يا رجال العالم أتعلموا!!

و أحنا قاعدين في أمان الله لقينا Identity Magazine عامله share لمقال كتباه هيا عرفه. المقال عن الWedding Proposals المصريه؛ أو طرق أن الولد يتقدم لحبيبته. و جوا المقال في 11 فيديو أحلى من بعض؛ كلهم مشاعر حلوه و مليانين حب كدا مش أفوره أفلام ولا حاجه؛ دي مشاهد رومانسيه طبيعيه كدا و طالعه بعفويه. و بعد ما شوفت ال11 عريس بيتقدموا لل11 عروسه بطرق مبهره؛ و بعد ما سمعت أمي زي كل الأمهات المصريه بتقول "ليه مكانش أيامنا الكلام دا" و أختي بتقول "تفتكروا ممكن يحصلي كدا؛ أصل لو أسمي لارا كان حصلي كدا" و أنا عماله أتفرج و أدعي و أقول الله الناس دي بتحب بعض أوي ^_^

تعالوا نفكر شويه و بعدين هفرجكم على أكتر الفيديوهات اللي عجبتني؛ جو "أنا عايز أتقدم لك" و يجي هو و مامته و باباه يوم الخميس بليل، مش قدم شويه الجو دا و أتعمل في أجيال كتير قبل كدا. حان وقت التغيير بقا !! التكلفه مش كتير دا شويه ورق و ألوان و بلالين؛ الأهل ما هو كدا كدا موجودين و هيحضروا مش من وراهم والله؛ الأصحاب هيحضروا و يساعدوا و يصوروا و يتصوروا. كل اللي هيزيد هيكون الفرحه و المفاجأه و الأصحاب و التغيير.

ال11 فكره بقا اللي أكيد في غيرهم كتير كانوا:

• أيميل أتقدم لميرنا في أول مكان شافوا بعض فيه و صحابهم كانوا ماسكين banners فيها أهم تواريخ في حياتهم سوا؛ و لما بدأت تفهم صحابها لبسوها فستان و عملولها الmakeup و دخلوها خيمه و بعدين شافت videos كدا لأهل العريس و هما بيقولوا لها أنهم مبسوطين أنها دخلت العيله بتاعتهم و بعدين دخل العريس و أتقدم و لبسها الدبله و طلعوا لأصحابهم و قرايبهم يحتفلوا.

• محمد أتقدم لعزه في يخت في عرض البحرو معاهم قرايبهم؛ كانوا بيتفرجوا على البحر و لما لفوا لقوا الbanners اللي مكتوب عليها Would you marry me و بعدها نزل على ركبه و لبسها الخاتم.

• مارك عارف أن كريستين بتحب الminions ف أتقدملها في فيلم للminions في 7D سينما وسط كل صحابهم؛ و نزل على ركبه و هو لابس minion و لبسها الخاتم في أجواء كلها minions.

• عمر قرر يتقدم ل لارا وسط قرايبهم و صحابهم في المطار و هي راجعه من كوبنهاجن. و فاجأها و فرحها و أتبسطت جداً جداً بالورد و الخاتم.

عايزيين أيه بعد كدا؛ يا ما نفسي الرجاله تتعلم و الله. أصل دي حاجه سهله و مش مكلفه والله و ذكره حلوه. بما أن في حد عمل كدا قبل كدا يبقى في أمل أنشاءالله ^_^ هيجي يوم و نتفاجأ و نتبسط و نعيط و نقول YES !!!

**فرح أختي الصغيره هي اللي أختارت أسم المقال دا!!