Shahd's Tea Party

كل مره ينزل event لcairo runners أقول عايزه أروح .. بس دايما كان في سبب أني ماروحش ولا مره .. بصراحه أسبابو أعذار هبله جدا زي: ايه اللي هيصحيني بدري يوم الأجازه؟ أو مش هعرف أذاكر؟ أو ماليش في الرياضه؟ أو مش بعرف أجري؟ أو هضحك الناس عليا ليه؟ أو هتعب نفسي و رجلي هتوجعني؟ أو مفيش حد يشجعني؟  كل الأسباب اللي فوق دي كانت في دماغي طول الفتره اللي فاتت !! و سببها الوحيد كان الcomfort zone "أنا قعده كويسه ليه أجيب التعب لنفسي؟"  مبدأياً cairo runners دول مجموعه من الشباب قرروا أنهم ينزلوا يجروا في شوارع القاهره .. و عملوا أول مجموعه بتجري سوا في مصر .. كل يوم جمعه من الساعه 7 الصبح ل10 الصبح بينزلوا يجروا في مكان مختلف عن اللي قبله في مصر الجديده و المعادي و الزمالك و مدينه نصر و الدقي و الجيزه .. و أول مره يجروا جالهم 70 واحد و كانوا مبسوطين بس في مره فاجأه جالهم 1000 و دي كانت سعاده تانيه خالص ... أنا شوفت بعيني محدش قالي .. كل الأعمار و بنات و ولاد و مافيش حد ضايق حد و كل الناس كان هدفها تتبسط و تجري و تتنشط و تنضف المكان بعدها ... عرفت أن cairo runners مع الUNI

أنا بكره الcomfort zone و دي حاجه أنتم كلكم عارفينها و كمان شايفه أن بدايه الحياه في نهايه الcomfort zone بتاعتك و عشان توصل لنهايه الcomfort zone أنت محتاج جراءه و مواجهه و مساعده من اللي حوالينا .. و مطارده الcomfort zone و الوصول لنهايتها و البعد عنها كمان مش سهل أبداً و بيبدأ من أول القرارات للتنفيذ .. تحدي الcomfort zone ممكن يكون من أول قرار انك تتجوز او تخلف او تلف العالم او تشتغل حاجه معينه او تغير مجال دراستك .. تحدي الcomfort zone هو أنك تعمل حاجه أنت مش مرتاح لفكرتها في الأول ^_^ أول تحدي بالنسبه لي كان المدونه دي .. مش موهوبه من صغري و كنت بغلبهم في البيت عشان أعرف أكتب موضوع التعبير ولا الessay و كنت مش شاطره اوي فيهم و كمان دا مش مجال دراستي .. بس قررت أتحدى نفسي و أعمل مدونه و أكتب فيها و أتعلم واحده بواحده .. و التحدي دا نجحت فيه و بأكتب في المدونه و أسلوبي في تحسن و بدأ يكون عندي ناس متابعه لكتابتي و بتحبها كمان و بدأت أكتب في البوابه الألكترونيه لروزاليوسف ... تاني مره في الجامعه كانوا جايبين هرم كدا فيه دراجات و المفروض اني اتسلق الدراجات دي لأرتفاع معين

"في يوم من الأيام قررت التوقف عن قراءه قصص الناجحين و تمني أن أصبح مثلهم .. قررت بأن تكون لي قصتي الخاصه"-دكتوره ناديه العوضي رئيسه اتحاد الصحفيين العلميين و تسلقت قمه كلمينجارو في عمر ال40 مع أنها ام لأربعه أطفال و لابسه حجاب و مش رياضيه-من كتاب "ة" لشيماء الجمال. يمكن من يوم ما اشتريت الكتاب دا و قريته و الجمله دي مأثره فيا اوي .. و أثرها اتحفر جوايا حتى لما تخيلت أني نسيتها و أول ما قرأتها تاني رجعت افتكرت ... أنا عايزه قصتي .. كفايا قرايا عن حجاجوفيتش و عن عمر السمره و عن اوبرا وينفري و كل الناجحين اللي ليهم قصه بتعتهم .. كفايا عشان انا لازم اكون زيهم و يكون لي قصتي اللي مش شبه اي قصه بس شبه كل القصص ... اصل كلنا شبه بعض لاننا انسان و عايزين ننجح و لينا قصه .. بس تفاصيل كل قصه مختلفه عن غيرها كتير اوي .. اه كلنا عايزين النجاح ف قصصنا شبه بعض و لكن تعريف نجاحنا و قصتنا هو المختلف ... يلا أحنا قرينا قصص كتي لناس نجحت و قصصهم كبيره او قصصهم صغيره .. عرفنا احمد حجاجوفيتش اللي لف العالم و اتعرف بأنه ابن بطوطه الجديد و قرينا عن اوبرا وينفري اللي كانت اول مذيعه سود

