Shahd's Tea Party

** This must be written in English, out of easiness!! & actually I didn't express myself in English in a while. And sorry for everyone who will find it hard **  ** Congrats to all the graduates, and enjoy the new chapter in your lives, and always consider the pledge you said and live with it ** Let's start !! I won't speak a lot about my acceptance journey, but I'll speak more about the 3 days graduation journey. Those days were an example for teamwork & collaboration. Those days were some of my best days ever. Everyday consists of: Flow Ushering Team: to guide the graduates to their gate & the parents or VIPs to their gates too. Parents Ushering Team: to guide the parents to their seats, and maintain that everything is OK and no one is breaking the guidelines. VIPs Ushering Team: to guide the VIPs to their seats & makes sure that everything is safe & going well. Graduates Ushering Team: to guide the graduates through out the

أمبارح كان أول مره أحس أنه بجد الموت قريب أوي و مش لازم أكون عيانه ولا في المستشفى ولا في عربيه سايقه بسرعه ولا بعدي الشارع ولا بعمل حاجه خطر زي اني انط من فوق الجبل .. ممكن أكون واقفه عادي و أكتشف أن في قنبله في العربيه اللي جنبي-بيني و بينها خطوتين و بس .. بعيداً عن اني بخاف بسهوله بس دا موقف يرعب بصراحه لأي حد .. "أنا ممكن في أي لحظه أموت !!!" دي الحاجه الوحيده في دماغي ... الموقف ك التالي: صحيت الصبح .. غسلت وشي و سناني و لبست و فطرت .. قعدت أتكلم مع أمي الصبح شويه .. و بعدين لميت حاجتي و نزلت عشان أروح للأتوبيس بتاع الجامعه-زي كل يوم .. لقيت زحمه مش عاديه-بس قولت يمكن حادثه ولا خناقه .. كملت مشي عادي جدا و لما لقيت بوليس و كلب أبتدأت أخاف .. و لما سألت عرفت أن العربيه الVolkswagen القديمه و لونها برتقالي دي فيها قنبله-مش شكوك لأن الكلب شم القنبله و الشرطه قافله الشارع و مستنيه الونش يشيل العربيه و في هيليكوبتر بيلف المكان من فوق على بعد مش بعيد أوي ... و هنا أتشل عقلي عن التفكير أصلاً و  معرفتش أفكر بصراحه غير في أني أبعد قدر المستطاع و معايا صحابي .. بس فكرت

الحياه رحله بتوجع أوي كدا .. رجلك متعوره جامد .. في ناس توقف و متكملش لأنها تعبت أوي و رجلها مش قادره تمشي ولا خطوه كمان و في ناس بتعافر و تكمل و أكيد رجلهم في يوم هتخف !! في الحياه اللي أهم من أنك توصل لحاجه معينه و هدف بعينه هو أنك تكون مبسوط و تموت راضي ... فكر كدا في الأسئله دي: أنا موجود ليه هنا؟ أنا موجود ليه دلوقتي بالذات؟ أنا موجود ليه هنا بالذات؟ الفكره في الحياه أعمق بكتير من أنك توصل لهدف بعينه .. الفكره هي أنك لما تموت تكون راضي .. ماتقولش ياريتني ضحكت أكتر ولا ياريتني أشتغلت أكتر ولا ياريتني بطلت كسوف ولا ياريتني نمت على القد و بس ولا ولا ولا ... في فكرتين في أنك تعيش حياتك ب رضا و سعاده و تموت مرتاح و راضي و مبسوط: عيش كل يوم و كأنه أول يوم في حياتك... عيش كل يوم و كأنه أخر يوم في حياتك... لما تعيش كل يوم كأنه أول يوم في حياتك .. هتعيش زي الأطفال .. كل حاجه من أصغار حاجه لأكبر حاجه بتبهرهم جداً .. أصله كطفل بيعمل كل حاجه لأول مره .. بيمشي و بيأكل و بيتكلم و بيلعب و بيتعرف على الناس .. كل حاجه هي أول مره بالنسبه لهم ف المتعه و اللذه موجوده

