Posts

Showing posts from May, 2015

قادرون بأختلاف .. مكملين

Image
الشخص القادر بأختلاف رقم 44؛ حسن و عنده 22 سنه ليسانس أداب قسم علم نفس. مولود قادر بأختلاف (مفيش حادثه ولا مرض)؛ و قابلته عوائق مختلفه في حياته. بس حسن قرر يتعايش مع أختلافه دا و مع كل اللي حواليه؛ و بدأ يخرج للمجتمع و هو في ثانويه عامه. و بعدين بدأ الكليه و فتح مشروع سوبر ماركت عشان يشتغل فيه و هو بيدرس. ببساطه حسن قرر أنه أكيد ربنا خلقه لسبب و أنه لازم يتعايش مع نفسه عشان يعرف يكتشف السبب دا. مع شويه من زملائه بدأ يعدل في طرق علاج الأكتئاب و تطويرها بما أنه دارس علم نفس؛ و عالج 6 حالات أدمان. و دلوقتي السوبر ماركت كبر و بقا مول صغير  في المنيا الجديده. و بيحلم يفتح مركز علاج نفسي "Talk Therapy" عشان دا تخصصه و أظن أنه حاجه جديده على مصر و في نفس الوقت مفيش أحلى من الكلام للعلاج. و من أحلامه الأنضمام لجمعيات مختلفه لمساعده و تمكين متحدي الأعاقه و القادرون بأختلاف؛ و من أحلامه بردو أنه يغير في حياه القادرون بأختلاف زي ما عرف يغير في حياته.  في البيت حياه حسن من غير الكرسي تماماً؛ بس برا البيت بيستخدم الكرسي المتحرك. تقريباً عايش لوحده و معتمد أعتماد كلي على نفسه

سينجا و مينجا

Image
دول شخصيتين طفولتي أختراعتهم عشان التسليه يعني؛ شخصيتين طلعتهم من بلاعه الحمام و نزلتهم البلاعه تاني بعد شويه وقت كدا (لما كبرت قررت أن كفايا عليهم كدا). و بعدين قررت من يومين كدا أطلعهم من البلاعه تاني. أصل أنا كدا كدا بكلم نفسي و كدا كدا بحب أتعرف على نفسي و حياتي أكتر عن طريق أني أكلم نفسي؛ ف بدل ما أكلم نفسي و يبقى اللي بكلمه من غير أسم. ف هسامي اللي ميتسماش ب سينجا و مينجا تاني (يعني يظهروا تاني بقا و يطلعوا من جديد)!! بس بدأت أرسمهم أكتر وضوحاً يعني؛ سينجا هو أطيب شويتين و مينجا الشرير أكتر. بما أني برج الجوزاء ف أصلاً في شخصيتين جوا مني الطيب و الشرير؛ و أكيد هيكون في أتنين بكلمهم برضو طيب و شرير!! أختراع شخصيات وهميه عشان نكلمهم دا مش عيب و مش جنون و الله؛ بالعكس دا عين العقل والله. يعني حلو جداً أن يكون ليك شخص حتى و لو وهمي عشان تتعرف على نفسك أكتر و أكتر و تشوف الحياه من أكتر من ناحيه؛ من الأخر يكون عندك رفيق درب مش بيسبك لأي ظرف مهما كان.

قادرون بأختلاف .. مكملين

Image
الشخص ال43؛ ريم و عندها 36 سنه؛ دراستها كانت أداب مكتبات و معلومات. و بتشتغل في مدرسه؛ جربت مره واحده التعيين الحكومي بس متكررتش تاني بسبب التجربه. أهلها أشتروا لها عربيه لتسهيل الحركه و عشان موقفها مع التاكسي اللي مبتخلصش؛ و لأنها بتحب الخروج و الرحلات جداً ف العربيه سهلت الموضوع عليها جداً جداً و ممكن تنطلق براحتها.  سبب أستخدام الكرسي المتحرك؛ أن و هي عندها 3 سنين جالها فيروس في العمود الفقري؛ وبعد لف كتير على الدكاتره و الأجابه واحده "فيروس مجهول" و بعد فتره أكتشفوا أنه فيروس نادر و بيضغط على الأعصاب و مراكز الحركه في الجسم. و النتيجه أنها مبقتش بتعرف تمشي خالص؛ بس من فتره رجع الأحساس في الرجل بس خفيف جداً و في أمل أنها تتحسن.  طول كلامي مع ريم حسيتها بني أدمه متفائله جداً و التفاؤل دا أهم شئ. و بجد لو مستخدمي الكراسي المتحركه متفائلين حضرتك ليه مكشر؟ Facebook Page:  https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf    Website:  http://www.alhassan-foundation.org  

