Shahd's Tea Party

تاني شخص (عبدالله) عنده 24 سنه و متخرج من Computer Science .. الأول علي دفعته بتقدير أمتياز مع مرتبه الشرف .. عمل حادثه عربيه في 2007 تسبب له في كسر في العمود الفقري و تفتت في الفقره الصدريه السابعه و قطع كامل في النخاع الشوكي .. قطع النخاع الشوكي بيمنع وصول أوامر المخ لأي جزء تحت مكان القطع ... معرفش يشتغل سنه بعد التخرج .. بس بعدها أشتغل Website Manager في نادي 6 أكتوبر لمده 7 شهور .. و دلوقتي بيشتغل أخصائي نظم و معلومات في مستشفي دار المني من 3 شهور .. و شغال شغل جانبي كfreelancer Web Developer ... الحادثه كانت و عبدالله في 3 ثانوي .. لكنه كمل تعليمه و أشتغل كمان :) في الأول عبدالله قعد 8 شهور في شقتهم في الدور الخامس من غير توفر اسنسير .. و كان الحل الوحيد قدامه ان حد يشيله و يشيل الكرسي كل يوم و هو رايح و راجع من الجامعه و عربيه بسواق يروح و يرجع بيها ... لحد ما ربنا فتح له باب جديد .. بكرسي متخصص عن طريق صديق له و عربيه خاصه و اتعلم السواقه بمجهوده الشخصي و أنتقل للدور الأرضي بدل الخامس .. و بدأ يعتمد علي نفسه في رحله الذهاب و العوده من و الي الجامعه و من بعدها الشغ

أنهرده هكلمكم عن  مؤسسه مش شخص واحد زي ما هي بتحب توصف .. انهرده المؤسسه هي مؤسسه الحسن لتأهيل مصابي العمود الفقري .. المؤسسه دي شهرت في 6 فبراير 2013 ... نفسهم يكونوا في مقدمه المؤسسات في مصر و الشرق الأوسط ان شاء الله .. بيأكدوا ان الأعاقه الجسديه و مستخدمي الكرسي المتحرك ليهم فرص لا نهائيه للنجاح و الحياه .. ببساطه "قادرون بأختلاف" ... هدفهم توفير الحلول و الوسائل لمستخدمي الكراسي المتحركه و عائلتهم عشان يتحدوا العقوبات و يستخدموا قدراتهم المختلفه احسن استخدام ... المؤسسه  مكونه من 14 عضو مؤسس منهم 7 في مجلس الأمناء و كلهم اما في مراكز مرموقه في شركات عالميه او اصحاب شركات خاصه ناجحه .. و نص مجلس الأمناء من مستخدمي الكراسي المتحركه لتمثيل أنفسهم .. الأولويه في التعين في المؤسسه لمستخدمي الكراسي المتحركه بشرط الكفاءه ...  حادثه او مرض كانت نتيجتهم استخدام الكرسي المتحرك .. الحل الاكتئاب و الانعزال عن الحياه ولا الحل يكون استمرار الحياه و العيشه الحلوه ... تعالوا نتخيل مشاكل وارده جدا لمستخدمي الكراسي المتحركه .. يصحي الصبح بدري عشان

الشخصيه الرابعه .. وكيل نيابه و تعرض لطلق ناري في رقبته عن طريق الخطأ في 2007 .. و الأصابه كانت السبب في اصابه الفقره السادسه العنقيه و قطع في النخاع الشوكي و شلل .. قعد 5 شهور في المركز الطبي العالمي و بعده سافر المانيا مرتين للعلاج ... أول مشكله قابلها هي الدكاتره في مصر .. لأن في منهم معندهمش صراحه كافيه أو الخبره الكافيه للتشخيص .. لأنهم شافوا الحادثه بتاعته علي انها اصابه و لما تخف هيمشي عادي جدا .. و دا كان سبب ان الناس كلها تشوف انه بيدلع و مقصر في العلاج .. و لما سافر المانيا قالوا انه لازم يتعايش انه واحد من مستخدمي الكراسي المتحركه ... تاني مشاكله كانت ان اهله عندهم أمل بزياده شويه و دا تعبه أكتر .. لأنه قعد في العلاج الطبيعي سنتين و قعدوا يقولوا انه بيدلع و مقصر في العلاج و دا أثر في نفسيته .. لأنه في الواقع ماكنش مقصر و لكنه عمل حادثه تسببت انه يكون من مستخدمي الكراسي المتحركه .. بس وقف وقفه مع نفسه و مع عيلته انه مش هتوقف حياته علي العلاج الطبيعي ابدا ... طلع معاش .. و المعاش كان 590 جنيه و طبعا دا غير كافي لأحتياجاته .. بس ربنا فتح له باب جديد و المعاش ت

