه؛ خريجه جامعه مصر الدوليه سنه 2011؛ و بعد التخرج أشتغلت في 4 شغلات في مجالات مختلفه Graphic designer في مجله أزياء و مدرسه في حضانه و مدرسه أنجليزي للأطفال تحت سن 5 سنوات و محاسبه. بتحب التغيير و التحدي جداً. أختارت تصميم المجوهرات لأنها بتحب الأشغال اليدويه من رسم و زينه؛ و أختارت المجوهرات بالذات عشان بتحتاج تقنيات معينه و دقه و هي بتحب تتعلم التقنيات الجديده. في 2010 عملت صفحه على الfacebook؛ و بدأت بين أهلها و أصحابها و معارفها. و أخذت شويه خطوات لحد ما وصلت لأنها أكتر من هوايه و أنها شغل. أحلى حاجه هي بتحبها في تصميم المجوهرات أنها ممكن تُلهم في دقيقه و تصمم قطعه مجوهرات في الدقيقه اللي بعدها على طول؛ و أنها معندهاش قوانين و مفيش أي حاجه تحدد الأبتكار. أحلى حاجه في تصميم المجوهرات أنها بتكتشف مواد و أحجار جديده كل شويه و دا بيحمسها أنها تبتكر قطع مختلفه و جديده كل مره.  أنجي عملت 15 مجموعه مجوهرات من سنه 2010؛ و بينزلوا في الصيف و الشتاء و الخريف. أكتر القطع المميزه بالنسبه لها؛ هي القطع الصعبه عشان بتحتاج تركيز و مجهود كبير؛ و فشل كتير بس ب

الحياه حلوه بس نفهمها ^_^

Image
الحياه حلوه بس نفهمها؛ الحياه بتضحك للي بيبتسم؛ الحياه جنه عيشها و أتهنى .. و دي الكلمات اللي غناها فريد الأطرش. الحياه حلوه و بتضحك و جنه بس للي يفهمها و يبتسم لها و يعشها. أه دي حقيقه جداً؛ الزعل هيجيب زعل أكتر و الفرح هيجيب فرح أكتر و دا أسمه الSnow ball effect .. لو في ثلج و بيعمل كره و بتدحرج في الأرض؛ كل ما هتدحرج كل ما الكره دي هتكبر!! لو الكره دي حزن هيزيد و لو الكره دي فرحه هتزيد و تكبر بردو. يعني لما بيحصل حاجه تضايق و تحزن و نستسلم لها كدا و نزعل؛ أوعى تفتكر أن الفرح هيجي لوحده و الحزن هيقل لوحده؛ بالعكس تماماً الحزن هو اللي هيزيد و الدنيا هتسود أكتر و هيكون صعب جداً تطلع بره دايره الأكتئاب دي. أوعى تنسى أن مافيش شماعه للحزن دا؛ لأن أنت اللي دخلت نفسك فيها؛ و أنت اللي سيبت حاجه كبيره أو صغيره تأثر فيك جداً و تسود حياتك. ماتلومش غير نفسك على حزنك! و لو حصل حاجه تفرحك و دا على العكس و أستسلمت لها بقا و فرحت و عملت أرجوز عشان تعمل حاجات تانيه تفرحك و تفرح أكتر و أكتر؛ الفرحه هتزيد و بمجهود أقل من الحزن لما بيكتر و مش هتعرف تطلع من دايره بيضا كلها فرحه و سعاده و بس

قادرون بأختلاف .. مكملين

Image
الشخص الثلاثين .. بيتر صلاح؛ 31 سنه؛ خريج كليه تجاره عين شمس؛ و بيشتغل مدير تكاليف في شركه جلفنه .. عنده شلل أطفال من و هو عنده 6 سنين؛ بسبب أنه كان سخن و أخذ حقنه غلط ..  بأختصار هو عايش حياته كلها على الكرسي المتحرك؛ الدراسه و الشغل و تنس الكراسي المتحركه و التصوير؛ بيسوق عربيات و موتسكلات و حصان و بيتش باجي؛ بيلعب بولينج و بلياردو ... كان دايماً بيغير الكرسي و نوعه ك نوع من أنواع التغيير؛ و في ثانوي الموضوع أختلف لأنه أمتلك كرسي متحرك رياضي و دا كان لذيذ؛ أتعلم البلياردو و الناس كانت بتتفرج مين البطل اللي على كرسي متحرك و حريف بلياردو. و عمر ما الكرسي كان قيد بالنسبه له و كان بيروح يتفسح في سينيمات و مسارح و الأهرامات و بيركب الحصان و الجمل. و كان بيزوغ من المدرسه و يروح الملاهي و يلعب. دخل الجامعه و خلصها و بعدين أشتغل؛ و أتعرف على مدرب تنس و المدرب عرض عليه يتدرب تنس بسبب أحترافه أستخدام الكرسي المتحرك الرياضي. و النتيجه كانت أنه أول لاعب تنس كراسي متحركه في مصر؛ و أنه السبب أن الرياضه دي تنتشر في مصر الى حد ما. و بيتر أشترك في بطولات و له Rank محلي.  و دلوقتي هو بيحب

