Shahd's Tea Party

كان نفسي اعيش زي ما الناس عايشه في المسلسلات و الافلام و الكتب .. الحياه هناك سهله اوي بس الحياه هنا صعبه اوي اوي ... هناك في الكتب و الافلام و المسلسلات في حب اوي و في خناقات بتتصلح بسهوله اوي و في روقان و في مشاكل حلولها بسيطه و في هدوء نفسي ... هنا في الواقع في حب بس مش اوي و في خناقات مبتتصلحش و النفوس بتشيل كتير و مافيش لا روقان ولا راحه بال لأن في ضغوط كتير و مشغوليات اكتر ... دا رأي ناس كتير اوي .. شايفين ان الزمن اتغير و كل حاجه مابقاش لها طعم ولا لون .. في ناس كتير عايزه تهرب من مكانها و زمانها .. اللي عايز يعيش في الخمسينات و الروقان اللي بيجيبوا الافلام الابيض و الاسود .. و اللي عايو يهاجر ... طب سؤال هو الهروب من الزمان او المكان دا حل .. يمكن ناس تشوفوا حل .. طب السؤال الصح دا واقعي ... المشكله في وجه نظري لا في المكان و لا الزمان .. بس في الانسان و الاخلاق و الطباع .. يعني مهما غيرت في اماكن و ازمنه المهم القالب اللي عايش في اي ما كان الزمان او المكان ... تعالوا نفكر كدا .. لو غيرنا شويه في طباعنا و شخصيتنا و بقينا احسن .. فاهمين الحريه صح و مهتمين...

هكلم انهرده عن نموذج مصريه قررت تنجح رغم اي شئ .. مهندسه مدني الصبح و مدونه و مهتمه بالأزياء بليل .. من 9 شهور قررت تبدأ المدونه بتعتها بسبب حبها للأزياء .. و الناس حواليها كانوا دايما بيسألوها علي نصايح لها علاقه بالازياء .. اخدت كورسات للأزياء و بدأت المدونه كخطوه اولي خلال دراستها .. و في المستقبل القريب هيكون ليها خط الازياء الخاص بيها ... أكتر حاجات بتبهرها في الازياء هي العصور الوسطي .. عشان الأزياء وقتها كان فيها دراما و تفاصيل حلوه .. و كمان القلاع و الفن المعماري ... سحر فؤاد .. قررت جنب دراسه الهندسه تهتم بالفن و الازياء .. و فعلا عملت دا .. و في 9 شهور اثبتت نفسها و اسمها .. عرفت تنجح و هي بنت في وطن شرقي و في سن صغير ... مبطلتش اللي بتحبه عشان "مالوش دعوه بدراستي" .. ولا بطلتوا عشان "سني صغير و لسا العمر قدامي" .. ولا بطلتوا عشان "انا في مجتمع شرقي" .. بالعكس دي قررت تاخود خطوات و كورسات و تعرف الناس بيها من خلال مدونه لحد ما تخلص دراسه و تبدأ تعمل خط ازياء خاص بيها ... انا شايفه اننا نتعلم من سحر حاجه مهمه اوي .. اللي عايز ينجح ب...

صاحبه السعاده .. كلنا حلمنا نكون اصحاب السعاده .. نفسنا نعيش مبسوطيين و سعداء .. و دي شويه حاجات بتخاليني انا شخصيا صاحبه سعاده .. حاولوا تعملوها و انتم كمان تكونوا صحاب سعاده .. و لو بتعملوا غيرها او جربتوا حاجات تاني اكتبوها ... جرب تمشي حافي علي الرمل او الجنينه .. جرب تشم ورد .. او تشوف الشروق او الغروب .. و كمان انفخ البلالين بتاعت الصابون و افتكر لما كنت طفل و بتجري وراها ... كل ما تروح في حته خالي الابتسامه دايما علي وشك ... روح مكان العاب اطفال و اتمرجح و اتزحلق ... قعد مع كبرات العيله و اسمع منهم قصص حصلت معاهم و اتعلم منها .. عندهم كتير تتعلم منه بس اديهم الفرصه ... خود اجازه من الدراسه او الشغل لمده يوم ولا اتنين .. و ابعد عن اي تكنولوجيا و اي حاجه بس استمتع .. غني لنفسك اغاني مفرحه و انت في الحمام او في العربيه ... كلم نفسك .. و الله مش جنان بالعكس دا قمه العقل ... اعمل لغيرك .. تطوع في دار ايتام او مدرسه او دار مسنين .. اعمل حاجه صح اوي ... الموسيقي و الاغاني بيغيروا الاحوال جدا .. اعمل playlist و اسمعها ... خود وقت و قول شكرا كتير و انت بجد مصدقه...

