Posts

Showing posts from July, 2014

رمضان بح

رمضان جيه و خلص .. رمضان بح خلاص .. و عايزه اتكلم معاكم عن اكتر 2 مسلسل انا شوفتهوم و مفوتش حلقه و عايزه اتكلم عن مسلسلات شوفتها شويه و عايزه اتكلم عن برامج عرفت فكرتها و عايزين نحكي علي الاعلانات .. يلا بينا ... اول مسلسل انا شوفتوا و فرحت بيه اوي مع ان مفيهوش حاجه تفرح كان سجن نسا .. نيلي كريم ابهرتني في بنت اسمها ذات و ازاي شاكلها نافع ست مصريه كادحه كمان .. و في سجن النسا كانت فوق توقعتنا اصلا .. مش بس نيلي كريم كل اللي عملوا المسلسل الواقعي دا طلعوا بشكل جديد و اكتر من رائع لدرجه اني مافوتش ولا حلقه واحده اصلا .. غاليه (نيلي كريم) من سجانه لمسجونه في جريمه قتل هي بريئه منها و ابن بعد تعبها عليه و حبها فيه مات و ظلم ميستحملهوش انسان اصلا .. دلال (دره) مع ظلم و فقر و الزن علي الودان امر من السحر .. رضا (روبي) و عزه النفس و وجعها و معني العفو عند المقدره .. و أدوار كمان زي المسجونه في قتل جوزها دفاع عن بنتها و الغجر و ان حياتهم عكس حياتنا عندنا الراجل لازم يشتغل و عندهم الست لازم تشتغل و الراجل لايمكن يشتغل عشان ميقولوش علي الست مش مكافيه بيتها ... مسلسل رائع و بيظهر سجن النسا بحيا

#PalestinesVoice 2-English

Image
July 24, 2014 was the first #PalestinesVoice day, and it was a huge success and there is another #PalestinesVoice day on July 31, 2014. Here is the previous blog post link:  http://shahdhrashedblog.blogspot.com/2014/07/palestinesvoice.html It all began while having a conversation with mum, and i took the point of view of being a human and refusing the death of any innocent person (children, men, women, elders, civilian, military, Egyptian, Palestinian, or worldwide). This is me and this is my mind set. I can never accept the unfair acts. Later on that day I've got an invitation from Naela Omar-one of my friends, asking me to join the #PalestinesVoice online demonstration. Without thinking twice I've selected going. I've joined July 24; and I'll join July 31. This is my calling and this is literally working with my own aim in life "I aim peace, happiness, freedom, optimism, fairness, and humanity to all people worldwide" and this demonstration asks for hum

#PalestinesVoice

Image
What will be your feeling? when you receive a phone call or a message asking you to live your house in 10 minutes, because it is your turn in bombing your home ... Is 10 minutes enough to wake the other people in the home? Is 10 minutes enough to wear your full clothes? Is 10 minutes enough to find your first birthday photo album or your family album or your wedding album? Is 10 minutes enough to pack your clothes and your wedding dress? Is 10 minutes enough to run or escape? Is 10 minutes enough to find a destination to go to? The most important question: Is there a place to go to?  Everywhere is bombing and everywhere is on fire. There is nowhere still free and everywhere is occupied.  One day you wake up in the morning and open your window to find another flag other than yours; every year the land is occupied more and more. Every year your land is diminished. You always face the risk of bombing your home, waking to find your children are killed, waking to see