أوعى تيأس

Image
أوعى تيأس؛ و أوعى تستسلم؛ و أوعى تقول خلاص مفيش فايده و أن ربنا كتبلي أعيش زعلان! بس أتأكد أنك لو زعلان دلوقتي بكره هتفرح؛ ربنا مش جايبنا يعذبنا ولا الحزن طول العمر ولا الفرح طول العمر؛ الحياه نص و نص. أنهرده فرحان ف أنشكح للأخر و أنسى أي حزن و أسى؛ و لو أنهرده زعلان خلص كل زعلك عشان بكره تكون مبسوط و مزقطط ^_^ الدنيا دايره كبيره نصها أبيض و نصها أسود؛ و جوا الأبيض نقطه سودا و جوا الأسود نقطه بيضا. و غصب عنك هتعدي شويه على الأبيض و شويه على الأسود؛ شويه فرحه و أنشكاح و شويه زعل و حزن. متكبرش الموضوع و تقضيها حزن و عياط؛ ولا تكبرش الموضوع و تكون أوفر في الفرحه و الضحك.  و أفتكر دايماً ان الحياه مش أغنيه Happy و الناس مش بترقص في الشارع؛ و بردو الحياه مش أسى Le Miserable و كل الناس كئيبه. الدنيا ميكس و المفروض نساعد بعض و نبتسم و نضحك في وش بعض؛ أصل السعاده مرض و العدوى من الأبتسامه و الضحكه و عشان كدا الأبتسامه في وش الناس صدقه و ب حسنات عند ربنا فوق.   ربنا يرزقنا كلنا الفرحه و الحته البيضا من الحياه ^_^

قادرون بأختلاف .. مكملين

Image
القادر بأختلاف التاسع و العشرين .. شريف ياسين فاضل؛ 31 سنه؛ من القاهره؛ متزوج و عنده نادين و سيف الدين. شريف عنده أعاقه في الأربع أطراف و تلعثم في الكلام. بيحتاج المساعده في أبسط الأشياء من أكل و شرب و لبس؛ بس هو أنسان قوي جداً و بيواجهه أختلافه الجسدي بقوه و بساطه. بيستخدم الكرسي المتحرك خارج المنزل بس؛ لكن جوا البيت بيمشي على ركبه. أكاديمياً هو حاصل على كم شهادات-أنا أتفاجأت ما شاء الله- حاصل على بكالريوس تجاره قسم محاسبه من جامعه عين شمس؛ و دبلوم برمجه التطبيقات التجاريه بأستخدام الحاسب الألي من جامعه عين شمس؛ دبلوم أداره المستشفيات من جامعه عين شمس؛ ماجيستر الأحصاء التطبيقي من جامعه عين شمس؛ دا غير الكورسات و الدراسات في الحاسب الألي و التجاره و اللغات. و زي ما أكاديمياً فاجأني ف طبعاً مهنياً فجأني أكتر؛ شريف مسئول عن الترجمه العلميه في مستشفى 57357؛ و كان مدير أداره التوعيه بالمجلس القومي لشئون الأعاقه؛ مدير المبيعات و التسويق في شركه "Start Up" في مصر؛ مدير المبيعات في شركه "Energy Solutions" في دبي؛ مؤسس و مدير موقع "صوت المعاق" و مجموعه من