أول  شخص قادر بأختلاف عندها 23 سنه .. عملت حادثه في 2010 و عربيه خبطتها .. لما  كانت في المستشفي عرفت تمشي عادي و روحت بتمشي كمان .. بعدين بدأت تحس بوجع في ضهرها و عملت اشاعات و اتضح ان عندها كسر في فقره في العمود الفقري .. برغم الكسر كانت بتمشي طبيعي جدا بس الداكتره طلبوا عمليه و مكملتش العمليه بس لبست قميص جبس لمده 3 شهور .. طلعت من المستشفي بتمشي عادي جدا   و خلصت الجبس و هي بتمشي بردو و مارست حياتها طبيعي و كملت دراستها .. لكن يشاء القدر انها تروح لدكتور من سنتين تطمئن علي العمليه اللي عملتها من 5 سنين و تفاجأ بأن ضروري تعمل عمليه تانيه لأن الفقره ضاغطه جامد علي النخاع و ممكن النخاع يتقطع و رغم كدا كانت بتمشي .. و الدكتور طمنها ان العمليه نسبه نجاحها 90% .. دخلت العمليه بتمشي علي رجليها و خرجت من مستخدمي الكراسي المتحركه ... خرجت من العمليه عندها خذل في الاطراف السفليه او أحساس ضعيف جدا بأطرافها السفليه .. و الحل كان علاج طبيعي .. المشكله الكبري ان العلاج الطبيعي في مصر كهرباء و بس تقريبا .. و بعد سنه و نصف أكتشفت "مؤسسه الحسن" و البنت دخلت دار المني للعلاج ال

رمضان .. شهر روحانيات و ترويح و افطار و سحور و ياميش و كركديه و قمر الدين و مسلسلات كمان و زينه في الشوارع .. شهر مزيج بين الروحانيات و الأكل و المسلسلات .. شهر بنشتاق له من السنه للسنه ... الشهر دا له روح حلوه اوي .. الشهر دا ساعه الفطار تسمع تخبيط المعالق و الاطباق في مل المطابخ في نفس الوقت .. تلاقي الناس كلها تقوسها تقريبا واحده .. تلاقي كل بيت جواه كركديه و قمر الدين و عرق سوس و سوبيا و تمر هندي عشان بعد الفطار .. تلاقي القطايف و الكنافه و البسبوسه عشان ما بين الفطار و السحور .. تلاقي الفول و البيض و الجبنه و العيش عشان السحور ... لو روحت اي بيت في رمضان هتلاقيه شبه بيتك اوي .. فيه من روحك كدا .. هتلاقي كل الناس شبه بعض فاجئه بس بطريقه حلوه ... في رمضان هتلاقوا الناس كلها بتسمع اغاني دينيه لماهر زين مثلا و أدعيه و توشيح و أغاني ليها علاقه برمضان من زمان اوي ... هتلاقوا البيوت كلها فيها فوانيس و قماش خياميه و مدفع رمضان ... رمضان هديه ربنا بيهديها لينا كل سنه عشان نتوب عن اي ذنب و عشان نقرب لربنا اكتر و اكتر .. هديه عشان الناس تسأل علي بعض .. هديه عشان لم شمل العيله .  هدي

متعه اني اصحي الصبح في أجازه الصيف أو في رمضان أو في يوم الجامعه اصحي يوم أجزتي بدري او اقعد بعد يوم الدراسه .. كل دا تعب زياده اه بس و أنا سعيده و مبسوطه و في ابتسامه علي وشي مابتفرقنيش ... ببساطه دي متعه التطوع .. دي السعاده اللي بحس بيها لما أعمل حاجه لحد ماعرفوش بس متأكده انه محتاج الحاجه دي و مش قادر يعملها ... التطوع ممكن يكون فلوس و ممكن يكون مجهود و ممكن يكون وقت و ممكن يكون موهبه .. التطوع ممكن يكون كل حاجه و اي حاجه بس للغير و مش ليك .. من الاخر مفيهاش انانيه ... أكتر وقت حسيت فيه اني بجد انسان عايش لسبب و له قيمه .. لما عملت المدونه دي و لما تطوعت في جمعيه بدايه و لما قررت افضل اتعلم طول الوقت و اشتغل .. من الاخر قررت يكون لي قيمه علي طول .. أكتب و يكون لي صوت مسموع الي حد ما .. اتطوع و اساعد غيري باللي اقدر عليه ... شعور انك بتغير و سبب تغير للأحسن و احساس انك عملت حاجه و بتعمل حاجه دا شعور مالوش مثيل ... التطوع ملوش وقا في السنه ولا وقت في العمر .. التطوع مالوش مواصفات .. اي شخص من اي ديانه و اي بلد و اي سن و ولد او بنت و اي مستوي اجتماعي و عنده اي ظروف اي ما كانت الظ

