نور و الأنيميشن

مجموعه شباب و بنات قرروا أنهم يحببوا العالم في العلم و النظريات العلميه المعقده؛ و لأنهم بيعملوا كدا عن طريق الفيديوهات اللي بتعتمد على الanimation ف قرروا يبدأوا أكديميه لتعليم أصول الanimation و أزاي يعملوا فيديو بشخصيات خياليه. الأول يلا نشوف أول فيديو ليهم بيشرح واحده من النظريات و بعدين هنتكلم أكثر عن المدرسه أو الأكديميه لتعليم الanimation.

المدرسه دي مهتمه أهتمام كامل بتدريس ال2D animation للناس عن طريق Adobe After Effects؛ أول كورس كان في صيف 2015 و قدم لهم أكثر من 70 شخص بس كان لازم يختاروا عدد قليل عشان يكون التركيز أكثر مع الناس. أهتموا بالanimation مخصوص عشان هو مجال لذيذ جداً برغم أنه مش مهتمين بيه في مصر ك مجال شغل و دراسه مخصوص؛ ف مدرسة نور هدفها هو الأهتمام بالanimation ك مجال لوحده. عادتاً كورسات الanimation غاليه جداً و صعب جداً الوصول لهم؛ ف الهدف كان توفير فرصه متكامله لأي شخص حابب الفكره و حابب يتعلم دا. 

أنك تتعلم animation دا قصه طويله محتاجه صبر و شغف للanimation؛ و أصعب حاجه في الكورس هو مساعدة كل الناس أنهم يفضلوا مبسوطين و عندهم شغف أول يوم لحد أخر يوم. و قدروا يعملوا دا عن طريق شويه مسابقات صغيره و أنهم يشوفوا فيديوهات عشان يتحمسوا أكثر؛ و تأكدوا من أن دايماً في حوار مفتوح بين الطلاب و المسؤولين عن المدرسه عن طريق السوشيال ميديا و الفيسبوك عشان يشاركوا شغلهم الجديد و أفكارهم و دا ساعد جداً لأن كل الناس كانت متحمسه جداً أنهم يشاركوا شغلهم و يقرأوا الأراء الإيجابيه عن الشغل. الهدف من المدرسه أنها تساعد في تحسين فكره تعليم الanimation و نشر الفكره؛ و بعد ما الكورس يخلص الطلاب عندهم الفرصه أنهم يشتغلوا لنور و يعملوا الفيديوهات اللي بتساعد الطلاب في دراسه النظريات الصعبه. و بكدا بيطبقوا اللي أتعلموه و بيتعلموا أكثر كمان.

و دا فيديو من مسابقه للمدرسه؛ واحده من أحلى اللحظات عشان ببساطه كل الناس كانت مبسوطه أن التعب مش بيروح!

**أول كورس كان ببلاش تماماً ؛و لكن بعد كدا هيكون في مصاريف بسيطه للكورس عشان يقدروا يكملوا في المدرسه و يصرفوا على الفكره كويس. لو تحبوا تتعلموا animation أستنوا معاد الكورس الجديد.