صيصه يعني أمومه

Image
الحاجه صيصه؛ و أنا قعده بتفرج على التلفيزيون لقيت منى الشاذلي عامله لقاء مع الحاجه صيصه. الست دي نموذج للأمومه و نموذج أن الست ممكن تعمل اللي ميتعملش و تعمل المستحيل بس عشان تربي عيالها!!  الحاجه صيصه صعيديه من الأقصر و و هي حامل من أكتر من 30 سنه جوزها مات؛ و لأن لا أخواتها ولا أخوات جوزها كانوا عايزين يساعدوها ف قررت تكون راجل؛ عاشت أكتر من 30 سنه راجل. قلعت الجلابيه و الطرحه بتوع الستات و لبست الجلابيه الرجالي و الطاقيه؛ و أشتغلت في شغلانات كتيره أوي. من الشغلانات دي مثلاً أنها بتعمل طوب. و بعد فتره أشترت صندوق تلميع الجزم و أشتغلت بيه من ساعتها و كأنها راجل و محدش يعرف أنها ست غير بنتها. و من صندوق الجزم و جلابيه و طاقيه الراجل بنتها أتعلمت لحد أبتدائيه. و في أخر البرنامج قابل المحافظ و وفر لها كشك عشان تشتغل فيه. الحاجه صيصه نموذج للأمومه؛ تستحق جائزه الأم المثاليه. عاشت راجل عشان تربي بنتها و تحافظ عليها في الصعيد. المرأه الحديده لسنه 2015.

الباز الذهبي

Image
كنت بتفرج على Arab's Got Talent و أنا نادراً ما بشوفوا أصلاً؛ لقيت مجموعه أولاد من غزه و بيحبوا الغناء و بيعزفوا على العود و القانون. و عشان يروحوا البرنامج عملوا اللي ما يتعملش؛ و قبل ما يحضروا المره دي جربوا أكتر من مره و فشلوا بسبب الحرب و الدمار. أول ما الأطفال غنوا و بعد شويه صغيره نزل الشرائط الذهبيه و الأولاد بدأوا يعيطوا و يكملوا غناء و عزف. ببساطه عرفوا العالم يعني أيه فرحه بجد و يعني أيه نجري ورا حلمنا و نعدي كل الصعوبات.  أنا أتعلمت مستسلمش و أفضل أعافر ورا أحلامي لحد ما أحققها؛ و عرفت يعني أيه فرحه بجد من تحقيق شئ تخيلته مستحيل.

قادرون بأختلاف .. مكملين

Image
القادره بأختلاف التامن و العشرون .. حميده أبو المجد عندها 36 سنه؛ حاصله على دبلوم معهد فني تجاري و دلوقتي بتدرس تجاره في الجامعه المفتوحه؛ بتشتغل من سنه في مصلحه حكوميه.  أتولدت ولاده طبيعيه و بدأت تمشي عند سن ال9 شهور؛ و عند سن السنه و نص بدأت رحله المرض. كان وقت تطعيم و كان في فيروس منتشر في الجو و أصيبت في رجلها. و بدأت رحله العلاج في أكتر من مكان و أتحجزت في مستشفى الشاطبي في أسكندريه؛ و أصيبت بضمور في الساقين. و من عمر 11 سنه بدأت أستخدام الكرسي المتحرك؛ لأنها تعبت من الأجهزه الطبيه اللي كانت بتتكسر و بتوقعها. و بعد أستخدام الكرسي المتحرك بدأت تتحرك أسرع و أسهل.  أكبر مشاكلها في مطبات الشوارع و السلالم؛ لأن لازم حد يساعدها و هي بتحب الأعتماد على النفس.  حميده متفتكرش يوم ما مشيت لأنها مامشيتش كتير؛ كل اللي مشيته كان 8 شهور و بعدين أصيبت ب فيروس و كان النتيجه أستخدام الكرسي المتحرك؛ و مع ذلك أتعلمت و خدت دبلوم و دلوقتي بتكمل في كليه عشان تاخد البكالريوس و بتشتغل. النجاح ملوش علاقه بالأختلاف الجسدي؛ النجاح دا أصرار و قوه-ربنا يديمها عليكي- Facebook Page:  https://w

يا رجال العالم أتعلموا!!