زمان البنات كانوا يا مش محجبات يا محجبات يا منقبات .. اليومين دول التقسيمه اختلفت كتير فضل البنات اللي مش محجبات زي ما هما و البنات المنقبات زي ما هما .. الاختلاف العميق جدا في البنات المحجبات ... البنات المحجبات تحولوا لثلاث انواع لوحدهم .. نوع محجب حجاب صح و نوع محجب حجاب عادي و نوع محجب حجاب موضه ... الحجاب الصح .. زي ما الاسلام فعلا قال .. لا يصف ولا يشف .. لبس طويل و واسع و مش شفاف و لفه الاشارب زي زمااااااان .. و النوع دا بقولوا اللهم قوي ايمانكم انتم قايلين اوي ... الحجاب العادي .. و دا زي ما الاسلام بيقول بس علي مودرن شويه .. و انا شايفه انه مش صح تماما ولا غلط تماما .. و موجود عشان احنا بشر و النفوس بتغير من لبس المش محجبات .. ف طلع البنطلون بس عليه بلوزه طويله و واسعه .. لو البلوزه ضيقه شويه ولا قصيره حبه بيتلبس جاكيت او كارديجان .. و دا بردو انا شايفه انه حجاب عادي و ربنا يكرمكم و انتم احسن من غيركم كتير ... المصيبه في الحجاب الموضه .. دا كارثه .. لانه مش حجاب اصلا .. تلاقي بلوزه قصيره .. بلوزه شفافه .. تشميره الكم لحد الكوع .. تشميره البنطلون عشان الخلخال يظهر .. بنط...

انا عندي رساله لأي واحد ناوي يترشح للرئاسه او مرشح للرئاسه او كسب او هيكسب .. و نبي ساعدوني اوصل رسالتي :) انا مبتكلمش في السياسه كتير و بفهم فيها علي بسيط كدا .. بس نفسي في شويه ح...

حبيت احكيلكم قصص واقعيه حصلت معايا و خالتني اكون انا بتاعت دلوقتي .. نفسي كل اللي يقرا يستفيد .. لو تعرف ام او اب جداد شارك معاهم القصص دي .. و حاول تشارك القصص دي مع اولادك و بناتك و اي ناس تعرفها :) في يوم زمان اوي اوي اوي .. جايز ابويا و امي اصلا نسيوا .. بس اللي حصل اليوم دا عمري ما نسيته و فضلت فاكراه لحد دلوقتي .. و دا اللي علمني اني اساعد اي حد محتاج مساعده ... كان بابا بيسوق العربيه و احنا قاعدين بنسمع اغاني و بنتفرج من الشباك علي الناس .. و شوفنا راجل كفيف و مش عارف يعدي الشارع من كتر العربيات .. و بابا ركن العربيه و نزل مشي جنبه و ساعده ... كل ما اتخيل ان جايز الراجل دا كانت عربيه خبططه لو بابا ماسعدهوش افرح اننا صبرنا الدقيقتين دول و ساعدناه :)  في يوم تاني قريب .. ابويا كان بيوصلني الجامعه و في الطريق بنعدي علي ست غلبانه بحبها اوي و بحب اساعدها .. ف مكنش معايا فكه و زعلت جدا .. ف بابا كلمني من عندها و هو راجع و قال لي انا ساعدتها بدل منك .. اتاخرت علي الشغل بس مش مشكله :) انهرده و انا رايحه مع بابا الجامعه قلت ل بابا معايا فكه المره دي .. و قالي كل جني...

بقالي شويه ما اتكلمتش معاكم ولا كتبت .. اتمني اكون واحشتكم و متقولوش كانت مرياحناه P: ببساطه هتكلم انهرده عن الكتب و القراءه .. علي فكره انا اكتشفت ان حلو اوي اننا نقراء في مواضيع و انواع كتب مختلفه كتيير .. يعني مثلا في الشهرين اللي فاتوا دول قرأت ربع جرام و بعدها المرحوم و بعدها قواعد العشق الاربعون ... من كتاب عن قصه حقيقيه و علاج ادمان و تغيرات في حياتهم بجد نقدر نحس انها حقيقيه جدا جدا .. و بعده كتاب نفسي جدا عن راجل مش مصدق انه قتل صاحب عمره و تخيل انه جسد شخص و روح الاخر و كمان قرر ان روحه بتدخل اجساد مختلفه لانه رسول ما و قصه حياته المشوقه و انا مش عارفه ان كان مجنون ولا عاقل و ان كانت قصه حقيقيه ولا من واقع خيال الكاتب .. و بعدين روايه رومانسيه و من زوجه و ربه منزل ماتعرفش يعني ايه حب لانها نسيته في عشرين سنه زواج من راجل مش بتحبه ولا بيحبها و انغمرت في تربيه العيال و خلاص و لما العيال كبروا قررت تغير حياتها تماما ... الكتب دي عالم كبير ماليان قصص و حكايات و تفاصيل و شخصيات .. حقيقي و خيالي .. من الاخر بتعيشي اكتر من حياه واحده و بنعيش حياوات مش قادرين نعيشها في ال...

