Fake Smile
مش قصدي تكدب على نفسك و مش قصدي تعيش حياه مش بتاعتك و مش ملك لك و عمال تكدب فيها على نفسك قبل اللي حواليك .. أنا قصدي تعيش مبسوط ^_^ أوقات كتير هموم الدنيا بتيجي فاجأه في وشك و بتكون مفاجأه ملهاش لازمه ابداً بصراحه .. و المصايب مش بتفضل مصيبه واحده لاء ابسلوتلي دي المصايب بتتكاثر بسرعه الضوء .. أصل لما بتبدأ تسود في وش الواحد السواد بيجيب سواد !! أنت شايف حزن و زعل و مشاكل و مصايب .. اكيد مش هتعرف تشوف حاجه حلوه او بسمه وسط المشاكل دي كلها !!
يلا جيه دور أنك تتبسط و تبتسم و تضحك كمان :) و دوري أقول لكم أزاي ^_^
Fake Smiling .. مش هدفه تكدب على نفسك و تدفن أفكارك السلبيه !! بس هدفه انك تبدأ تبتسم و تقف مستقيم و تمثل الفرحه في كل حركات جسمك و وشك .. و كمان تغيير أفكارك واحده واحده من الأفكار السلبيه للأفكار الأيجابيه .. و تبدأ تعيش في المشاعر الايجابيه بتاعتك ...
على فكره الكلام دا مش من واقع الخيال .. أنا عملت الكلام دا على نفسي و نفع جدا ^_^
أصل المخ مش بيعرف احاسيسك و بعدين يقولك ابتسم او كشر .. بالعكس المخ بيشوف وشك مبتسم ولا مكشر ف يفرز الهرمونات على الاساس دا !! سبحان الله .. ربنا خلق المخ اننا نقدر نضحك عليه و نفرح حتى لو مفيش فرحه حقيقيه بس هنعرف نجيب الفرحه الحقيقيه ^_^
في 3 حالات ممكن تfake a smile فيهم:
- لو مضغوط و متعصب: عشان الأبتسامه حتى لو مش حقيقيه بتقلل rate نبضات القلب ف بتتبسط و بترتاح حتى لو انت في الاصل مش مرتاح.
- لو زعلان: في دراسه مره اتعملت على الناس اللي بتعمل Botox ف متعرفش تكشر بيكونوا مبسوطين أكتر من اللي بيقدروا يكشروا ف جرب المره اللي جايا لما تزعل ابتسم.
- لو عملت حاجه غلط: اول ما تغلط ابتسم ف اللي هيعقبك هيتساهل معاك شويتين لأنه شاف ابتسمتك اللي فيها انا اسف بطريقه حلوه.
متخفش أنت مش بتكدب على نفسك .. عن تجربه والله .. أنت بس بتحسس نفسك أنك أحسن عن طريق الابتسامه و الضحكه و الوقفه المستقيمه و الحاجات الصغيره دي ف بيتحسن مزاجك و تقدر تفكر صح .. بسيطه و جربها ;)
Comments
Post a Comment