لمعي !!

مين لمعي؟ عبقرينو الزمن الحالي .. الطالب البسيط اللي بيجري ورا العلماء عشان يفهم ليه عملوا كدا فينا .. ممكن تشوفوا مع اينشتين عادي جدا و بعدها تلاقيه مع زويل !!

نوّر .. فكره جديده عشان نغير طريقه دراسه المواد العلميه عن طريق الرسوم متحركه 2D و 3D و دا هيساعد طلاب الجامعات و المدارس المصريه و الأمريكيه و البريطانيه  لضمان توافر الأسلوب القيم و الشيق للكل .. و الفكره دي هي الأولى من نوعها في مصر .. هدف نوّر هو المزج بين الرسوم المتحركه و الفن و التعليم لتطوير العلم و المجتمع بشكل عام .. الفيديوهات من اول تحضير الماده و الرسوم المتحركه و الصوت من عمل فريق نوّر اللي هما مكونين من طلاب و المراجعه هتكون علي يد بعض الداكتره ...

الفيديوهات متكونه من شرح مفصل للموضوع عشان الطلاب يقدروا يفهموا بسهوله .. و رسوم متحركه عشان جذب الانتباه و المساعده ف فهم المواضيع المعقده .. أغاني و صور مضحكه لتسهيل الحفظ ...

كل فيديو هيكون متوفر باللغتين العربي و الأنجليزي و كمان اللغه العامه اللي متكونه من مزيج العربي و الانجليزي .. و مده الفيديو هتكون بين ال10 و ال15 دقيقه .. و الفيديوهات هتكون متوفره ببلاش علي القناه الرسميه علي الYoutube و الموقع الرسمي ف متوفره في أي مكان و أي زمان و الطالب يقدر يذاكر بقواعده و وقت م يحب  و الفيديوهات جذابه عشان الطلاب تركز ...

الطريقه دي هتساعد كل أنواع الطلاب اللي بيعتمد علي الفهم و التفكير او اللي بيعتمد علي الكلام و القراءه او اللي بيعتمد علي الصوره و النظر او اللي بيعتمد علي الصوت و السمع .. نوّر مش بس بتعرض الفكره دي كمان بتشجع الطلاب علي مهارات مختلفه منها الأبداع و التفكير النقدي ف يوصلوا لنتائج أحسن بكتير من الاسلوب المتعارف عليه من الحفظ ...

رحله كل فيديو متكونه من 4 مراحل .. اول مرحله البحث من مصادر موثوقه .. تاني مرحله شرح الدروس بطريقه منطقيه و ترتيب منطقي .. تالت مرحله كتابه السيناريو اللي هيتحول لرسوم متحركه .. رابع مرحله هي ان الفريق بالكامل مع الداكتره هيرجعوا الفيديو عشان لو في اي تعديلات ...

نوّر هيعملوا حصص في المدارس و الموقع الرسمي هيكون مجتمع لكل الطلاب من حول العالم مكون من الفيديوهات و أسئله و أمتحانات و نقاشات ...

نوّر هتكون مؤسسه غير هادفه للربح انشاءالله و توفر كمان فرص عمل و فرص تدريب ...

رسائل من فريق نوّر:

Nada Donia - Founder
"لن نقف مكتوفي الأيدي غير قادرين على تغيير الوضع التعليمي في مصر ! لقد حان الوقت أن يأخذ الشباب المبادرة و ألا ينتظر المعجزات ؛ فنحن قادرون على تغيير الوضع الحالي و إنقاذ الأجيال القادمة . تحويل العلوم إلى فنون فكرة ربما ليست بجديدة و لكنها لم تطبق من قبل بالشكل الكامل الذي يحلم به فريق نوَّر. فإن التطبيق الصحيح لهذه الفكرة لن يمكن الطلبة فقط من التفوق و الاستمتاع بالعملية التعليمية بل و أيضا سيوفر لهم الوقت لأنهم أصبحوا يتعلمون بكفاءة و أصبحوا غير مرهقين من التعليم. و بهذا استطاعوا أن يوفروا وقتا للمشاركة في ٱي أنشطة بناءة تنمي عقلهم و مهاراتهم."