Image
و أحنا قاعدين في أمان الله لقينا Identity Magazine عامله share لمقال كتباه هيا عرفه. المقال عن الWedding Proposals المصريه؛ أو طرق أن الولد يتقدم لحبيبته. و جوا المقال في 11 فيديو أحلى من بعض؛ كلهم مشاعر حلوه و مليانين حب كدا مش أفوره أفلام ولا حاجه؛ دي مشاهد رومانسيه طبيعيه كدا و طالعه بعفويه. و بعد ما شوفت ال11 عريس بيتقدموا لل11 عروسه بطرق مبهره؛ و بعد ما سمعت أمي زي كل الأمهات المصريه بتقول "ليه مكانش أيامنا الكلام دا" و أختي بتقول "تفتكروا ممكن يحصلي كدا؛ أصل لو أسمي لارا كان حصلي كدا" و أنا عماله أتفرج و أدعي و أقول الله الناس دي بتحب بعض أوي ^_^ تعالوا نفكر شويه و بعدين هفرجكم على أكتر الفيديوهات اللي عجبتني؛ جو "أنا عايز أتقدم لك" و يجي هو و مامته و باباه يوم الخميس بليل، مش قدم شويه الجو دا و أتعمل في أجيال كتير قبل كدا. حان وقت التغيير بقا !! التكلفه مش كتير دا شويه ورق و ألوان و بلالين؛ الأهل ما هو كدا كدا موجودين و هيحضروا مش من وراهم والله؛ الأصحاب هيحضروا و يساعدوا و يصوروا و يتصوروا. كل اللي هيزيد هيكون الفرحه و المفاجأه و الأصحاب و ال

قادرون بأختلاف .. مكملين

Image
القادر بأختلاف السابع و عشرين .. كريم؛ عنده 24 سنه؛ خريج حقوق 2012. حالياً مش بيشتغل غير في سركه عائليه أحياناً بيروح. عنده أصابه في العمود الفقري من 1993 ز هو عنده 3 سنين؛ و الحادثه تسببت في شلل نصفي.  كريم مش فاكر حياته قبل أستخدام الكرسي المتحرك؛ بس من الصور و الحكاوي هو كان طفل عادي زي كل الأطفال. أكبر المشاكل اللي كانت بتواجهه كريم هي عدم تأهيل المدرسه لمستخدمي الكراسي المتحركه. و في أول مراحل التعليم عملوا فصل مخصوص له و في باقي المراحل اللي في مدارس مختلفه كانوا بيختاروا الفصول اللي في الدور الأرضي. و تاني المشاكل أنه في الأمتحانات في الشهادات و الجامعه كان بيمتحن في لجان خاصه. المشكله التالته هي كم الأوراق و التقارير الطبيه اللي لازم تطلع في كل أجراء حكومي روتيني؛ مع أن حاله كريم مدى الحياه و ممكن تتحل بشهاده دائمه أو كارنيه.  دا كله بخلاف المشاكل العاديه من السلم و الرصيف و نظره الناس و لو حد طيب قرر يساعد و بأصرار و بدل ما يكحلها عماها و بوظ الدنيا. و كريم ناوي يتغيير و يعافر و يحقق نجاحات كتير؛ يبقول لي أني لو سألته كمان سنه هيكون حقق نجاحات عظيمه بالنسبه له. Faceb

لو مش سعيد تبيقى حمااار

Image
أهم نظريه عرفتها في حياتي؛ كانت في كتاب ملوش أسم بتاع أحمد العسيلي. النظريه دي كانت في مقال عن السعاده؛ كانت بتقول بقا أن أنت لو مش سعيد تبقى حمار. أه حمار؛ عشان الحياه معموله أصلاً عشان تكون سعيد. السعاده مش حاجه كبيره و ضخمه و لازم تكون موجوده طول عمرك؛ أصل لازم يكون في أيام سوده عشان تحس بحلاوه الأيام البيضه. أصل المصايب مش بتحصل بس للناس اللي في الجرايد أو في البرامج؛ المصايب ممكن تحصل لأي حد في أي لحظه بدون سابق أنظار. أنت بتتعلم عشان تفهم أكتر و يتفتح مخك؛ بتشتغل عشان تحقق ذاتك؛ بتتجوز عشان دي البنت أو دا الولد اللي بتحبو بعض و عايزين تكملوا حياتكوا سوا في حب و سعاده؛ بتخلفوا عشان تحسوا بأنكوا سبتوا ذريتكم. السبب الأساسي لكل حاجه بتعملها هو السعاده؛ حتى لو السعاده دي هتروح بعد شويه وقت. الحياه أيه غير شويه سعاده صغيره بتعمل السعاده الكبيره. أنا و من واقع مراقبتي للناس حواليا؛ ممكن الأيسكريم يكون سبب السعاده-لو زي اللي في الصوره كدا- يعني عمرك شوفت حد بياكل أيسكريم و هو مضايق و مكشر ولا لازم يكون فرحان و الفرحه بتلمع في عيونه. طب عمرك شوفت بلالين مع طفل بيعيط. في حاجات ك