Posts

Showing posts from August, 2015

Foodie في Simply Food

Image
Simply Food بدايه معرفتي بيهم كانت في الجامعه الألمانيه و فرع الزمالك؛ فتحوا فرع أكل بسيط و نظيف جداً متكون من المكرونه و البطاطس و البطاطا بس بطرق و إضافات مختلفه كثيره جداً. ف المكرونه و البطاطس و البطاطا بيتحولوا بقدره قادر ل menu ضخم مليان حاجات مختلفه و أطعمه بسيطه بس مختلفه و لذيذه. شويه و فتح فرعه في CityStars؛ و هو دا اللي عليه الreview أنهرده. "نصيحتي دايماً عشان تجرب حاجات كثيره جداً من الmenu دا بيعتمد على عدد الناس اللي معاك؛ عشان تطلبوا حاجات مختلفه و تجربوا سوا." جربت التالي: شوربه بطاطس شوربه خضار بطاطس محمره بطاطس كروكيت بالخضار سندويتش شاورمه الفراخ مكرونه أربيتا بالفراخ مكرونه بزيت الزيتون و الثوم و الزيتون الأخضر و الأسود مكرونه بزيت الزيتون و الثوم و الخضروات التجربه ككل ممتعه و الأكل لطيف و لذيذ جداً؛ الميزه من الأسم أنه simple أو بسيط جداً في المكونات و لذيذ جداً في الطعم!! معادله صعبه بس أتحققت. الديكورات بسيطه جداً و هاديه. شوربه البطاطس بدأنا ب الشوربه!! شوربه البطاطس؛ خفيفه و طعمها حلو أوي أوي لازم تجربوها لما تروحوا

نور و الأنيميشن

Image
مجموعه شباب و بنات قرروا أنهم يحببوا العالم في العلم و النظريات العلميه المعقده؛ و لأنهم بيعملوا كدا عن طريق الفيديوهات اللي بتعتمد على الanimation ف قرروا يبدأوا أكديميه لتعليم أصول الanimation و أزاي يعملوا فيديو بشخصيات خياليه. الأول يلا نشوف أول فيديو ليهم بيشرح واحده من النظريات و بعدين هنتكلم أكثر عن المدرسه أو الأكديميه لتعليم الanimation. المدرسه دي مهتمه أهتمام كامل بتدريس ال2D animation للناس عن طريق Adobe After Effects؛ أول كورس كان في صيف 2015 و قدم لهم أكثر من 70 شخص بس كان لازم يختاروا عدد قليل عشان يكون التركيز أكثر مع الناس. أهتموا بالanimation مخصوص عشان هو مجال لذيذ جداً برغم أنه مش مهتمين بيه في مصر ك مجال شغل و دراسه مخصوص؛ ف مدرسة نور هدفها هو الأهتمام بالanimation ك مجال لوحده. عادتاً كورسات الanimation غاليه جداً و صعب جداً الوصول لهم؛ ف الهدف كان توفير فرصه متكامله لأي شخص حابب الفكره و حابب يتعلم دا.  أنك تتعلم animation دا قصه طويله محتاجه صبر و شغف للanimation؛ و أصعب حاجه في الكورس هو مساعدة كل الناس أنهم يفضلوا مبسوطين و عندهم شغف أول يوم لح

Social Media Summit 2015- Tip (6)

Image
السوشيال ميديا و الصحافه؛ دا المكان بتاعي إلى حد ما يعني. دلوقي و في عصر السوشيال ميديا مبقناش بنهتم أوي بالصحافه المطبوعه أو الجرايد يعني؛ و كل أهتممنا راح للأونلاين و المصادر الألكترونيه. الأسباب كثير بس يمكن أهمها أن وقت تركيزنا أقل من زمان و عايزين الخبر بسرعه كدا؛ و يمكن كمان عشان مش بنحب العربي الفصحى بتاع الجرايد و بنحب المصري و بيوصلنا أسرع. دلوقتي كل جريده مطبوعه عندها على الأقل موقع واحد لعرض الأخبار و أكثر كمان؛ يعني ممكن أخبار على مدار اليوم لأن مافيش وقت للطباعه خالص و كمان ممكن لغه أبسط و مواضيع أكثر و فرصه أكبر لكل الناس حتى اللي مش بيدرسوا صحافه. و دي عينه بسيطه من الصحفيين اللي عرفتهم عن طريق السوشيال ميديا و معرفش من غير السوشيال ميديا كان أيه حصل: "بسمه السباعي": الكاتبه و الصحفيه؛ بعيداً عن أي حاجه هي عملتها علشاني. بس هي بجد صحفيه في الصحافه الألكترونيه و في صحافه السوشيال ميديا كمان؛ صحفيه جامده جداً. من الناس اللي كلامها للقلب على طول؛ كلامها مينفعش متيحسش!! مش بس كدا هي واحده من الناس اللي ساعدتني في أول خطواتي في الصحافه الألكترونيه أو

