Shahd's Tea Party

في نوعين من البشر اليومين دول .. في رأيي المتواضع السبب الرئيسي في دا هو الأعلام و الفن .. يعني هو اللي بيسمع مهرجانات زي اللي بيسمع حمزه نمره و محمد منير و كايروكي .. طب اللي بيشوف أفلام زي حلاوه روح و عبده موته زي اللي بيشوف مثلاً الأيدي الناعمه أو 678 أو بنتين من مصر ... واضح من رأيي أن مش قصدي أن دلوقتي كله وحش ولا أن زمان كله حلو .. بس للأسف الزمن كل شويه بيسوء و لو عايزين نحسنه لازم يكون في ضمير و لازم نختار القليل الكويس بدل الأستسهال ... يعني لما يكون في بشر بيسمعوا الشبشب ضاع و العلبه الذهبيه و بيتفرجوا على حلاوه روح و عبده موته و الكلام دا هتنتظر منهم أيه غير الأجرام و أنعدام أخلاق و ضمائر ميته بل و عفنت كمان .. هروب من المدارس و خطف أطفال و كبار و سرقه و غش .. أبسط جريمه بيعملها البشر دول الغش في الأمتحان و الغش في مشاريع التخرج و الكدب عشان يطلع من أي مشكله-و أه دي جرائم أنسانيه- جنب جرائم تانيه زي مثلاً الخطف و السرقه و ترويع الأمنين و يكون أي بنت ماشيه في الشارع لأي سبب و بأي لبس ماشيه مرعوبه من كل الناس و كمان ممكن تمشي في شارع مليان كلاب بس متمشيش في شارع

"أغتنم الفرصه" بأقول كلام صعب أنا صح !! المهم أغتنم الفرصه يعني دايماً تعامل مع الفرصه غلى أنها غنيمه !! عارف رجل الكهف لما بينزل يغتنم الغنيمه أو يصطاد الفريسه اللي هيأكلوها و يتغذوا بيها كدا ... الفرصه دي هي غزاله اليومين دول و فريسه اليومين دول ^_^ يعني لما تجيلك فرصه تفرح أفرح و لما تجيلك فرصه تزعل خلص كل الزعل عشان تخلص و لما تجيلك الفرصه تحب حب للأخر و حب أوي و حب بجد و لما تجيلك الفرصه تجرج أتبسط أوي و لما تجيلك الفرصه ترتاح أرتاح و لو جالك الفرصه تتعلم أتعلم و ذاكر و لو جاتلك فرصه أنك تشتغل فأشتغل بضمير !! دي فرص لازم تغتنمها لأنها عندك و مش عند غيرك و جايا ليك و مش لغيرك ... على رأي محمد منير: الفرصه بنت جميله راكبه عجله ببدال و شعرها بيطير قدامها بيداري علينا جمالها و العاقل لو يلحقها يتبدل بيه الحال :) المره دي مش هرغي كتير على قلبكم .. بس هقولكم "أغتنموا الفرصه" و أعملوا كل حاجه للأخر و بحب كدا ^_^

في وقت كدا أتعرض فيه مسلسل "كلام نسوان" و وقتها حبيت أوي بتول و فكره أني أكتب كتاب و أشوفه مطبوع عليه أسمي كدا و ماسكاه بين أيديا و بشم ريحته مش بس كدا دا أنا كمان بكتب أهداء و بعمل حفلات نقاش و توقيع و بصراحه دا حلم عندي من 2009 و لحد أنهرده دا حلم من أحلامي و مش هتنازل عنه !! بعدها في 2012 أتعرض "حكايات بنات" و طبعاً عجبتني جداً أحلام و كتابتها للmessages و بتاع و طلع تاني حلم الكتابه !! فكرتي السطحيه كانت أن الكتابه لازم روايه أو قصه قصيره و عربي صح أوي و أشرب قهوه و أكون عميقه و بتاع !! ف طبعاً فشلت أني أكون مش أنا و معرفتش أمثل أني خريجه أداب عربي و مفيش مني أتنين-دكتوراه في حتى على رأي فيلم الأيدي الناعمه-  و بما أن مش معايا فلوس كتير عشان أطبع و أنشر و أوزع كتاب و كمان مش معايا الأفكار ولا الطريقه السحريه اللي هكتب بيها الكتاب أصلاً .. بالأضافه لأني كنت فاشله جداً في التعبير و كنت مغلبه أهلي معايا فيه !! قررت أجرب في مدونات و خلاص .. و قررت أكتب عربي فصيح و طبعاً جيت أكحلها عميتها و منفعش أبداً و فشلت بدل المره بتاع عشر مرات .. و لأكتر من سبب و