مشروع سعاده

Image
مشروع سعاده .. بدأ بمجموعه بنات و ولاد من هندسه معماري و فنون تطبيقيه مش مبسوطين بشكل العمارات و الحوائط و الأرصفه .. و الشباب دول شافوا الناس كلها بتساعد الناس بالأكل و الشرب و اللبس و البيوت و دي كلها حاجات ماديه و محدش بيساعدهم نفسيا .. ف الشباب قرروا يساعدوهم نفسيا عن طريق الفن و الألوان بطريقه علميه لرفع المعنويات و نشر السعاده ... أهتموا بالمناطق العشوائيه و راحوا درب سعاده متفرعه من باب الخلق .. و قرروا ما يسبوش المكان يجيب الاكتأب كدا بس قرروا يرسموا و يلونوا و مش بس كدا كمان يكتبوا كلام يشجع علي التفاؤل زي "أوعي تيأس" و "السعاده" و "أضحك" و "السعاده في الرضا" ... مشروع مميز و جديد عشان نغير مش بس العشوائيات بس كل الأماكن في مصر عشان نكون كلنا فرحانين و مبسوطين و عندنا نشاط .. أصل فعلا مش كل اللي محتاجينه حاجات ماديه بس في احتياجات نفسيه و الألوان مع الكلام المشجع هما اللي بيساعدونا في احتياجتنا النفسيه ... و انت ماشي شايف العمارات رمادي و الارصفه مكسره و الحيطان مشققه أحسن ولا لو شوفتهم ملونين و مرسوم عليهم رسومات تشجع علي الت

مين اللي ورا لمعي؟؟

شوف الفيديو و بعدين نتكلم ... مين أصحاب نوَّر ؟ ندى و هادي طلاب في هندسه الجامعه الألمانيه .. ندي هي صاحبه الفكره .. هادي هو animator و designer و بيلعب بيانو و جيتار و كمنجه و بيكتب قصص قصيره ...  و الفكره بدأت عند ندى و هي في 3 اعدادي و بتدرس دراسات أجتماعيه عشان تقريبا كلنا و أحنا بنذاكر دراسات اجتماعيه كان عندنا القدره اننا نعمل اي حاجه غير اننا نذاكر الماده العقيمه دي ف ندى فكرت في نوَّر لأن الكميه كانت كتير و ماكنتش عارفه تركز .. فكرت ان احسن حل هو ان الكتاب دا يتحول لفيلم او فيلم كرتوون و يكون مفرح اكتر و جذاب كدا .. و فضلت الفكره في دماغها من اليوم دا و أخدت courses فالgraphics و الanimation عشان تحقق حلمها في يوم ما .. و دخلت الجامعه و هناك عرفت هادي اللي بردو بيعرف graphics و animation .. ندى قالت لهادي علي الفكره و هادي تحمس لها جدا .. و مصدر حماسهم كان انهم عايزين تعليم أحسن لكل الناس و ميكونش قيمه التعليم متعلق بالمدرس و يكون معاك مدرسك الخاص طول الوقت .. و بدل تضيع الوقت في أننا نشوف مين بيكتب notes كويسه و فين video اكيد صح و موثوق فيه نوَّر بيعمل كل دا و بيعمل v

الفرق بين البشريه و الانسانيه ...

Image
أنت بشر ولا أنسان؟ و ايه الفرق؟ البشر هو اللي بياكل و يشرب و ينام و يصحى و يدرس و يشتغل و يتجوز و يخلف .. بس الأنسان مختلف لأنه عايش لهدف و بيحققه باللي يقدر عليه .. طب و ايه دورنا او أحنا مخلوقين ليه؟ ربنا خلقنا لتعمير الأرض و دي كلنا عرفينها بس تعمير الأرض مش بس انك تجيب عيال تعمير الأرض أن يكون عندك هدف عايز تحققه و تكون عايز تسيب أثر قبل ما تموت .. تعمير الأرض أن وجودك من عدمه يفرق يعني رحلتك من يوم ما اتولدت لحد يوم ما هتموت لازم تكون عملت تغير في الكون ... و النتيجه ان مش كل البشر انسان بس كل الانسان بشر :) هحكيلكم عن أنجيلينا جولي لأنها نموذج للأنسانيه مش بس بشر .. واحده امريكيه و ممثله في هوليوود قررت تطوع مع الأمم المتحده في جنوب افريقيا و أماكن عشوائيه في بلاد العالم الثالث و البلاد اللي الحرب اهلكتها زي سوريا و كل شغلها مع اللاجئين تابعه للأم المتحده .. هي أستفادت ايه غير التعب؟ لاء استفادت كتير اوي لان وجودها من عدمه فرق كتير في حياه الناس و في رحله حياتها سابت أثر ... غاندي .. ساعد في استقلال الهند و كان الملهم للكتير من حركات الحقوق المدني و الحريات في