خانات الذكريات

Image
كل واحد فينا محتاج درج أو علبه أو كيس أو كراسه يشيل فيها ذكرياته؛ الذكريات دي ممكن تكون هبله بالنسبه لناس بس أهم حاجه بالنسبه لك أنت. شويه فواتير ولا شويه تذاكر و حبه صور على حبه جوابات. مكان مكون من الحاجات اللي تحب تفتكرها بعدين و يترسم على وشك بسمه سعاده أو حب أو شوق أو ياااه ذكرى.

كتب يافطه للأحزان و قال أنا الفرحان .. الأسطى حمدي

Image
**كنت قعده بذاكر و ماما دخلت عليا تحكيلي على حمدي و هي عنيها مدمعه؛ تحمست جداً و لما خلصت مذاكره أتفرجت على حمدي و النتيجه كانت المقال دا. و النتيجه كمان كان قرار بيني و بين نفسي أني أكون راضيه و مبسوطه و أجري ورا حلمي و أحقق ذاتي؛ و أن المره اللي جايا اللي هروح فيها الحسين هشوف فين الورشه اللي شغال فيها حمدي و هروح له. هقول لحمدي أنه علمني درس مهم جداً في الحياه؛ هقوله أنه بطل حياتي المغمور أبتدءً من يوم 6 مايو 2015. هقول ل حمدي أني كتبت عنه و هتصور معاه و هتكون الصوره دي أغلى صوره في حياتي لأن حمدي حاجه مهمه أوي في حياتي. حمدي أبو 10 سنين علمني أنا اللي عندي 21 سنه درس مش هنساه أبداً. بطل المقال أنهرده هو "حمدي"؛ ولد عنده 10 سنين قرر أنه يسيب المدرسه عشان المدرسين بيضربوه و قرر ينزل ورشه ميكانيكي جنب البيت "ورشه الأسطى عمرو" عشان يتعلم صنعه و ميقعدش في البيت عاطل ولا ينزل يقعد على القهوه. نزل حمدي في الورشه؛ و أشتغل صبي في الورشه عشان يتعلم صنعه و لما يكبر يفتح الورشه بتاعته لأن دا حلمه.  حمدي بيبدأ يومه بأنه بيصحى و يغسل وشه و يلبس لبس الشغل (مليان شحم

قادرون بأختلاف .. مكملين

Image
الشخص ال42 .. أحمد محمود جوده؛ خريج معهد فني صناعي. عنده 23 سنه؛ و أصابته شلل رباعي. الأختلافات في حياته قبل و بعد أستخدام الكرسي المتحرك كانت في أختلاف تعامل الناس له؛ و أختلاف الحياه اليوميه. زمان كانت أحلامه يكون مهندس و رجل أعمال؛ أما دلوقتي ف حلمه أنه يتحول من شلل رباعي ل شلل نصفي عشان يقدر يعيش حياته الى حد ما.  سبب الأصابه كان نط في البحر و وقع على رأسه؛ النتيجه كانت كسر في الفقره الخامسه و شرخ في الفقره السادسه.  قصه محمد قصه صغيره و مش عاديه؛ محمد حلمه أنه يكون عنده شلل نصفي و بس؛ محمد أن شاء الله يوصل لحلمه حتى لو الحلم دا صعب. و أنتوا كمان أحلاموا و أن شاء الله توصلوا لحلمكم ^_^ Facebook Page:  https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf    Website:  http://www.alhassan-foundation.org