اللي عايز ينجح هينجح 6

أنجي الأتربي؛ بنت عندها 24 سنه؛ خريجه جامعه مصر الدوليه سنه 2011؛ و بعد التخرج أشتغلت في 4 شغلات في مجالات مختلفه Graphic designer في مجله أزياء و مدرسه في حضانه و مدرسه أنجليزي للأطفال تحت سن 5 سنوات و محاسبه. بتحب التغيير و التحدي جداً. أختارت تصميم المجوهرات لأنها بتحب الأشغال اليدويه من رسم و زينه؛ و أختارت المجوهرات بالذات عشان بتحتاج تقنيات معينه و دقه و هي بتحب تتعلم التقنيات الجديده.

في 2010 عملت صفحه على الfacebook؛ و بدأت بين أهلها و أصحابها و معارفها. و أخذت شويه خطوات لحد ما وصلت لأنها أكتر من هوايه و أنها شغل. أحلى حاجه هي بتحبها في تصميم المجوهرات أنها ممكن تُلهم في دقيقه و تصمم قطعه مجوهرات في الدقيقه اللي بعدها على طول؛ و أنها معندهاش قوانين و مفيش أي حاجه تحدد الأبتكار. أحلى حاجه في تصميم المجوهرات أنها بتكتشف مواد و أحجار جديده كل شويه و دا بيحمسها أنها تبتكر قطع مختلفه و جديده كل مره. 

أنجي عملت 15 مجموعه مجوهرات من سنه 2010؛ و بينزلوا في الصيف و الشتاء و الخريف. أكتر القطع المميزه بالنسبه لها؛ هي القطع الصعبه عشان بتحتاج تركيز و مجهود كبير؛ و فشل كتير بس بتطلع في الأخر من أحلى القطع. بالنسبه لأنجي كل مصمم عنده اللمسه بتاعته؛ بس من أفضل المصممين بالنسبه لها هي عزه فهمي. 

أنجي مهتمه حالياً بالبنات و السيدات من سن 18 ل 30 بس قدام السن هيختلف تماماً. كل الناس اللي شافوا المجوهرات بتاعت أنجي كانوا بيشجعوها؛ و هي بتحب جداً تسمع نصايح من اللي حواليها. 

اللي ألهمها عشان تصمم مجوهرات مش شخص بس أشياء و الوان و أماكن و خامات. أنجي بعد خمس سنين متوقعه أنها تلف العالم و تتقمص من المجتمعات المختلفه و تحول الألهام دا لقطع مجوهرات خاصه جداً لألهام الأخرين. و بتوصف الbrand بتاعها أنه مختلف و ممتع و مبتكر. و سبب الألهام الدائم لها هو تجربه الحاجات الجديده و أن عندها أصرار رهيب.

دي أول قطعه هي عملتها:

و دي أول قطعه حد أشتراها:

و دي أكتر قطعه بتحبها أنجي:

و دا فيديو بسيط جوا أحلى القطع اللي من تصميم أنجي الأتربي:

رساله صغيره: أعمل اللي بتحبه و أكيد هتنجح فيه ^_^