Scoliosis is not rare, but the knowledge about it is rare. Most of the people didn't hear before about scoliosis, and if anyone heard about it; the main reason will be that one of his relatives went through it. The Scoliosis Association in UK (SAUK) where I'm volunteering for this cause; needs to change this dilemma and help raise awareness. The international day for Scoliosis comes on June 29 this year.  Let's know the story well:  Scoliosis is a medical condition in which your spinal in X-rays have the "S" shape instead of a straight line. Scoliosis can either be presented at birth or has an unknown cause further through the lifetime. Scoliosis usually occur through out your teen years, but it can occur in kids, adults, and elders too. Treating it in early stages is way better than leaving it untreated. If Scoliosis kept untreated it leads to decreasing the capacity of the lung, increasing pressure on the heart, and restrict the physical activity of

بنت مصريه و في اوائل العشرين بتدرس و بتشتغل في الامم المتحده .. ناشطه حقوقيه في حقوق الانسان و حقوق المرأه من ثوره يناير 2011 .. تعالوا نتعرف اكتر علي حبيبه خطاب ... حبيبه خطاب خريجه مدرسه الالسن .. بدأت الشغل في المشاريع الحقوقيه بمشروع تخرجها من المدرسه و كان المشروع عن حقوق الطفل و الاعمال الخيريه للأطفال الأقل حظا في مصر .. دلوقتي حبيبه في الجامعه الألمانيه في القاهره بتدرس أداره أعمال و متخصصه في الأقتصاد ... بتشتغل في مجال حقوق الأنسان و حقوق المرأه من 25 يناير 2011 .. و في ال3 سنين اللي عادوا اشتغلت تابعه لمجموعات مختلفه .. كانت بتشتغل تابعه لليونسيف و بعدين دلوقتي بتشتغل تابعه لحقوق المرأه التابعه للأمم المتحده في مصر .. في حقوق المرأه في الامم المتحده حبيبه اشتغلت في مشاريع كتير ليها علاقه بالعنف ضد المرأه و الأعتداء الجنسي و التحرش و ختان الأناث و المساواه بين الرجل و المرأه و كل حاجه لها علاقه بالمرأه من بعيد او من قريب ..  حقوق الانسان و حقوق المرأه بنسبه لحبيبه بيشكلوا شغفها الخاص .. و من وجه نظرها دا المجال اللي لو تم الاهتمام بيه هنحقق الديموقراطيه ...

لو قدام منك عقبه تعرف منين ان كانت عقبه و تعدي او ان كانت رفض من ربنا لطلبك .. و ان كانت رفض من ربنا يا ترى دا رفض خالص ولا رفض شويه عشان تصبر و يجيلك الاحسن ... اوقات كتير اوي نكون ماشيين في طريقنا لهدف من اهدافنا و فاجئه حاجه تحصل توقفنا و نكون مش عارفين ان كانت الحاجه دي عشان نثبت لنفسنا احتياجنا لهدفنا و نكمل بطرق مختلفه و نتمسك اكتر بهدفنا و نوصل في الاخر ولا دا ربنا بيقول لنا ان دا مش الهدف المثالي ليك و فكر احسن المره اللي جايه ولا ربنا رافض الهدف دا خالص اصلا لا دلوقتي ولا بعدين ولا بطريقه تانيه ... طب نعرف منين .. ممكن نعرف منغير ما نجرب ولا بالتجربه نفسها .. ولا نعمل ايه ... ببساطه كدا انا شايفه ان كله بالتجربه .. بس بردو لو الموضوع شويه غلط علي شويه صح و مخلط كدا يبقي ادعي اوي و توكل علي ربنا و اعمل كل اللي تقدر عليه ... عارفين .. بيجي علامات كدا من ربنا و العالمات دي بتظهر حوالينا و احنا لازم نفهم اوي لغه العالم حوالينا .. يا اما تكمل في اللي بتعمله و ربنا يا اما كاتبلك تنجح في الاخر او تتعلم حاجه مهمه اوي يا اما العلامات دي تدلك انك تتوقف و كفايا كدا و شوف حاجه تانيه ت