اللي يعرفني كويس يعرف ان الموضوع دا مأثر فيا جدا جدا .. و اللي ميعرفنيش كويس قررت اعرفكم الموضوع دا ... في ست عجوزه جدا .. عند المدافن اللي في طريق الNA دايما قعده علي كرسي متحرك و وشها في الارض و مش بتكلم و لا بتقول اي حاجه .. يعني هي مش شحاته و دا مش هدفها ابدا .. لا معاها روشته من 100 سنه ولا بتزن و لا بتجري ورا العربيه .. معندهاش صحه تخالينا نفكر 100 مره قبل  ما نساعدها انها ليه مبتشتغلش ... أنا للأسف عرفت قصه الست دي من الدكتوره بتاعتي في الجامعه .. و بجد مش عارفه اقول يارتني ما عرفت ولا اقول الحمد لله اني عرفت و يا رب قدرني اني اسعدها و اساعد الناس تساعدها ... الست دي بنتها كل يوم الصبح بتجيبها علي الطريق .. و من غير اي رحمه بتسبها في وسط الشارع .. في عز البرد لما حد بيلف علي الست بطانيه تاني يوم البطانيه بتختفي .. و لو حد حط لها شمسيه تاني يوم ماتلاقيهاش بردو .. و لما دكتوره رغده الابراشي كانت بتجمع حالات لدار مسنين راحت للست دي .. الست قالت لها القصه و قالت كمان انها ماتقدرش تسيب بنتها ... تعليقي ان البنت دي حسابها عسير عند ربنا .. ببساطه معرفتش قيمه ان يكون عندها...

ليه مش بنكلم عربي ؟! يعني لو في مطعم لازم اقول menu بس ماينفعش اسأل عن قائمه الطعام .. ليه دايما قائمه الطعام بالانجليزي و مش بالعربي .. ليه كل حاجه في الدنيا بقيت انجليزي و مش عربي .. طب ما العربي دي لغتي و لغتكم .. دي لغتنا الام كمصريين او عرب ... علي فكره عشان نكلم لغات و نبدع بلغات مختلفه لازم نتعلم اللغه الام .. وقت ما بنكتب او بنكلم اول فكره بتيجي في دماغنا بتكون عربي و بعدين ممكن نترجمها ... عارفين ان اول حاجه بتحصل عشان نموت ناس هي اننا نموت لغه البلد دا .. يعني الروس و الصينين و الالمان مش بيتكلموا غير لغتهم .. ليه انا كمصريه و عربيه بتكلم عربي لازم اعرف لغات كمان .. لازم اكلم بلغات غير لغتي ... ليه زمان و انا في المدرسه اتعلمت انجليزي الاول .. بعدين اتعلمت عربي و فرنسي و الماني .. ليه في الجامعه كل اللي بدرسه بيكون انجليزي .. ليه اول ما بدأت اكتب كتبت انجليزي و معرفتش اكتب عربي .. ليه اةل ما قرأت قريت انجليزي و مش عربي ... واحده واحده كدا .. قررت اني اعتز بوطني الكبير "عربيه" و وطني الصغير "مصر" و قررت اتحول من واحده مش لاقيه هويتها لانها نسيت ...