في قصه لراجل كل شويه يدعي ربنا أنه يكسب في اليانصيب و ربنا قال له هكسبك .. يجي يوم السحب و يستنى اسمه ميقولوش أسمه .. أستني كمان و جيه يوم السحب و أستنى أسمه ملقاش أسمه .. ف قال أنا ليا كلام مع ربنا و قال له يا ربنا وقت كتير مر و أنا بردو مكسبتش مش أنت قولتلي هتكسبني .. ف ربنا قاله "أسعى يا عبد و أنا أسعى معاك" يعني روح أشتري تذكره يانصيب و بعدين هتكسب ^_^ أهو أحنا عاملين زي الراجل دا .. بندعي ربنا بحاجات كتير نفسنا فيها و ربنا بيرد علينا أنه موافق على كل اللي في بالنا .. بس أحنا مش بنشتري التذكره و بس قاعدين نندب فيحظنا الهباب و ليه محصلش و أنا أتكلمت كتير مع ربنا و بردو محسلش حاجه ... مثلا بنت ولا ولد مذكروش طول السنه بس قبل الأمتحانات بأسبوع دعا ربنا كتير اوي انه ينجح بس معملش حاجه ولا ذاكر ولا اجتهد و فضل مستاني فرج الله من بس الدعا و طبعا راح يشوف النتيجه أكتشف أنه ساقط ... الدعاء حلو و أننا نفتكر ربنا دايما دي حاجه حلوه و حلو جدا أننا نطلب من ربنا اللي نحتاجه كله .. بس بردو ربنا قال "أسعى يا عبد و أنا أسعى معاك" ...

أنهرده يوم مميز جداً لأن دا أول عيد ميلاد للمدونه دي .. زي أنهرده قررت أدخل عالم التدوين .. أنا فرحانه جدا بكل حاجه عملتها في السنه دي من كتابه في المدونه و في روزاليوسف و في Pens and Books و فرحانه جدا من مشروع الحسن و فرحانه جدا بكل شخص اتكلمت معاه و اتعلمت منه ... و أنا ببدأ المدونه دي ماكونتش عارفه اتخيل حاجه معينه بس قولت اجري علي الله .. بدأت و بعدها كان أقصى أحلامي أني أوصل ل10,000 مره الناس تدخول علي المدونه -كنت عارفه انها صعب جدا تتحقق و كان السبب القوي جدا لأن حلمي مش ممكن اني عملت اكتر من مدونه و فشلوا جدا لأن محدش يعرفهم غيري اصلا- .. أحب أقول أن المدونه وصلت لأكتر من 19,000 مره الناس تشوفها في سنه بدل ال10,000 اللي كان نفسي فيهم .. مش بس كدا أنا اتعلمت كتير أوي ... ف بما أني نجحت تقريبا بأكتر من أحلامي مضروبه في اتنين ^_^ ف شكراً لكل واحد من اللي قرأوا المدونه مره أو كل مره .. ربنا يخاليكوا ليا لأن أنا من غيركم مكونتش هعرف اصلا اني بعرف أكتب و بعرف أوصل كلامي بطريقه حلوه و سهله ...  شكراً تاني لكل أنسان قرأ لي مره او أكتر و ربنا يكرمكم و يسعد قلوبكم زي ما أس

حدوته قبل النوم .. و انا صغيره كان دايما بابا بيحكيلي حدوته عقله الاصبع او سيندريلا او علي بابا و الأربعين حرامي .. و لما كبرت حدوته قبل النوم محدش بيحكيهالي .. بس ابتدا يكون عندي حدوتي قبل النوم ... قبل النوم دا عالم لوحده .. مليان دعاء كتير بيبدأ ب"يا رب" و بعدها انجح او اوصل للي انا عايزه او بابا و ماما يوافقوا علي حاجه معينه او ان ربنا يرحم تيتا و جدو او ان ربنا يشفي مريض عزيز عليا او ان ربنا يرزقني بأبن الحلال او ان ربنا يفرحني و يفرح قلبي او اني اسافر العالم او او او ... قبل النوم بردو مليان خيالات و بنتمني تتحقق ..نفسي يكون عندي مدونه او عندي كتب منشوره او اكون مذيعه في التليفزيون او اكون public speaker او يكون عندي المؤسسه غير هادفه للربح اللي بحلم بيها او اني اكون مشهوره و الناس بتيجي تسلم عليا و تتصور معايا او اني اسافر العالم كله او او او ... قبل النوم ممكن يكون مليان ذكريات و في منها السعيد و ننام و في ابتسامه على وشنا و نصحي علي نفس الابتسامه و الmood دا و نفضل مبسوطين او ذكريات حزينه و ننام بدموع في عيونا و نصحى بنفس الدموع و نفضل في دوامه الmood الحزين .. و