ملالا يوسفزي

ملالا يوسفزي أسم أنتشر من 2009 لأسباب كتير .. أهم الأسباب دي هو الحادث الأرهابي اللي حصلها في 2012 .. ملالا بدايه معرفتها كانت في 2009 لأنها كتبت مدونه عن حياتها تحت أستعمار طلبان للBBC و بعدها أتعمل فيلم وثائقي عن حياتها تحت أستعمار طلبان في New York Times و من بعدها ملالا ظهرت في كتير من الجرائد و المجالات و القنوات التليفزيونيه ...

ملالا من مواليد 1997 في مينجورا بباكستان :)

حكم طلبان بيمنع البنات من التعليم في باكستان بس ملالا رفضت و كملت دراستها في مدرسه والدها بيديرها و طلبت بحقها في التعليم و قررت تدافع عن حقها في التعليم و حق البنات كلهم في التعليم و حقوق المرأه عموماً .. ملالا في 2012 كانت في أتوبيس المدرسه و رجل مسلح طلع سأل على ملالا بالأسم و وجه لها 3 رصاصات من Colt 45 .. و بعد الحادثه دي فضلت في حاله صحيه خطيره و في غيبوبه .. بس بعدها بشويه حالتها أتحسنت و أنتقلت لأنجلترا للعلاج المكثف .. و بعد أيام من الحادثه أجتمع 50 مفتي باكستني و طلعوا قتوه ضد الراجل اللي عايز يقتل ملالا بس طلبان نشرت رغبتها في قتل ملالا و وأبوها كمان .. الحادثه دي في 2012 هي اللي أثارت قضيه ملالا و أصبح دعم ملالا مش بس محلي بس أنتشر للعالم كله: Deutsche Welle كتبت أن ملالا هي أشهر مراهقه في العالم و الأمم المتحده نشرت حمله بأسم "I'm Malala" و هدفها هو أن كل الأطفال يكونوا بيدرشوا في مدارس حوالين العالم في أخر 2015 و Times Magazine نشرت صوره ملالا على الغلاف لأنها من "The 100 most influential people in the world" و ملالا في 2014 أخذت جائزه نوبل في السلام و بكدا تكون أصغر حاصله على جائزه نوبل في العالم ...

ملالا كمان عملت مؤسسه بأسمها عشان حقوق البنات و حق البنات في التعليم عشان منغير تعليم البنات هيكونوا مسجونين في دايره الفقر: في 66 مليون بنت برا المدارس حوالين العالم و كل 3 ثواني في بنت بتتجوز و هي طفله في العالم و أربعه من كل خمس حالات أتجار بالبشر بيكونوا بنات !!!

الكلام دا كله ممكن تعرفوا من أي مكان على الأنترنت !! Wikipedia أو YouTube أو موقع المؤسسه بتاعتها نفسه !!!

ملالا بالنسبه لي لازم تكون موجوده جوانا كلنا و منتشره في كل مكان في العالم .. ملالا نموذج أنك تتمسك بحلمك و تحارب و تتحدى العالم كله عشان تحقق حلمك و هدفك في الحياه و متخفش من أتخن تخين طول ما ليك حق !!

يعني يرضي مين ونبي أن في مصر العيال طنط من سور المدارس و متحضرش و متذاكرش مع أن التعليم مش ممنوع بس في باكستان و التعليم ممنوع و مش مسموح ملالا عملت كل دا و كانت هتموت عشان تتعلم !! 

من الأخر أنا نفسي كل أنسان في العالم يكون جوا منه ملالا عشان يعرف يكون أنسان ناجح و يحقق كل أحلامه و أهدافه في الحياه ^_^