أنا شهد من جامعيه بدايه في الجامعه الالمانيه و هكلمكم انهرده عن project جديد انهرده بتاع بدايه .. كل سنه بنعمل "كلنا مسحراتي" عشان شنط رمضان بس السنه دي الموضوع مختلف كتير .. السنه دي 75% رايحين لشنط رمضان اللي هتتوزع في اماكن كتير جدا زي بطن البقر و البراجيل و ترب اليهود و غيره جوا و برا القاهره كمان & 25% رايحين لمشروع تنميه مستدامه في بطن البقر للتعليم و محو الاميه بنظام الميتسوري الياباني .. و هدفنا في بدايه اطعام 10,000 انسان و في الproject نفسه من جمعيات جوا و برا الجامعه اطعام 250,000 انسان ان شاء الله ... الحمله مشارك فيها: جمعيه بناء و جمعيه شريان الخير و جمعيه اتباع الصادقين و فريق خطي و جمعيه تداووا و جمعيه خير من زكاها و فريق Big Buddy و فريق بدايه و فريق MOIC في الجامعه الالمانيه و فريق علشانك يا بلدي في الجامعه الالمانيه و فريق نبني في الجامعه الالمانيه ... انهرده كان أول يوم شغل ليا في الproject دا .. و أكتشفت ان الخير فينا كتير والله .. حتي الالماني و المسيحي و غيره ..  كنت بلاقي ناس جنسيات مختلفه و ديانات مختلفه عايزين يساعدوا بفلوس بس عشان دا ا

انهرده في برنامج مصر البيت الكبير مع صابرين .. كان في ست غلبانه اوي .. عندها ابن فوق الاربعين و مانعها من انها تعيش معاه عشان مراته و ابن تاني عنده حاجه و تلاتين بس مات و مراته طردتها من البيت ... الست دي اسمها عليا و بتساعد الستات في البيوت طول عمرها ... كسبت 10000 جنيه من البرنامج و قالت انها هتدي الفلوس لابنها عشان اطرد من بيته و مش عارف ايه .. الابن ضرب امه و طردها من بيته و هي عايزه توفرله حياه حلوه علي قد ما تقدر ... يعني الست عليا اتجوزت و اشتغلت و خلفت و ربت و كبرت و جوزت و شافت احفدها .. بس عيالها طلعوا ناقصين و متمرش فيهم .. ضربوها و طردوها و خالوها تتشرد في الشوارع رغم سنها و تتهتن كرمتها و تشتغل رغم انها مش قادره تقف اصلا ... و مع ذلك الام هتفضل ام ... الست دي فكرتني بالست بتاعت الNA بردو ... حسبي الله و نعمه الوكيل في العيال دي و الزوجات دي .. حسبي الله و نعمه الوكيل في كل الخصال الوحشه .. حسبي الله في النقص .. اتقوا الله في اهلكم و اتقوا الله في اهل ازواجكم و زوجاتكم ... يا رب اكتبلي ان اكون ابنه صالحه .. و زوجه صالحه انشاءالله .. و ارزقني بزوج صالح و اطفال صالحين

البنات اليومين دول .. تتولد تلعب و تلبس لبس كيوت و تدلع .. يكون عندها كام سنه كدا و تطلع تلعب مع الجيران علي البسطه قدام البيت تتحول لجثه و تترمي من فوق السطوح عشان خافت من حاجه هي مش فاهمها بتحصل من شابين واحد جارهم و التاني ابن البواب .. تكبر اكتر و طول ما هي في سكه مدرسه او جامعه او شغل او فسحه بتسمع كلام سم و بتشوف حركات ما يعلم بيها غير ربنا .. تحب تروح حفله ولا مسيره ولا اي تجمع انشالله طابور العيش تكون في خطر رهيب عشان تدافع علي نفسها و علي انسانيتها اللي هي اصلا حقوقها ... الكلام دا كله لو فرضنا ان الاهالي وافقت انها تخرج من بيتها اصلا ... طب لو فرضنا الاهالي منعوا البنت من اي خروج و من اي تجمع و دايما البنت تحت نظرهم .. و الاب او الام بيوصلوا و يجيبوا .. و كل حاجه ميه فل و اربعتشر ... هي كدا المشكله اتحلت .. هل كدا الانسان بقالوا حقوق ولا مشي جنب الحيط و السلام و جو يا حيطه داريني .. علي رأي المثلين "ابعد عن الشر و غانيلوا" و "الباب اللي يجيلك منه الريح سدوا و استريح" .. و الناس عاشت خايفه علي بنتها بدل ما تربي ولادها ... في حقوق مكفوله لكل انسان و ينص