فكره بمليون جنيه
و أنت بتقرأ في كتاب ربنا بتاعك .. جيب ورق صغير و كل ما يقابلك رساله من ربنا في ايه اكتبها في ورقه مع اسم الصوره و رقم الايه .. هات برطمان كبير و أكتب عليه "رسائل ربي" .. و كل يوم أول ما تصحي افتح ورقه و اعرف رساله ربنا ...
دي كانت فكره علي جروب "كلام من القلب" بس الفكره كانت علي القران و بس ...
أتنين أصحابي "منه و دينا" قرروا يعملوا الفكره بس بما أن منه مسلمه و دينا مسيحيه ف الفكره اتطبقت علي القران و الانجيل .. منه قرأت الفكره و عجبتها و قررت تنفذها و عشان كلنا بينقصنا التشجيع ف قالت لصاحبتها الأنتيم دينا .. و كل يوم و منه بتقرا في القران او دينا بتصلي بيطلعوا رسائل من ربنا ليهم ...
أنا أول ما شوفت و قرأت و سمعت عن الفكره أعجبت بيها جدا .. قررت هنفذها و أشجع صحابي ينفذوها كمان .. و كلنا نكسب الثواب من أول "كلام من القلب" و "منه و دينا" و أنا و كل واحد هيكون السبب أن حد يعرف الفكره و ينفذها ...
و كل واحد فينا أخد حسنه و كل واحد هيعملها بسببنا هناخود بسببه حسنه و الحسنه بعشر اضعاف أنشاءالله ...
خاليك سبب خير و أنشر الخير حواليك .. أعمل Share للفكره ممكن تكون سبب في فرحه شخص او رجوع الامل لانسان بسبب رسائل ربه :)
أول رساله منه طالعتها كانت من سوره طه ايه 130 "و سبح بحمد ربك قبل طلوع الشمس و قبل غروبها و من أناء الليل فسبح و أطراف النهار لعلك ترضي"
عشان كتير مننا ساعات بيكون مش راضي او مخنوق من حاجه حصلت ف أحسن حل من رسائل ربي هي التسبيح بحمد ربنا قبل الشروق و قبل الغروب و في اواخر الليل و بدايه النهار ...
و أول رساله دينا طلعتها كانت "صن لسانك عن الشر و شفتيك عن التكلم بالغش .. حد عن الشر و اصنع الخير .. اطلب السلامه و اسع وراءها .. عينا الرب نحو الصديقين و اذناه الي صراخهم"
و من فينا مبيكرهش الشر و الغش ولا مابيحبش الخير و لا مبيسعاش علي السلامه ...
و دي صور الفكره من تنفيذ "منه و دينا":
أفتكروا أن الحسنه بعشر أمثال ف نفذوا الفكره و أنشروها بين أصحابكم :) و كل واحد يعمل الفكره او يكتب رساله من الرسائل و يحب يشاركها معانا استخدموا الهاشتاج دا #رسائل_ربي ^_^
Comments
Post a Comment