طلع الشيف اللي جواك!! شعار قنوات جديده اليومين دول .. و بما أن أنهم فاتحين في بلاد عربيه عموماً و مصر خصوصاً ف أي حاجه لها علاقه بالأكل بتكسب و بتفضل .. و الله من أول عربيه الفول لأغلي restaurant ... ف أكتشفنا فتافيت و ن بعدها طلع سي بي سي سفره !! و دايماً أمي و أختي بيحبوا القناه دي أوي أوي .. مع أن أمي بتطبخ حلو أوي والله و أختي صغيره عندها 16 سنه يعني .. و بما أني قاعده معاهم قولت لازم أكتب اللي بشوفوا .. أه من اللي بشوفوا أه !!! سي بي سي سفره .. في برامج تحس أنك في بلد غير البلد و أتيكيت و طرق تقديم الأكل للأطفال و تورتات و حركات جامده جداً .. أنا بتستهوني البرامج دي جداً .. ببساطه بيعلموا فن الطبخ الحديث ب أكلات من حول العالم متنوعه مع شويه معلومات عن التغذيه و شويه اتيكيت مع أن مثلاً شعرهم بيوقع في الأكل و أيدهم من اللحمه للخضار .. بس بصراحه بحبهم أوي يا خال الناس دي ... ندخل على المدرسه الكلاسيكيه المصريه في الطبيخ و بردو من سي بي سي سفره .. و تلاقي البيت المصري من أكل مصري بسيط و سهل مع القليل من الأبتكار او الأختلاف و مكونات سهله و بسيطه .. مع نصايح الأم المصريه

في قديم الزمان الشمال كان أتجاه زيه زي اليمين و غيرهم من الأتجاهات .. بس فاجأه شمال تحولت لشتيمه و كلمه قبيحه و عيب جداً تتقال لحد !! مين شمال؟ دا سؤال لازم نسأله لنفسنا قبل ما نقول على الناس شمال .. يعني ايه شمال اصلاً غير أنها أيدك اللي مش بتأكل بيها ... "يوم شمال" أو "بنت شمال" أو "ولد شمال" .. من الأخر أنتم عملتوا حياتنا شمال منغير ما نفهم يعني ايه شمال !! بنقول شمال على أي حد مختلف عننا .. أختلاف في التربيه يمكن أو في التفكير جايز .. البنت اللي بتلبس ضيق أو البنت اللي بتشرب سجاير أو الولد اللي عامل ديل حصان أو البنت اللي بتحط مكياج كتير أو مش محترمه أو بتتولد شمال-سبحان الله مولود على جنبك الشمال كدا- أو بتضحك بصوط عالي أو ولد بجح أو براشوط أو أسلوب حياه ... لو البنت مصاحبه قبلك تكون شمال و لو مصاحبك انت قشطه !! دا بأي دين ولا أي عُرف دا أنشاءالله !! ماهو التصرف واحد ف يا كله شمال يا كله يمين .. مش أسلوب دا أبداً !!! مين قرر مين شمال؟ الشكل مش كفايا أكيد .. مش ممكن دي تكون تربيتها مثلا أو دا العادي بالنسبه لها زي ما في عادي بالنسبه لنا

دلوقتي أنا بتكلم عن الباربيهات بس هيجي يوم للبرينز تشارمينج اوعوا تقلقوا والله .. المهم دلوقتي نركز على البرنسيسات اللي كلهم تحولوا لبربيهات و أي حد غيرهم اصبح يع و اع و كل الالفاظ اللي بتدل على الاشمئزاز و القرف-تحس ان في حبهان تحت ضرسهم كدا- و أصبحت اي بنت مش باربي بيئه موت و مش كلاس خالص !!! يعني ركزوا كدا في البنات اليومين دول: كل البنات صابغين شعرهم فاتح (بني-أصفر-نص أصفي)  كل البنات ضاربين الlenses (زرقا-خضرا) كل البنات وزنهم يتراوح بين ال40 و ال50 بالكتير كل البنات المحجبات مشمريين الكم للكوع و البنطلون فوق الخلخال و الاشارب تربون-مش هتكلم في الحرمانيه أنا بس بتكلم في الشكل- كل البنات لابسين كعب و كأنهم مولودين به بس المصيبه انهم بيعروجوا و تحسهم ماشين على الحبل كل البنات حاطين eyeliner و محددين عينهم و مزودين الرموش و الmascara عشان السحر الجبار للنظره و طبعا لازم الlip liner و الlip stick و الlip gloss بالمره كل البنات لابسين نفس شكل البنطلونات و التيشرتات و الdresses و الskirts .. حتى نفس الاكسسوار البنات كلها بتاخد selfies و ضاربين البوز و أشتروا الselfi

