ART خانه

مِينARTخانه؟ مؤسسه غير هادفه للربح مؤسسها مجموعه من الشباب هدفهم مساعده الناس بالفن ...

أزاي بيعملوا كدا؟ بيختاروا مجموعه من الناس عشان يساعدوهم (أطفال مرضي بالسرطان) و بيساعدوهم في ورش رسم و موسيقى و أشغال يدويه و غيره .. و هدف الورش دي رفع معنويتهم و نشر السعاده .. و بعدها بيعملوا معرض لأعمال الفريق الفني من رسومات و قصص و أشغال يدويه للعرض و البيع .. و الفلوس اللي من المعرض بتروح تاني للناس (أطفال مرضي بالسرطان) ...

ليه بيحصل كل دا؟ عشان 3 أهداف .. اول هدف هو أكتشاف المواهب و تشجيعهم لأستخدام مواهبهم لسبب خيري .. تاني هدف هو نشر البسمه علي وشوش ناس مفتقده البسمه لأسباب خارخ ارادتها زي المرض مثلا .. ثالت هدف هو مساعدتهم مادياً عن طريق فلوس المعرض الفني ...

المشروع دا بدأ من وقت قليل جدا من 15 مايو 2014 بس نجح من وجه نظري عشان أختلاف الفكره و أنها معتمده علي الفن من رسم و كتابه و أشغال يدويه و دي حاجه مش متوفره اوي يعني ...

أنا ليه بكلمكم عنهم .. هما فكره جديده و بيعملوا خير بطريقه مبتكره جدا .. أنا مروحتش ولا مره بس أنشاءالله هروح لهم قريب .. المهم كان في Event الجمعه اللي فاتت لARTخانه و مشروع سعاده(هدفه تحويل العشوائيات لأماكن مليانه الوان) في مكان أسمه عجبني اوي اسمه "درب سعاده" في باب الخلق في مصر القديمه .. و كان عباره عن فنون الشارع و ورش فنيه .. و بعد كل دا كان في أفطار كمان .. و بعد الفطار في open mic او ميكروفون مفتوح لأي حد عايز يقول فكره او حاجه ... 

لو عايزين تعرفوا اي حاجه زياده دي الcontacts بتعتهم:

Facebook Page: https://www.facebook.com/artkhana.ngo/info

Phone: 0109 751 4687

Email: artkhana@gmail.com

Website: http://artkhana.weebly.com/