قادرون بأختلاف .. مكملين
الشخص القادر بأختلاف رقم 44؛ حسن و عنده 22 سنه ليسانس أداب قسم علم نفس. مولود قادر بأختلاف (مفيش حادثه ولا مرض)؛ و قابلته عوائق مختلفه في حياته. بس حسن قرر يتعايش مع أختلافه دا و مع كل اللي حواليه؛ و بدأ يخرج للمجتمع و هو في ثانويه عامه. و بعدين بدأ الكليه و فتح مشروع سوبر ماركت عشان يشتغل فيه و هو بيدرس. ببساطه حسن قرر أنه أكيد ربنا خلقه لسبب و أنه لازم يتعايش مع نفسه عشان يعرف يكتشف السبب دا.
مع شويه من زملائه بدأ يعدل في طرق علاج الأكتئاب و تطويرها بما أنه دارس علم نفس؛ و عالج 6 حالات أدمان. و دلوقتي السوبر ماركت كبر و بقا مول صغير في المنيا الجديده. و بيحلم يفتح مركز علاج نفسي "Talk Therapy" عشان دا تخصصه و أظن أنه حاجه جديده على مصر و في نفس الوقت مفيش أحلى من الكلام للعلاج. و من أحلامه الأنضمام لجمعيات مختلفه لمساعده و تمكين متحدي الأعاقه و القادرون بأختلاف؛ و من أحلامه بردو أنه يغير في حياه القادرون بأختلاف زي ما عرف يغير في حياته.
في البيت حياه حسن من غير الكرسي تماماً؛ بس برا البيت بيستخدم الكرسي المتحرك. تقريباً عايش لوحده و معتمد أعتماد كلي على نفسه و بيخرج لشغله و بيرجع بأعتماد تام على نفسه.
**حسن: مثال لواحد عنده أصرار أنه يعيش حياته بالطول و العرض و دا حقه.
**حسن: مثال لواحد عنده أصرار أنه يعيش حياته بالطول و العرض و دا حقه.
Comments
Post a Comment