دايماً بحب أسمع أغاني الصبح .. بتكون بدايه مفرحه لليوم والله بالأخص يعني لو الأغاني دي أيجابيه و مفرحه يعني .. ف من الناس اللي دايماً بسمع لهم محمد منير و أحمد منيب و عمر خيرت و سلالم و كايروكي و حمزه نمره و في غيرهم كتير أوي بس دول أكتر ناس .. المهم في أغنيه بحبها أوي و قولت هحكيلكم عليها ^_^ أولاً هبدأ بأغنيه لسلالم باند أسمها "الدنيا أوضه": "لما تعيش تحلم أحلامك مش قادر توصلها .. فكر في اللي يخاليك توصل طولها و عرضها .. فكر أنك لسا عايش و بتتنفس في الهوا .. مهما هتكبر هي حياتك و بأيدك هتحلها ...  لما تكون الدنيا أوضه .. أنزل غير عفشها .. وريها أنك قادر تضحك من قلبك بتحبها .. لون حيطينها على مزاجك .. أفتح بأيدك شبابكها .. علق بالون علي بابك .. عيش ألوانها و حلاوتها ..." ثانياً أغنيه لسلالم بردو أسمها "لعله خير": "ليه .. و أنت أخدت على التفكير .. حاصل البلاوي كتير .. تعبان من التدوير .. لعله خير .. بلاش تكشير .. دا مهما قابلنا في السكه ما يمكن خير .. لعله خير .. خير .. يا عم يمكن خير .. هيجي الخير و لو طال أنتظاره خير .. أضحك

ملالا يوسفزي أسم أنتشر من 2009 لأسباب كتير .. أهم الأسباب دي هو الحادث الأرهابي اللي حصلها في 2012 .. ملالا بدايه معرفتها كانت في 2009 لأنها كتبت مدونه عن حياتها تحت أستعمار طلبان للBBC و بعدها أتعمل فيلم وثائقي عن حياتها تحت أستعمار طلبان في New York Times و من بعدها ملالا ظهرت في كتير من الجرائد و المجالات و القنوات التليفزيونيه ... ملالا من مواليد 1997 في مينجورا بباكستان :) حكم طلبان بيمنع البنات من التعليم في باكستان بس ملالا رفضت و كملت دراستها في مدرسه والدها بيديرها و طلبت بحقها في التعليم و قررت تدافع عن حقها في التعليم و حق البنات كلهم في التعليم و حقوق المرأه عموماً .. ملالا في 2012 كانت في أتوبيس المدرسه و رجل مسلح طلع سأل على ملالا بالأسم و وجه لها 3 رصاصات من Colt 45 .. و بعد الحادثه دي فضلت في حاله صحيه خطيره و في غيبوبه .. بس بعدها بشويه حالتها أتحسنت و أنتقلت لأنجلترا للعلاج المكثف .. و بعد أيام من الحادثه أجتمع 50 مفتي باكستني و طلعوا قتوه ضد الراجل اللي عايز يقتل ملالا بس طلبان نشرت رغبتها في قتل ملالا و وأبوها كمان .. الحادثه دي في 2012 هي اللي أثارت قضيه

