مشروع سعاده
مشروع سعاده .. بدأ بمجموعه بنات و ولاد من هندسه معماري و فنون تطبيقيه مش مبسوطين بشكل العمارات و الحوائط و الأرصفه .. و الشباب دول شافوا الناس كلها بتساعد الناس بالأكل و الشرب و اللبس و البيوت و دي كلها حاجات ماديه و محدش بيساعدهم نفسيا .. ف الشباب قرروا يساعدوهم نفسيا عن طريق الفن و الألوان بطريقه علميه لرفع المعنويات و نشر السعاده ...
أهتموا بالمناطق العشوائيه و راحوا درب سعاده متفرعه من باب الخلق .. و قرروا ما يسبوش المكان يجيب الاكتأب كدا بس قرروا يرسموا و يلونوا و مش بس كدا كمان يكتبوا كلام يشجع علي التفاؤل زي "أوعي تيأس" و "السعاده" و "أضحك" و "السعاده في الرضا" ...
مشروع مميز و جديد عشان نغير مش بس العشوائيات بس كل الأماكن في مصر عشان نكون كلنا فرحانين و مبسوطين و عندنا نشاط .. أصل فعلا مش كل اللي محتاجينه حاجات ماديه بس في احتياجات نفسيه و الألوان مع الكلام المشجع هما اللي بيساعدونا في احتياجتنا النفسيه ...
و انت ماشي شايف العمارات رمادي و الارصفه مكسره و الحيطان مشققه أحسن ولا لو شوفتهم ملونين و مرسوم عليهم رسومات تشجع علي التفاؤل و مكتوب عليهم كلام يحمس .. ايه احسن؟ أكيد الأحسن الصوره التانيه الملونه و المشجعه !! ساعدوهم و أنزلوا أرسموا و ألعبوا بالألوان بس بشكل مدروس عشان منلاقيش حيطه رمادي تاني ^_^
لو عايز تعرف أكتر دي صفحتهم علي الFacebook
و دي صور من الevent الاخير ليهم في درب سعاده:
Comments
Post a Comment