دي Tweet كاتبها  @moh_sophy في مجله كلمتنا .. فيها حكمه والله العظيم!!  ركزوا فيها كدا .. "لا تتبع القطيع .. فأنت لا تعلم الى اين ذاهبون" !!  زمان كانوا بيقولوا لنا أن المعزه اللي بتمشي بعيد عن القطيع الذئاب بيأكلوها .. و لو في رحله مشيتي بعيد عن المجموعه ممكن تتوهي و تتخطفي .. و لو مشيتي بعيد عن أهلك هتتعكسي !!! هو دا حقيقي !!! لازم نمشي مع القطيع و نعيش زينا زي المعيز !!! مع العلم أننا لو شوفنا حاجات غلط و الأغلبيه العظمه غلط نقول مالناش دعوه !! لا يا راجل .. المبادئ مبتتجزءش ما هو يا قطيع يا مقطعش ... تعالوا نفكر سوا شويه كدا !! يعني هو القطيع دا لو شايف ان البنت مش لازم تتعلم أصلا بس أنا نفسي اتعلم جدا .. الحل اني امشي مع القطيع و متعلمش ولا اختلف و اتعلم !! شوفوا ايه اللي حصل مع مالالا يوسافزاي في باكستان عشان قررت انها هتتعلم حتى لو الناس شايفه ان البنت عوره و متتعلمش .. دي كانت هتموت و عاشت بمعجزه عشان تكون رمز و تسيب علامه مهمه جدا في العالم كله و العالم كله يتكلم على البنت دي ... طب لو القطيع دا شايف ان البنت حتى لو أتعلمت متشتغلش و أحسن لها تتجوز

كل واحد فينا عين نفسه قاضي .. و بنقول على بعض كلام و بنسمي بعض اسامي برضاك او غصب عنك .. ممكن يكون كلام ايجابي و ممكن سلبي .. ممكن تكون حاجات فيك و ممكن حاجه مالهاش علاقه بيك .. وارد جدا يكون كلمه سر عشان لما يتكلموا عليك انت ماتفهمش انه اللي بيتهزأ دا انت اصلا و مش بعيد يقولوا لك ان دا اسم حد تاني عشان تتريق على نفسك انت شخصيا ... كلنا من النوع اللي بنقسم و نقول على بعض كلام .. انت بتعمل كدا و انتي بتعملي كدا و حضرتَك و حضرتِك كمان .. اقول لكم حاجه: أنا كمان اوقات بعمل كدا و نفسي أبطل!! كل واحد فينا بيعمل كدا أوقات او لفئه معينه او على طول ... و لو شوفنا بنت لبسها كله بنطلونات و تيشرتات بنقول دي مسترجله .. و لو شوفنا تربون و سبانش نقول حرام و عيب .. لو بنت هاديه و ساكته تكون تنكه و شايفه نافسها و لو مُتكلمه و اجتماعيه تكون هبله و متسرعه .. لو تخين او تخينه نقول كرمبه و لو رفيع او رفيعه نقول معصعص ... دا بالشكل كدا !!! لو سمعنا واحد او واحده بيتكلموا English كويس جدا نقول بيطنطت علينا و لو الEnglish نص نص نقول ليه كدا و بيحرج نفسه دا بيئه اوي و لو مافيش English خالص ن

