صيصه يعني أمومه
الحاجه صيصه؛ و أنا قعده بتفرج على التلفيزيون لقيت منى الشاذلي عامله لقاء مع الحاجه صيصه. الست دي نموذج للأمومه و نموذج أن الست ممكن تعمل اللي ميتعملش و تعمل المستحيل بس عشان تربي عيالها!!
الحاجه صيصه صعيديه من الأقصر و و هي حامل من أكتر من 30 سنه جوزها مات؛ و لأن لا أخواتها ولا أخوات جوزها كانوا عايزين يساعدوها ف قررت تكون راجل؛ عاشت أكتر من 30 سنه راجل. قلعت الجلابيه و الطرحه بتوع الستات و لبست الجلابيه الرجالي و الطاقيه؛ و أشتغلت في شغلانات كتيره أوي. من الشغلانات دي مثلاً أنها بتعمل طوب. و بعد فتره أشترت صندوق تلميع الجزم و أشتغلت بيه من ساعتها و كأنها راجل و محدش يعرف أنها ست غير بنتها. و من صندوق الجزم و جلابيه و طاقيه الراجل بنتها أتعلمت لحد أبتدائيه. و في أخر البرنامج قابل المحافظ و وفر لها كشك عشان تشتغل فيه.
الحاجه صيصه نموذج للأمومه؛ تستحق جائزه الأم المثاليه. عاشت راجل عشان تربي بنتها و تحافظ عليها في الصعيد. المرأه الحديده لسنه 2015.
Comments
Post a Comment