Foodie في نعناع

Image
مطعم أكل بيتي مصري؛ لو بتعمل ريجيم أو بتحافظ على وزنك ركز أوي و أنت بتطلب و تأكل هناك P: نبدأ من الأول كدا؛ أنا شوفت برنامج "الأكيل" بتاع مراد مكرم و كانت الحلقه عن مطعم نعناع اللي "مفيده شيحه" مشاركه فيه. ف قررنا نجربه أنا و عائلتي بعد ما شوفنا أنسجام و أستجمام مراد؛ أول ما وصلت حبيت الألوان المفرحه جداً اللي حواليا في كل مكان "أصفر و أزرق و أخضر" دا غير الزرع و الورد اللي في كل مكان حواليا. و بعدين الطربيزات الخشب اللي محفور عليها رسومات حلوه أوي و كنب مريح جداً؛ المعالق و الشوك و السكاكين مختلفين في الشكل و الرسمه جداً و التقديم في طواجن خضرا لطيفه جداً. ندخل على المهم بقا؛ الأكل!! كان نفسي أجرب كل الأكل اللي في الmenu بس للأسف ربنا خلق قدره محدده للمعده بنتعداها في حدود بدل ما نموت!! ف طلبنا حاجات مختلفه و قررنا نجربهم سوا (أنا و عائلتي): شوربه لسان عصفور بالفراخ سمبوسك بالبسطرمه ملوخيه بالفراخ أرز معمر فطيره بالجبن المشكل أم علي كريم كراميل عصير بطيخ في المجمل التجربه رائعه بصراحه و أكيد هتتكرر أن شاء الله تاني و ثالث و رابع و

Social Media Summit 2015-Tip (5)

Image
لو أنت شخص عادي جداً و ممكن أتخبط فيك في أي مكان في الكون؛ و نفسك تكون مشهور أو معروف ف بسيطه السوشيال ميديا أو مواقع التواصل الأجتماعي دا دورها أصلاً. لما تكبر دايرة معارفك على السوشيال ميديا و تعمل content مبهر أو قريب لقلب و عقل الناس؛ النتيجه هتكون الشهره أكيد و حب الناس.  الشهره طبعاً ليها categories أو فئات مختلفه؛ و وحدة القياس بتكون بعدد الfollowers أو المتابعين على التويتر أو الفيسبوك أو الإنستاجرام. يعني مثلاً هتلاقي: "نفيسه بكوغتي" أو نورهان أبو بكر؛ واحده من أكثر الناس شهره على السوشيال ميديا و بدايتها كانت تويتر و دلوقتي على تويتر و الفيسبوك. عدد الfollowers على تويتر عددهم 141 ألف شخص تقريباً؛ و على الفيسبوك تقريباً 45 ألف شخص. أغلب الcontent بتاعتها posts عن الحياه أو بمعنى أوقع تجبرتها في الحياه. بحس بسعاده لما أشوف الposts دي أو صورها جداً. "محمد جيمي"؛ عنده 111 ألف liker على الفيسبوك. و هو طبيعه الcontent بتاعته فيديوهات كوميديا؛ عن حال البنات في العموم أو عن بنات بعينهم. منهم حاجات عن الأم المصريه و عن مفهوم البنات للأهتمام

مكاني

Image
لاء مش مكاني بتاع السوشي؛ و لكن مكاني أنا .. المكان بتاعي و بتاعي لوحدي كمان. المكان دا هو مكتبي بعد التعديلات؛ قررت بما أنني هتخرج السنه دي خلاص و هبدأ حياتي العمليه بجد و مش هزار و تدريب و فنكوش! و بناءً عليه بدأت أشوف فيديوهات على اليوتيوب لترتيب و تظبيط المكتب بتاعي أو مساحتي عشان أقدر أنجز أسرع و أحسن الحاجات اللي بفكر أعملها و عايزه أنجزها. اللي هتشوفوا دلوقتي ملوش أي علاقه بالبنات المرسومه اللي بتطلع في فيديوهات اليوتيوب خالص؛ أولاً أنا مصريه أباً عن جد و ثانياً هنا في مصر مافيش نفس الإمكانيات دي ولا نفس الconcepts دي بنتعلمها ولا النظافه و قلة التراب دي!! و بناءً عليه دي النسخه بتاعتي من الWorking Space بالنكهه المصريه (على قد حالنا يعني). طبعاً دا كله ميمنعش شويه حاجات Handmade على شويه هدايا من صحابي لما سافروا على شويه حاجات ممكن جداً تكون "زباله" لناس تانيين بس ساعدوني أني أنظف و أرتب المكتب و يكون أجمل و محبوب بالنسبه ليا على الأقل؛ زي صناديق الأحذيه أو كوبايات الكنافه بالمنجو. هسيبكم مع شويه صور كدا ل"مكاني"؛ و بعدها هقولكم نصايح أو Tips كدا عشان ت