امبارح كنت برتب مكتبي و كراكيبي عشان السنه الدراسيه الجديده-ثالثه جامعه .. بس دي عاده و ربنا ما يقطع لكم عاده من و انا في اولى ابتدائي بكتشف ان المدارس داخله لما الاقي ماما بتقول يلا نضفوا المكاتب و شيلوا الكتب و الكراسات القديمه عشان يكون في مكان للجديده .. و قبل المدرسه بيوم ولا اتنين ننزل نجيب الاقلام و الكراسات و المقلمه و التفاصيل دي ... الموضوع دا استمر لحد ما دخلت الجامعه و لحد ما هتخرج كمان ^_^ بس دايما كان في ورق مش بتخلص منه و قواقع و قصاقيص ورق ملون و اقلام ملونه و notebooks انا اللي عملها و مش برميها ابدا ابدا .. و لما قعدت اروق الحاجات بتاعتي اتبسط اوي و انا شايفه ذكريات الhighschool و سنين الجامعه اللي عدت و القواقع اللي بجمعها و الشعب المرجانية و العقد اللي بحبه لما اتقطع احتفظت بأحجاره و قصاقيص المجلات و لعبي الصغيره ... لقيت حاجات مني .. حاجات هي السبب في اني اكون انا بتاعت دلوقتي ^_^ من زمان و انا بقطع المقالات اللي عجباني من المجالات و اشيلها يمكن دا سبب اني اكتب دلوقتي .. من زمان و انا بحب اكتب كلام يشجعني لسا موجود و بيشجعني .. من زمان و انا بحب حاجات بالوقت تطو

"كل اللي يجي في الريش بقشيش" مقوله معروفه جدا بنقولها مثلا لما العربيه تتخبط بمعنى ان مش مهم اللي حصل في العربيه دا بقشيش اننا بصحتنا و كويسين .. طب ليه مش بنعمل نفس الحاجه مع باقي المشاكل اللي بنقابلها !! مثلا اتخنقتي مع صحابك او حبيبتك سابتك او خطيبك فركش معاكي او اطلقتي او سيبتي شغلك او فشلتي في مشروعك .. ليه بقا مش بنقول ان كل اللي يجي في الريش بقشيش .. ما طول ما انت لسا ليك عمر و عندك صحه كل المشاكل اللي عدت دي جات في الريش مش أكتر ف نعتبرها بقشيش ... الحياه صعبه و يوم حلو و يوم مر .. و كلنا عارفين دا و متأكدين منه لأن ربنا مش جايبنا يعذبنا أكيد !! و بما أن الحياه فيها صعوبه اللي هي المشاكل و المصايب اللي بتعدي بينا فيها الحلو بتاع ان لينا في العمر بقيه و كمان عندنا صحه و الحمدلله ^_^ ف نبوس ادينا وش و ضهر و نكمل حياتنا زي ما احنا عايزينها ... هو الطفل اول ما بدأ يمشي قام و جري ولا واحده واحده مشي و وقع و قام و اتسند و مشي تاني .. و تاتا تاتا وصل للمكان اللي هو عايزه !! طب ليه بقا عايز نفسك اول ما تصاحب ولا تتخطب ولا تتجوز ولا تشتغل ولا تتعلم تجري الدنيا مع

مش قصدي تكدب على نفسك و مش قصدي تعيش حياه مش بتاعتك و مش ملك لك و عمال تكدب فيها على نفسك قبل اللي حواليك .. أنا قصدي  تعيش مبسوط ^_^  أوقات كتير هموم الدنيا بتيجي فاجأه في وشك و بتكون مفاجأه ملهاش لازمه ابداً بصراحه .. و المصايب مش بتفضل مصيبه واحده لاء ابسلوتلي دي المصايب بتتكاثر بسرعه الضوء .. أصل لما بتبدأ تسود في وش الواحد السواد بيجيب سواد !!  أنت شايف حزن و زعل و مشاكل و مصايب .. اكيد مش هتعرف تشوف حاجه حلوه او بسمه وسط المشاكل دي كلها !! يلا جيه دور أنك تتبسط و تبتسم و تضحك كمان :) و دوري أقول لكم أزاي ^_^  Fake Smiling .. مش هدفه تكدب على نفسك و تدفن أفكارك السلبيه !! بس هدفه انك تبدأ تبتسم و تقف مستقيم و تمثل الفرحه في كل حركات جسمك و وشك .. و كمان تغيير أفكارك واحده واحده من الأفكار السلبيه للأفكار الأيجابيه .. و تبدأ تعيش في المشاعر الايجابيه بتاعتك ... على فكره الكلام دا مش من واقع الخيال .. أنا عملت الكلام دا على نفسي و نفع جدا ^_^ أصل المخ مش بيعرف احاسيسك و بعدين يقولك ابتسم او كشر .. بالعكس المخ بيشوف وشك مبتسم ولا مكشر ف يفرز الهرمونات على الاساس دا !!