ART خانه

Image
مِينARTخانه؟ مؤسسه غير هادفه للربح مؤسسها مجموعه من الشباب هدفهم مساعده الناس بالفن ... أزاي بيعملوا كدا؟ بيختاروا مجموعه من الناس عشان يساعدوهم (أطفال مرضي بالسرطان) و بيساعدوهم في ورش رسم و موسيقى و أشغال يدويه و غيره .. و هدف الورش دي رفع معنويتهم و نشر السعاده .. و بعدها بيعملوا معرض لأعمال الفريق الفني من رسومات و قصص و أشغال يدويه للعرض و البيع .. و الفلوس اللي من المعرض بتروح تاني للناس (أطفال مرضي بالسرطان) ... ليه بيحصل كل دا؟ عشان 3 أهداف .. اول هدف هو أكتشاف المواهب و تشجيعهم لأستخدام مواهبهم لسبب خيري .. تاني هدف هو نشر البسمه علي وشوش ناس مفتقده البسمه لأسباب خارخ ارادتها زي المرض مثلا .. ثالت هدف هو مساعدتهم مادياً عن طريق فلوس المعرض الفني ... المشروع دا بدأ من وقت قليل جدا من 15 مايو 2014 بس نجح من وجه نظري عشان أختلاف الفكره و أنها معتمده علي الفن من رسم و كتابه و أشغال يدويه و دي حاجه مش متوفره اوي يعني ... أنا ليه بكلمكم عنهم .. هما فكره جديده و بيعملوا خير بطريقه مبتكره جدا .. أنا مروحتش ولا مره بس أنشاءالله هروح لهم قريب .. المهم كان في Event الجم

حواديت ...

Image
أنهرده أنا كنت في مكان حلو أوي بحضر ندوه حلوه أوي .. أنهرده أنا كنت في حواديت بحضر حدوته من حواديتهم و البطل كان عصام يوسف .. أنا و بابا و فرح أختي قررنا نروح بعد الفطار .. وصلنا بسهوله لشارع مصدق و سألنا علي مستشفي أحمد شفيق و لقينا حواديت علي طول .. طرقه و بعدها جنينه و قعده مريحه للأعصاب و جوا مكان صغير و عائلي جدا مليان كتب مختلفه و مشغلين محمد منير .. بعدين بدأت الحدوته ... قبل ما احكي الحدوته هتكلم عن حواديت .. مركز ثقافي و فني بيعمل في مجال النشر و التوزيع و الندوات الثقافيه و الحفلات الفنيه المميزه و مهتم بأكتشاف المواهب الجديده و بينظم كورسات فنيه ... دلوقتي نتكلم عن الحدوته .. عصام يوسف ابن عبد التواب يوسف و ماما لبني أشهر ناس بتكتب للأطفال .. بس أبنهم ماكنش بيكتب و كان أخره في الكتابه مواضيع التعبير في المدرسه و كان بيجيب فيهم دراجات عاليه و المدرس كان بينجحوا عشان التعبير .. و أتخرج من أداب أنجليزي و عشان بيحب البيع و الشراء أشتغل في العربيات .. و بعدين بدأت قصه "ربع جرام" و كان عايز يعملوا فيلم و عشان يتعمل فيلم لازم يتكتب و لما قالمابيعرفش يكتب قال