كلام عيب

Image
طول عمري في كلمات كبرت على أنها كلام عيب؛ كلام مينفعش يتقال حتى لو سمعتيه و حتى لو عرفتي معناه. أصلوا عيب!! و أنا صغيره كان أقصى حاجه أسمع الكلام دا في خناقه في الشارع؛ بس عمري ما سمعته ولا قرأته عادي كدا!! يعدي سنين و تمُر؛ و أكتشف أن الكلام دا بطل يكون عيب لأغلب الناس. بس لسا عيب بالنسبه ليا!! من تربى على شئ شاب عليه. أمشي في الجامعه و عادي ألاقي الكلام دا بيتقال و بيتقال بهزار كمان؛ قعد على الفيسبوك ولا أي سوشيال ميديا و أقرأوا موجود في أغلبيه البوستات و التعليقات. مش بس كدا دا أنا كمان أكتشفت أن في بنات بيقولوا الكلام دا!! الموضوع مخلصش على كدا؛ دا يمكن البدايه كمان لما شوفت باسم يوسف في البرنامج و كان بيكون في "صفيرة" الكلام العيب و بعدها لقيت مسلسلات و برامج و أفلام كثيره جداً جواها الكلام العيب دا بس ب"صفيرة". قمة الصياعه في الوقت دا؛ كانت أني أحاول أستشف ال"صفيره" دي معناها أيه؟؟ من حركه الشفايف!. دخلت كام فيلم في الفتره الأخيره و مش كلها أفلام السبكي ولا كلها أفلام مقاولات!! و أكتشفت أن ال"صفيرة" أختفت تماماً؛ و يقال أن الرقابه ب

مصر بتفرح

Image
   يوم 6 أغسطس 2015؛ كان خلص سنة بالتمام و الكمال على اليوم اللي قال فيه الرئيس عبد الفتاح السيسي أنه عايز يحفر تفريعة جديدة من قناة السويس عشان الوقت السفن تمشي أسرع و تقدر تتحرك في الأتجاهين، مش بس كدا الرئيس عبد الفتاح السيسي قرر أن مشروع بالحجم دا بدل ما يأخذ 3 سنين هيتعمل في سنة واحدة و بس. و بين معارض و مؤيد، و بين كلام محبط و كلام مؤيد و صمت بعض البشر اللي قرروا يشوفوا النتيجة الأول زيي كدا. و سمعنا و شوفنا عمال بيشتغلوا ليل و نهار طوال السنة؛ و شوفنا الأنتهاء من المشروع في سنه بالظبط. دا أحنا كمان شوفنا أحتفال مشرف؛ مشرف بحضور المصريين زي مجدي يعقوب قبل حضور الرؤساء و الملوك الأجانب.  و دا منشور فيه الترتيب الزمني لقناة السويس من 1887 قبل الميلاد ل 2014:  http://newcanal.suezcanal.gov.eg/?lang=en   للتاريخ و عشان الناس تعرف أيه هي قناة السويس. أول يوم يمر من غير ما أفتح اللابتوب ولا أفضل قاعده على السوشيال ميديا طول النهار و الليل!! بالعكس دا العيله كلها (مش عيلتي و بس و لكن أغلبية معارفي) قاعده قدام التلفيزيون و بنتفرج على أحتفال ماحصلش من زمن طويل مليان

عيد ميلاد الليله مييين؟!

Image
أنهرده عيد ميلاد مدونتي الثاني؛ يعني أنا بقالي سنتين بأكتب!! كل سنه و أنا طيبه؛ و كل سنه و المدونه طيبه؛ و كل سنه و أنتم طيبين. المدونه دي كبرت خطوه خطوه قدام مني؛ أنا شوفتها و مفيش ولا بني أدم شافها. و فرحت مع أول ألف؛ و هطير من الفرحه و هي داخله على الخمسين ألف أهو ^_^ المدونه دي من غيركم مكنش هيكون لها وجود ولا أنا كنت تطورت في موضوع الكتابه و التدوين و الكلام دا كله. ربنا يخاليكوا ليا. أنا مش هقول أسامي ناس كثيره؛ بس يكفيني أقول "شكراً و ربنا يكرمكم" و كل واحد عارف نفسه و عارف سايب آثر فيا حجمه أيه. و الله أول مره أكون مش عارفه أكتب ولا عارفه أقول أيه؛ أصل مكنتش أتخيل كل دا! و لو تخيلته مكنتش عارفه أنه هيتحقق بسرعه كدا!!  أنا هسيبكم مع أغنيه ل"أصاله"؛ تقدروا تتخيلوا أن أصاله دي أنا في الأغنيه دي! أنا بحب الأغنيه دي من أول يوم سمعتها فيه و أول يوم شوفت الكليب فيه. مش بس كدا أنا عندي يقين أن الأغنيه دي ممكن تكون تتر حياتي و مش بعيد أصاله تكون مغنياها ليا مخصوص! أصلها أغنيه وصفاني بشكل مخيف. و الغريب أن أنهرده الكليب دا كان أول حاجه أشوفها أول ما صحيت من ال