قادرون بأختلاف .. مكملين

القادر بأختلاف التاسع و العشرين .. شريف ياسين فاضل؛ 31 سنه؛ من القاهره؛ متزوج و عنده نادين و سيف الدين. شريف عنده أعاقه في الأربع أطراف و تلعثم في الكلام. بيحتاج المساعده في أبسط الأشياء من أكل و شرب و لبس؛ بس هو أنسان قوي جداً و بيواجهه أختلافه الجسدي بقوه و بساطه. بيستخدم الكرسي المتحرك خارج المنزل بس؛ لكن جوا البيت بيمشي على ركبه.

أكاديمياً هو حاصل على كم شهادات-أنا أتفاجأت ما شاء الله- حاصل على بكالريوس تجاره قسم محاسبه من جامعه عين شمس؛ و دبلوم برمجه التطبيقات التجاريه بأستخدام الحاسب الألي من جامعه عين شمس؛ دبلوم أداره المستشفيات من جامعه عين شمس؛ ماجيستر الأحصاء التطبيقي من جامعه عين شمس؛ دا غير الكورسات و الدراسات في الحاسب الألي و التجاره و اللغات.

و زي ما أكاديمياً فاجأني ف طبعاً مهنياً فجأني أكتر؛ شريف مسئول عن الترجمه العلميه في مستشفى 57357؛ و كان مدير أداره التوعيه بالمجلس القومي لشئون الأعاقه؛ مدير المبيعات و التسويق في شركه "Start Up" في مصر؛ مدير المبيعات في شركه "Energy Solutions" في دبي؛ مؤسس و مدير موقع "صوت المعاق" و مجموعه من المواقع الألكترونيه اللي بتشتغل في خدمه القادرون بأختلاف؛ يعمل في برمجه و تصميم المواقع الألكترونيه و تطبيقات الحاسب الألي بتقديم حلول تقنيه للتعامل مع تكنولوجيا المعلومات للأشخاص القادرون بأختلاف بهدف تحقيق أكبر أستفاده؛ هو واحد من الناشطيين في مجال القادرون بأختلاف و حقوق الأنسان؛ و مدرب تنميه بشريه للقادرون بأختلاف لتوعيتهم بالحقيقه؛ و يمتلك شركه متخصصه في توفير أحدث الأجهزه الطبيه للقادرون بأختلاف.

شريف عنده رساله لازم أنهي بيها القصه دي؛ "أنت وحدك الذي تقرر مصيرك؛ ف ماذا قررت أن تصبح؟!"

Facebook Page: https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf

Website: http://www.alhassan-foundation.org