ألعب و أفرح

Image
مش مهم ابدا سنك من رقم واحد ولا وقمين ولا انشالله يكون ثلاث ارقام .. الرقم مش مهم ابدا ابدا .. المهم بجد سن روحك كام .. يعني ممكن سنك يكون 20 بس روحك 80 و ممكن سنه 80 بس روحك 20 ... أنا عندي 20 و نظرا لأني قصيره ف محدش مقتنع بسني اصلا و فكرني لسا في المدرسه مش في الجامعه .. و ناس كتير بتفتكر أختي الصغيره اكبر مني لأنها الطويله .. كل دا بيأكد علي فكره اني صغيره ^_^ ليه بنكلم في الكلام دا .. عشان عادي تلاقيني طالبه جامعيه و داخله سنه ثالثه كمان و شاطره في دراستي و نازله تدريب شغل و عندي مدونه كمان و بحب أحضر مناقشات عن علم النفس و التنميه البشريه كمان .. و عادي بردو يلاقيني طفله جدا لما أشوف بلالين و غزل بنات و لعب و مراجيح و أحب ألعب جدا جدا ... أوعي تقول طفوله متأخره !! دا أنا عيشت طفوله ماليانه لعب و دلع .. بس دي عشان كل واحد فينا جوا منه طفل و أنا بحب العب مع الطفل اللي جوايا جدا ^_^ يعني أمتي أخر مره أشتريت لنفسك حاجه نفسك فيها و منغير سبب يعني مثلا اشتريت لنفسك فانوس طب لما شوفتي بلالين حلوه و عجبتك ليه مجبتيهمش .. ليه لما كان نفسك تروح Dream Park ولا Magic Galaxy

لمعي !!

Image
مين لمعي؟ عبقرينو الزمن الحالي .. الطالب البسيط اللي بيجري ورا العلماء عشان يفهم ليه عملوا كدا فينا .. ممكن تشوفوا مع اينشتين عادي جدا و بعدها تلاقيه مع زويل !! نوّر .. فكره جديده عشان نغير طريقه دراسه المواد العلميه عن طريق الرسوم متحركه 2D و 3D و دا هيساعد طلاب الجامعات و المدارس المصريه و الأمريكيه و البريطانيه  لضمان توافر الأسلوب القيم و الشيق للكل .. و الفكره دي هي الأولى من نوعها في مصر .. هدف نوّر هو المزج بين الرسوم المتحركه و الفن و التعليم لتطوير العلم و المجتمع بشكل عام .. الفيديوهات من اول تحضير الماده و الرسوم المتحركه و الصوت من عمل فريق نوّر اللي هما مكونين من طلاب و المراجعه هتكون علي يد بعض الداكتره ... الفيديوهات متكونه من شرح مفصل للموضوع عشان الطلاب يقدروا يفهموا بسهوله .. و رسوم متحركه عشان جذب الانتباه و المساعده ف فهم المواضيع المعقده .. أغاني و صور مضحكه لتسهيل الحفظ ... كل فيديو هيكون متوفر باللغتين العربي و الأنجليزي و كمان اللغه العامه اللي متكونه من مزيج العربي و الانجليزي .. و مده الفيديو هتكون بين ال10 و ال15 دقيقه .. و الفيديوهات هتكو

قادرون بأختلاف

Image
17 يوم رمضان ب17 قصه نجاح لمستخدمي الكراسي المتحركه .. كل قصه فيها بطل حقيقي زي و زيك و البطل دا مر بتحديات تهد جبال و لكن قرر يكون قوي و ميوقعش و يحارب و ينجح .. شوفنا أبطال في السباحه و أبطال في التنس و شوفنا اللي فاتح شركته و اللي بيشتغل في شركات معروفه و شوفنا اللي حارب عشان حقه يرجع شغله و شوفنا اللي عمل بيت و أسره و تجوز و مستني طفل كمان و شوفنا الحالات الصعبه و الحالات البسيطه نسبيا و شوفنا اللي حالته تحسنت فوق كل التوقعات و شوفنا اللي حارب عشان حلمه و اللي قرر ما يشتغلش غير اللي بيحبه و بس ... عرفنا أسباب كتير لأستخدام الكرسي المتحرك ممكن حادثه و ممكن مرض و ممكن خطأ طبي و ممكن غيره كمان ... عرفنا المشاكل اللي ممكن تواجه اي مستخدم للكرسي المتحرك .. من المشاكل دي السلالم و الطرق الغير مجهزه و أن في أماكن كتير مش مجهزه لأستقبال مستخدمي الكراسي المتحركه و  المدارس و الجامعات نوادر منها اللي جاهزه يمكن جامعتين او تلاته في الجمهريه كلها و كمان أغلب الشركات مش بتقبل مستخدمي الكراسي المتحركه .. أحنا نفسنا مش مجهزين لمعامله مستخدم الكرسي المتحرك ... عمرك شوفت عمل فني فيه م

