النجاح

و أنا ببدأ المدونه دي معرفتش اتوقع ايه .. بس كنت عامله لنفسي هدف لازم احققه عشان اقول اني نجحت .. و الهدف دا كان اني اتخطي ال10000 واحد مر من علي المدونه في خلال سنه من بدايه المدونه ... 

انهرده بس ممكن اقول اني نجحت و ان المدونه دي مدونه ناجحه .. انا انهرده وصلت لهدفي و في 10000 واحد مر من هنا :)

انا فكره اول ما قررت استفيد بأجازه الصيف اللي فاتت و بالخصوص في يوم 3 اغسطس 2013 قررت اعمل مدونه و افضل اكتب لحد ما انجح .. و قد كان ...

كتبت كتير و وصلت ل10000 واحد مر من هنا .. و وصلت لنشر مقالاتي في بوابه روزاليوسف الالكترونيه .. و وصلت لنشر مقالاتي علي pens and books magazine .. و وصلت ان رأي نشر في Girl's Revolution .. و وصلت لأني اتعرفت علي خديجه رحاب اللي بتكتب في deega talks في teenstuff magazine و بسمه السباعي اللي بتكتب فالمدونه بتاعتها و في روزاليوسف الالكترونيه و مي طاووس اللي بتكتب في المدونه بتاعتها و في روزاليوسف الالكترونيه .. و شجعت صحبتي لبني المصري انها تدخول عالم المدونات و بشوف ناجحها كل يوم ...

دا بجد معني النجاح .. انك تهتم بحاجه اوي و بتشجيع اللي حواليك تحقق اللي تكون عايزه .. انك متكونش اناني و تشجع غيرك يوصل .. انك تحب اللي بتعمله او تعمل اللي بتحبه ...

10000 شكرا لكل انسان شجعني او قال كلمه حلوه في حقي و حق المدونه دي .. شكرا لكل بني ادم قراء كتاباتي في اي مكان ...

لأول مره احس ان كلمه شكرا مش كفايه !!!