Hady Aymen - Co-founder and Head of Animation and Graphics committee "فى حين كتابة هذه السطور يكون قد مر اكثر من عام كامل على أول يوم عرفت فيه فكرة نوَّر. ورغم طول المده نسبيا ، الا اننى أشعر كل صباح انه اليوم الأول للفكرة ، بل و أشعر بأن لدى الكثير و الكثير من ما استطيع اضافته و بذله لتلك الفكرة .لو نظرت الى فريق العمل ستجدهم يعملون ليل نهار بلا كلل او ملل غير منتظرين اى جزاء لتعبهم ، فهنا يجب ان تنتظر لحظه لتتأمل و تتسائل .. لماذا يعمل هؤلاء بهذا الحب و الاخلاص ؟ ما وقودهم و ما هى دوافعهم ؟
انه نتاج ايمان عميق ترسخ داخل كل فرد منهم بعد تجارب –لا بد و ان كانت مريرة – في نظم تعليمية لا تؤمن بجمال العلم.
لطالما آمنت اننا وجدنا هنا لسبب..لغايه أكبر..لنغير شيئا ما قبل ان نرحل .. و لقد وجدت في نوَّر ما يشبع تلك الأفكار المترسخه في عقلى.. فهو فرصتنا لننشر روح شبابنا و قدرتنا على الـتغيير ، لنعطي قبل ان نأخذ. لنحب قبل ان نكره ، لنثبت للجميع ان ما كان مستحيل تحقيقه بكل السبل استطعنا ان نفعله بالاخلاص و الحب ،نوَّر ليس مجرد مشروع تعليمي. نوَّر هو خلاصه جفون قررت ان لا تنام لتفيد غيرها، عقول قررت ان تسهر لتغير واقعًا، شموع احترقت لتنير دربًا كاد الظلام ان يمحوه، كلمات وحيده متفرقه قررت ان تتراص وتتساند لتعطى جمله ذات معان قد تغير ما عجز الكثير عن تغييره."

Tony Medhat - Materials team"كنت في انتظار أي فرصة لأستطيع أن أقدم شيئا مفيدا للعالم و ها قد أتت. و هي ليست فرصة عادية بل فرصة مميزة لأن مشاركتي في نوَّر ستفيد الكثير ممن يترتب عليهم مستقبل هذا البلد بل و قد يكون
مستقبل البشرية… يومها سوف يذكر التاريخ أني من ضمن الشباب الذين زرعوا بذرة هذا المستقبل."

Maggie Moheb - Materials Team "وانا فى المدرسة فى مرة قال لنا المدرس ان مشكلة التعليم ان الناس مش فاهمة و مش قادرين يشوفوا بعينهم او يجربوا بايدهم فيفهموا ، كل حاجة عندنا تخيل…. فيه مجال مغنطيسي … تخيل … جسم الانسان فيه رئة … تخيل… بس نوَّر هنا هيساعد يحل كل دة… بدل ما احنا بنحاول نفهم حاجات مش قادرين نتخيلها، نوَّر هيستعمل الgraphics فهنقدر نشوف . لو اتحقق المشروع دة بجد و بقى عندنا فرصة احنا فعلا فعلا فعلا هنغير كتير قوى فى البلد دى.. و هنساعد ناس كتير قوى كانت حافظة انها
تفهم قبل ما تحفظ"

Youmna Salah - Materials Team "جربت مره اشرح لناس حاجة مكنوش فاهمينها وشفت السعاده اللي اترسمت علي وجوهم بعد مفهموها فقررت مبطلش"

Ola - Graphics Team

"شغل بحماس... قايم نايم صاحي عليه... ماشي فالشارع بتفكر فيه... أربعة وعشرين ساعة... باختيارك وبكامل ارادتك...لما تبقى من أسعد لحظات حياتك انك تنجز ولو جزء فيه... نور بالنسبة لي مش مجرد مشروع ... نور بالنسبة لي اسلوب حياه"

لو عجبك المشروع تقدر تصوت له هنا: https://www.youth-competition.org/groups/entrepreneurship-competition-2013/contests/2/960#

يلا صوت للمشروع قبل 31 يوليو ^_^