مع كل الحب هنتكلم عن الحب !! أيه هو المحن؟ الأفوره و تكبير المواضيع .. طول عمر المحن موجود بس اليومين دول الدنيا وسعت مننا أوي بصراحه !! و السبب الرئيسي لكدا هو أن حياتنا أنتشرت جداً على مواقع التواصل الأجتماعي زي الfacebook و الtwitter و الaskfm و الinstagram و غيرهم كمان !!  حياتنا الشخصيه بقيت على الملأ و بقينا بالبلدي كدا بننشر غسيلنا اللي مش نضيف قدام بعض !! يعني لو أتنين بيحبوا بعض زمان كانوا بيبعتوا جوابات أو بيتكلموا في التليفون أو بيتقابلوا و نحنحتهم بينهم و طول ما هما راضيين خلاص .. بس اليومين دول الحب على الملأ و الناس كلها شايفه و سامعه و عارفه كل تفصيله في حياتكم و المصيبه أن أنتم اللي بتعرفوهم بنفسكم-Likes و pokes و statuses و tweets !! كل حاجه بين أتنين بقيت على المكشوف يا معلم !!! لما بتحبوا في بعض مع نفسكم قشطه بس على الملأ بتقلب محن !! **"هاي ببي" .. "اوه ماي جود" .. "خلي بالك من نفسك .. خلي بالك أنتي من نفسك عشان أنتي عندي نفسي" .. "أقفلي أنتي الأول" .. متحوليش تكوني كيوته و أنتي أصلاً مش كدا! ونبي بلاش سهوكه أوفر

فاكر البيت اللي دايماً العيله كلها بتتجمع فيه في رمضان و العيد دا .. طب فاكر و أنت صغير الأوضه اللي كان كل العيال بيدخلوا يلعبوا فيها و يضحاكوا و يتخانقوا .. جو حلو أوي و البيت فيه العيله كلها و أجيال كتير بس أنت أصغر جيل-جدتك و جدك و الجيل دا كله و أمك و أبوك و الجيل بتاعهم و أنت و جيلك كمان- .. و كل الكبار لما يعوزوا مياه يقولولك تجيبلهم و لما صوتكم جوا الأوضه يعلى يدخلوا يهزءوكوا .. و لما الأكل يتحط على السفره يا أما يتكون واكل قبلهم يا أما لو كبير شويه بيغرفوا ليك و تقعدوا تأكلوا سوا .. و لو عيد صغير أو كبير العيله كلها بتدي عديه لبعد-أصلاً الفلوس اللي مامتك و باباك بيدفعوها ل مثلاً ولاد خالك خالك بيرجع يدفعهالك أنت و أخواتك و نلف في حلقه مفرغه- .. و أول يوم العيد تتجموعوا في بيت شخص و تاني يوم في بيت تاني و تالت يوم تخروجوا و أصلاً كل يوم مع نفس الناس و نفس العيله بس كان في أستمتع رهيب !! فاكر كل دا .. على فكره بقا انت كبرت و بطلت تدخل الأوضه بتاعت الصغيرين و بتقعد مع الكبار دلوقتي و كمان بتطلب المياه من الصغيرين .. مش بس كدا دا في يا جيل يا أتنين أصغر منك و بيقعدوا في ا

بكره عيد الخروف !! الصح يعني أن أسمه العيد الأضحى المبارك :) بس عشان دايماً و أنا صغيره كنت بشوف خرفان كتير و في المدرسه نعمل خروف بالورق و نرسم خرفان و نعرف أن في أجازه هنخودها !! و بعدين نشتري هدوم جديده و نستحمى حمومه العيد و نحضر الهدوم على الشماعه و ننام بدري عشان الليل يخلص و يجي الصبح ننزل ل تيتا و جدو و نخرج و نروح لقريبنا و بعد ما راحوا لربنا بننزل نتفسح و نروح لقرايبنا بردو .. و الشوارع يكون كلها دم و نشوف الراجل اللي بيبيع الفروه و الراجل اللي بيسن السكاكين و دي قصه العيد بالنسبه لي .. ناس ممكن نكون مش بنشوفهم من العيد للعيد أصلاً و شخصيات مش بنشوفهم غير في عيد الخروف "الراجل بتاع السكاكين  و الراجل اللي ببشتري و يبيع الفرو و الجلد"-نفسي أعرف بيختفوا فين الناس دي!- .. قولت أحكيلكم قصه عيد الخروف ^_^ و دي أصل الحكايه بتاعت عيد الخروف: زمااااااااان أيام سيدنا أبراهيم و أبنه سيدنا أسماعيل .. سيدنا أبراهيم رأى رؤيه بأنه بيذبح أبنه سيدنا أسماعيل .. راح سيدنا أبراهيم لسيدنا أسماعيل و قال له ربنا أمرني بذبحك .. ف سيدنا أسماعيل رد على سيدنا أبراهيم أنه يعمل اللي رب