صفر علي اليمين .. دا اسم الحمله اللي عاملها MOIC او نموذج منظمه المؤتمر الاسلامي ..  و الغرض منها انك تكون انسان و تقرر تكون ايجابي و متفائل .. قرر تكون صفر علي اليمين .. صفر علي اليمين تطلق علي كل شخص استخدم مهنته او موهبته عشان يوصل بيها قيمه مهمه ... أم مصطفي جمال .. مصطفي من ذوي الاحتياجات الخاصه بس هو و امه ما يأسش ابدا .. ذاكر و نجح و دخل الالسن اسباني .. طلع مش بس الاول علي القسم الاسباني بس طلع الاول علي الكليه كلها .. و بعد تخرجه اشتغل في call center اسباني و بيعمل دراسات عليا و معيد في الكليه .. امه كانت بتساعده يروح الكليه كل يوم و بتصور له الورق و بتكتب له الكتب علي الcomputer .. و عشان الام دي صفر علي اليمين ساعدت ابنها يكون هو كمان صفر علي اليمين ... محمد عبد المنعم الصاوي .. الراجل دا مهندس بس قرر يغير مفهوم تحت الكوبري .. و حول تحت الكبري لساقيه فكر و ثقافه زي ساقيه عبد المنعم الصاوي اللي كلنا علي الاقل سمعناه عنها و اكيد في مننا كتير راح هناك .. الراجل دا قرر يكون صفر علي اليمين و قرر يكون الهام لغيره كمان ... ماهر زين .. الراجل دا بيغني بالانجليزي و ...

هو ممكن 3 يكتبوا و الكلام يطلع متناسق و كأن واحد بس اللي كاتب .. دي كانت فكره خطرت ليا و شاركتها مع اتنين من صحابي .. مي طاووس الشاعره الجميله و لبني المصري الكاتبه الرقيقه ... و بدأنا ب "ربنا" .. اتمني تقروها و تعجبكم .. او عجبتكم دوسوا علي القلب اللي فوق عشان يحمر :) اتمني اقرأ كل ارائكم ^_^ URL: http://issuu.com/shahdh.rashed/docs/______________ هو دا المقال:

هقولك علي حاجه و امشي ورايا تكسب ... نفسك في حاجه اوي .. شايف ان حياتك منغيرها مش هتكتمل .. شايف ان قمه السعاده في تحقيق الحلم دا .. ركز معايا للاخر بقا ... عندك حلم .. اتشعبط فيه .. عافر عليه .. اوصل له .. حقق حلمك .. اطلع السلم واحده واحده .. اوصل لقمه الجبل ... عارف في ايه علي قمه الجبل .. في حلمك واقف مستنيك .. هيعرفك اول ما يشوفك .. علي فكره انت اللي خاليت الحلم دا يتولد اصلا .. عشان كدا الحلم مستنيك .. عشان كدا هيعرفك من وسط ملايين الكائنات الحيه ... الحلم بيتولد من فكره .. حتي لو الفكره دي هبله .. و بيكبر بالوقت زي ما انت بتكبر .. بيكبر معاك يعني .. و اقولك حاجه انت مش هترتاح ابدا غير لما توصل للقمه و تلاقي الحلم و تحققه .. خاليك واثق ان حلمك بتاعاك لوحدك و عمره ما هيكون لغيرك .. بس لو نسيته او سيبته يمكن يبيعك زي ما بعته و يروح لغيرك ... في حلمك هتلاقي الحياه وردي .. لانك حققت حاجه نفسك تحققها و انت اللس خلقتها اصلا ... حلمك كبير او صغير .. حلمك ممكن تكبره و ممكن تصغره .. حلمك ممكن تبدا تحققه علي نفسك و بعدين اللس حواليك و بعدهم العالم كله ... و لم...

و أنا ببدأ المدونه دي معرفتش اتوقع ايه .. بس كنت عامله لنفسي هدف لازم احققه عشان اقول اني نجحت .. و الهدف دا كان اني اتخطي ال10000 واحد مر من علي المدونه في خلال سنه من بدايه المدونه ...  انهرده بس ممكن اقول اني نجحت و ان المدونه دي مدونه ناجحه .. انا انهرده وصلت لهدفي و في 10000 واحد مر من هنا :) انا فكره اول ما قررت استفيد بأجازه الصيف اللي فاتت و بالخصوص في يوم 3 اغسطس 2013 قررت اعمل مدونه و افضل اكتب لحد ما انجح .. و قد كان ... كتبت كتير و وصلت ل10000 واحد مر من هنا .. و وصلت لنشر مقالاتي في بوابه روزاليوسف الالكترونيه .. و وصلت لنشر مقالاتي علي pens and books magazine .. و وصلت ان رأي نشر في Girl's Revolution .. و وصلت لأني اتعرفت علي خديجه رحاب اللي بتكتب في deega talks في teenstuff magazine و بسمه السباعي اللي بتكتب فالمدونه بتاعتها و في روزاليوسف الالكترونيه و مي طاووس اللي بتكتب في المدونه بتاعتها و في روزاليوسف الالكترونيه .. و شجعت صحبتي لبني المصري انها تدخول عالم المدونات و بشوف ناجحها كل يوم ... دا بجد معني النجاح .. انك تهتم بحاجه اوي و بتشجيع اللي حوال...