متعه التطوع
متعه اني اصحي الصبح في أجازه الصيف أو في رمضان أو في يوم الجامعه اصحي يوم أجزتي بدري او اقعد بعد يوم الدراسه .. كل دا تعب زياده اه بس و أنا سعيده و مبسوطه و في ابتسامه علي وشي مابتفرقنيش ...
ببساطه دي متعه التطوع .. دي السعاده اللي بحس بيها لما أعمل حاجه لحد ماعرفوش بس متأكده انه محتاج الحاجه دي و مش قادر يعملها ...
التطوع ممكن يكون فلوس و ممكن يكون مجهود و ممكن يكون وقت و ممكن يكون موهبه .. التطوع ممكن يكون كل حاجه و اي حاجه بس للغير و مش ليك .. من الاخر مفيهاش انانيه ...
أكتر وقت حسيت فيه اني بجد انسان عايش لسبب و له قيمه .. لما عملت المدونه دي و لما تطوعت في جمعيه بدايه و لما قررت افضل اتعلم طول الوقت و اشتغل .. من الاخر قررت يكون لي قيمه علي طول .. أكتب و يكون لي صوت مسموع الي حد ما .. اتطوع و اساعد غيري باللي اقدر عليه ...
شعور انك بتغير و سبب تغير للأحسن و احساس انك عملت حاجه و بتعمل حاجه دا شعور مالوش مثيل ...
التطوع ملوش وقا في السنه ولا وقت في العمر .. التطوع مالوش مواصفات .. اي شخص من اي ديانه و اي بلد و اي سن و ولد او بنت و اي مستوي اجتماعي و عنده اي ظروف اي ما كانت الظروف .. انت تقدر تساعد و تقدر تغير و تقدر يكون ليك قيمه .. ببساطه تقدر تطوع ...
أشغل وقتك بحاجه مفيده و بتحبها .. حاجه موافق متنامش عشانها و موافق تصحي بدري .. موافق تتحمل الصعاب و علي اتم الاستعداد انك تدافع عنها .. لما تلاقي الحاجه دي اي ما كانت-ممكن تكون كتابه او رسم او عزف او غناء او فلوس او وقت او مجهود او رياضه او لبس زياده عنك .. اي حاجه تقدر تعملها لغيرك اعملها بنيه حلوه و ابتسامه مش مفارقاك ...
#جددوا_النيه
#تطوعوا
#اعملوا_الخير
#ابتسموا
Comments
Post a Comment