قادرون بأختلاف 1 ...
أول شخص قادر بأختلاف عندها 23 سنه .. عملت حادثه في 2010 و عربيه خبطتها .. لما كانت في المستشفي عرفت تمشي عادي و روحت بتمشي كمان .. بعدين بدأت تحس بوجع في ضهرها و عملت اشاعات و اتضح ان عندها كسر في فقره في العمود الفقري .. برغم الكسر كانت بتمشي طبيعي جدا بس الداكتره طلبوا عمليه و مكملتش العمليه بس لبست قميص جبس لمده 3 شهور .. طلعت من المستشفي بتمشي عادي جدا و خلصت الجبس و هي بتمشي بردو و مارست حياتها طبيعي و كملت دراستها .. لكن يشاء القدر انها تروح لدكتور من سنتين تطمئن علي العمليه اللي عملتها من 5 سنين و تفاجأ بأن ضروري تعمل عمليه تانيه لأن الفقره ضاغطه جامد علي النخاع و ممكن النخاع يتقطع و رغم كدا كانت بتمشي .. و الدكتور طمنها ان العمليه نسبه نجاحها 90% ..
دخلت العمليه بتمشي علي رجليها و خرجت من مستخدمي الكراسي المتحركه ...
دخلت العمليه بتمشي علي رجليها و خرجت من مستخدمي الكراسي المتحركه ...
خرجت من العمليه عندها خذل في الاطراف السفليه او أحساس ضعيف جدا بأطرافها السفليه .. و الحل كان علاج طبيعي .. المشكله الكبري ان العلاج الطبيعي في مصر كهرباء و بس تقريبا .. و بعد سنه و نصف أكتشفت "مؤسسه الحسن" و البنت دخلت دار المني للعلاج الطبيعي ...
برغم ان المشي كان صعب بالنسبه ليها و ما زال صعب لكنها عافرت و حاولت و مشيت رغم الشد في رجلها و رغم كل الصعاب .. و بدأت تعافر و توقف و تمشي قليل بعد ما تعرفت علي مركز المني للعلاج الطبيعي ...
البنت دي نموذج ناجح في تحدياتها الشخصيه .. و قدمت علي شغل و ان شاء الله يجيلها الرد قريب .. بس هي شايفه ان المشكله في ال5% و التجهيزات المطلوبه للشوارع و الأماكن العامه .. و كمان تجيهزنا عشان يكون عندنا انسانيه و نبطل نشفق و نقول حرام لأن النظره دي بتوجع اوي ...
البنت دي عافرت و حاولت مره و 100 عشان تمشي و دلوقتي هي بتمشي بالمشايه .. قليل اه بس بتمشي .. و لازم تعلمنا اننا كمان نعافر و نحاول 100 مره قدام اي مشكله تقابلنا و منفقدش الأمل .. الله كبير و لما بيتقفل باب بيتفتح غيره كتير بس أهم حاجه نتوكل علي الله :)
Facebook page: Alhassan Foundation
for Spinal Cord InjuryWebsite: www.alhassan-foundation.orgرقم حساب مؤسسه الحسن: ٧٠٥٧٥٠ في البنكالعربي الافريقي الدولي - فرع نادي الصيد
Comments
Post a Comment