الفرق بين البشريه و الانسانيه ...

أنت بشر ولا أنسان؟ و ايه الفرق؟ البشر هو اللي بياكل و يشرب و ينام و يصحى و يدرس و يشتغل و يتجوز و يخلف .. بس الأنسان مختلف لأنه عايش لهدف و بيحققه باللي يقدر عليه .. طب و ايه دورنا او أحنا مخلوقين ليه؟ ربنا خلقنا لتعمير الأرض و دي كلنا عرفينها بس تعمير الأرض مش بس انك تجيب عيال تعمير الأرض أن يكون عندك هدف عايز تحققه و تكون عايز تسيب أثر قبل ما تموت .. تعمير الأرض أن وجودك من عدمه يفرق يعني رحلتك من يوم ما اتولدت لحد يوم ما هتموت لازم تكون عملت تغير في الكون ...

و النتيجه ان مش كل البشر انسان بس كل الانسان بشر :)

هحكيلكم عن أنجيلينا جولي لأنها نموذج للأنسانيه مش بس بشر .. واحده امريكيه و ممثله في هوليوود قررت تطوع مع الأمم المتحده في جنوب افريقيا و أماكن عشوائيه في بلاد العالم الثالث و البلاد اللي الحرب اهلكتها زي سوريا و كل شغلها مع اللاجئين تابعه للأم المتحده .. هي أستفادت ايه غير التعب؟ لاء استفادت كتير اوي لان وجودها من عدمه فرق كتير في حياه الناس و في رحله حياتها سابت أثر ...

غاندي .. ساعد في استقلال الهند و كان الملهم للكتير من حركات الحقوق المدني و الحريات في العالم كله .. من أوائل الحاجات اللي عملها هي الدفاع عن حقوق المزارعين عشان الضرائب علي الأرض و التفريق في المعامله .. و لما الهند و باكستان أنفصلوا ساعد في تقسيم الحقوق بين البلدين و فضل هدفه في الحياه السلميه و العدل لحد ما مات و سلم الرايه لغيره .. و عيد ميلاده 2 اكتوبر هو العيد الوطني للهند و اليوم العالمي للسلميه .. غاندي مات و هو سايب أثر و لحد دلوقتي غاندي اسمه لازم يكون معاه الخير و الانسانيه و السلام ...

و غيرهم كتير في نماذج للأنسانيه أثروا في البشريه كلها .. و التأثير ماكنش لا بالقوه ولا بالحرب بس بالسلام و الخير و المساعده ...

فكر و شوف عايز تعيش بشر و خلاص ولا انسان بفكره تغير كون و تسيب أثر للبشريه كلها من بعدك؟ أنا مش هدفي تشوف نماذج موجوده بس عايزاك تتحرك و تبدأ تشوف حلمك و هدفك في الحياه و تحققه قبل ما تموت و تسلم الرايه لغيرك .. أنا عايزاك تكون غاندي الجديد و انتي تكوني انجيلينا جولي الجديده :)