فكره بمليون جنيه

Image
و أنت بتقرأ في كتاب ربنا بتاعك .. جيب ورق صغير و كل ما يقابلك رساله من ربنا في ايه اكتبها في ورقه مع اسم الصوره و رقم الايه .. هات برطمان كبير و أكتب عليه "رسائل ربي" .. و كل يوم أول ما تصحي افتح ورقه و اعرف رساله ربنا ... دي كانت فكره علي جروب "كلام من القلب" بس الفكره كانت علي القران و بس ... أتنين أصحابي "منه و دينا" قرروا يعملوا الفكره بس بما أن منه مسلمه و دينا مسيحيه ف الفكره اتطبقت علي القران و الانجيل .. منه قرأت الفكره و عجبتها و قررت تنفذها و عشان كلنا بينقصنا التشجيع ف قالت لصاحبتها الأنتيم دينا .. و كل يوم و منه بتقرا في القران او دينا بتصلي بيطلعوا رسائل من ربنا ليهم ... أنا أول ما شوفت و قرأت و سمعت عن الفكره أعجبت بيها جدا .. قررت هنفذها و أشجع صحابي ينفذوها كمان .. و كلنا نكسب الثواب من أول "كلام من القلب" و "منه و دينا" و أنا و كل واحد هيكون السبب أن حد يعرف الفكره و ينفذها ... و كل واحد فينا أخد حسنه و كل واحد هيعملها بسببنا هناخود بسببه حسنه و الحسنه بعشر اضعاف أنشاءالله ... خاليك سبب خير و أنشر الخي

قادرون بأختلاف 17

Image
الشخص السبعتاشر هو دكتور سنه في ال30 .. أصيب بشلل رباعي بسبب حادثه عربيه .. العربيه اتقلبت في طريق شرم الشيخ و هو راجع 3 أيام العيد في 2000 عشان شغله في القصر العيني في قسم الانف و الاذن و الحنجره .. و بسبب الحادثه عمل مجموعه من العمليات لأنقاذ الحياه و بسبب العمليات اللي فضلت 10 أيام مستمره دخل في نصف غيبوبه و بسبب الغيبوبه تم نقله لسويسرا و أول ما وصل تدهورت الحاله لغيبوبه كامله و القلب توقف كذا مره .. الدكاتره أعتبره بيموت بس أهله كان عنجهم صبر و مصابره و امل و أطمئنان لربنا و متخلوش عنه ... و سبحان الله و كأنه أتولد من جديد .. و أستمر العلاج لمده سنه و نص في سويسرا .. و في خلال السنه و نص كان عنده شلل تام بس ربنا أراد تتحسن حالته .. و بعد رجوعه للقاهره أكتشف ان الصعوبات ما انتهتش عند الشلل و لكن في الحرمان من زوجته و أولاده .. بس هو قرر يتقدم و يتحسن و يكسر الحزن رغم الشلل في حياته العلميه و العمليه و فقدانه لعائلته .. و أخذ الأمتياز في الدكتوراه و وصل لدرجه مدرس سمعيات في كليه طب جامعه القاهره .. و تابع التطور الي ان وصل لدرجه لأستاذ بالكليه بعد 10 سنين من وصوله القاهر