Social Media Summit 2015-Tip (5)

لو أنت شخص عادي جداً و ممكن أتخبط فيك في أي مكان في الكون؛ و نفسك تكون مشهور أو معروف ف بسيطه السوشيال ميديا أو مواقع التواصل الأجتماعي دا دورها أصلاً. لما تكبر دايرة معارفك على السوشيال ميديا و تعمل content مبهر أو قريب لقلب و عقل الناس؛ النتيجه هتكون الشهره أكيد و حب الناس. 

الشهره طبعاً ليها categories أو فئات مختلفه؛ و وحدة القياس بتكون بعدد الfollowers أو المتابعين على التويتر أو الفيسبوك أو الإنستاجرام. يعني مثلاً هتلاقي:

• "نفيسه بكوغتي" أو نورهان أبو بكر؛ واحده من أكثر الناس شهره على السوشيال ميديا و بدايتها كانت تويتر و دلوقتي على تويتر و الفيسبوك. عدد الfollowers على تويتر عددهم 141 ألف شخص تقريباً؛ و على الفيسبوك تقريباً 45 ألف شخص. أغلب الcontent بتاعتها posts عن الحياه أو بمعنى أوقع تجبرتها في الحياه. بحس بسعاده لما أشوف الposts دي أو صورها جداً.

• "محمد جيمي"؛ عنده 111 ألف liker على الفيسبوك. و هو طبيعه الcontent بتاعته فيديوهات كوميديا؛ عن حال البنات في العموم أو عن بنات بعينهم. منهم حاجات عن الأم المصريه و عن مفهوم البنات للأهتمام و حاجات تانيه كثيره جداً.

• "محمد إبراهيم"؛ شاعر و عنده 329 ألف follower. أغلب أشعاره رومانسيه أو عن الحياه و العيشه و اللي عايشنها. و في من الأشعار دي حاجات متسجله بصوته على الSound Cloud أو في برامج كان ضيف فيها.

• "مريم صقر" و "ديدا"؛ ولد و بنت بيحبوا بعض على السوشيال ميديا و من القصه دي طلع عبر كثير جداً أهمها أن ديدا أتقدم كثير جداً لمريم و يحصل مشاكل و حواديت لحد ما أتجمعوا سوا و الحمدلله. مريم عندها 223 ألف follower و ديدا الaccount بتاعه مسروق حالياً. مريم بتعمل فيديوهات كمان جنب الكتابه و ديدا شاعر.

• "هيمن" أو أحمد هيمن؛ عنده 26 ألف follower. مصور و صاحب فكره Egyptians؛ ينزل يصور المصريين في الشارع و يكتب حاجه من قصصهم. و بيحب كمان يصور حاجات مختلفه زي الموالد مثلاً و سانت كاثرين؛ كدا يعني.

• "رحاب هاني" اللي هي برضو "صلاح"؛ واحده من أكثر الناس اللي بتضحكني و من بعد ما سمعتها بقيت بقرأ الposts بصوتها. عندها 81 ألف follower دا غير الSound Cloud و قانون الأكتئاب اللي هو سبب الشهره أصلاً.

• "زيزي سيف النصر" و "كريم هشام"؛ شاعر و كاتبه و أصحاب كتاب U-turn. أتشهروا ب قصه حبهم اللي برضو فيها دروس؛ و الهاشتاج #كريم_ي_رب و دلوقتي الحمدلله زوج و زوجه. زيزي عندها 54 ألف follower و كريم عنده 61 ألف.

• "أنتيكا" أو حسام عاطف فاروق؛ مصور و صاحب صورة السيلفي مع الجمل اللي بيضحك الشهيره و صاحب الدبدوب الكبير اللي أتصور معاه في عيد الحب و صاحب صور كثيره جداً. عنده 51 ألف follower.

• "مروه رضوان"؛ فيمنست و لها كلام حلو أوي على الFacebook. و معروفه جداً بالPhoto-sessions بتاعتها مع أنتيكا؛ بنوته أول ما تشوفها تحس بسعاده غامره فاجئه كدا!! عندها 14 ألف follower.

الناس دي بس عينه مش الكل طبعاً؛ و طبعاً برضو دول غير الناس المبهره اللي حضرت الEvent بتاع الSocial Media Summit. من الأخر دول كلهم ناس عاديه هتخبط فيهم في جامعه أو شغل أو حتى الشارع؛ بس أكتشفوا حاجه بيعرفوها أوي و كتبوا كلام من القلب أو الخبره و أتصوروا صور مفرحه أو فيها حاجه. و النتيجه كانت شهره على الFacebook و حب الناس. لو رجعنا لأصل الموضوع ف القصه كلها "لو أنت شخص عادي و عايز تكون مشهور أو تتعرف ممكن جداً بالسوشيال ميديا و الصبر و الcontent". 

**المعلومات دي أتعلمتها شويه من الأيفنت و شويه من قرأتي الخاصه على مواقع مختلفه أو كتب و شويه كمان من تجربتي الخاصه.

**لو الموضوع عجبك أو شايف منه إفاده؛ أعملوا share؛ يمكن ناس تانيه تتعلم حاجه و تنفعهم في حياتهم.