يعني أيه شمال؟
"يوم شمال" أو "بنت شمال" أو "ولد شمال" .. من الأخر أنتم عملتوا حياتنا شمال منغير ما نفهم يعني ايه شمال !!
بنقول شمال على أي حد مختلف عننا .. أختلاف في التربيه يمكن أو في التفكير جايز .. البنت اللي بتلبس ضيق أو البنت اللي بتشرب سجاير أو الولد اللي عامل ديل حصان أو البنت اللي بتحط مكياج كتير أو مش محترمه أو بتتولد شمال-سبحان الله مولود على جنبك الشمال كدا- أو بتضحك بصوط عالي أو ولد بجح أو براشوط أو أسلوب حياه ...
لو البنت مصاحبه قبلك تكون شمال و لو مصاحبك انت قشطه !! دا بأي دين ولا أي عُرف دا أنشاءالله !! ماهو التصرف واحد ف يا كله شمال يا كله يمين .. مش أسلوب دا أبداً !!!
مين قرر مين شمال؟ الشكل مش كفايا أكيد .. مش ممكن دي تكون تربيتها مثلا أو دا العادي بالنسبه لها زي ما في عادي بالنسبه لنا !!
و متقوليش أحنا في مصر و بتاع !! أحنا عندنا أعلى أيرادات أفلام بتكون أفلام السبكي و صافيناز .. الأفلام اللي كلها رقص ...
سؤال عايزه له أجابه: أحنا مين عشان نحدد الصح و الغلط أو الشمال من اللي مش شمال؟ و بعدين هو أيه اللي عملنا فاجأه مصلحين أجتماعيين؟
مع أن صوابعنا مش زي بعضها !!!
الكلام دا بسبب: https://www.youtube.com/watch?v=I3KXbZYbPeY&feature=youtube_gdata_player
Comments
Post a Comment