صاحبه السعاده
صاحبه السعاده .. كلنا حلمنا نكون اصحاب السعاده .. نفسنا نعيش مبسوطيين و سعداء .. و دي شويه حاجات بتخاليني انا شخصيا صاحبه سعاده .. حاولوا تعملوها و انتم كمان تكونوا صحاب سعاده .. و لو بتعملوا غيرها او جربتوا حاجات تاني اكتبوها ...
جرب تمشي حافي علي الرمل او الجنينه .. جرب تشم ورد .. او تشوف الشروق او الغروب .. و كمان انفخ البلالين بتاعت الصابون و افتكر لما كنت طفل و بتجري وراها ...
كل ما تروح في حته خالي الابتسامه دايما علي وشك ...
روح مكان العاب اطفال و اتمرجح و اتزحلق ...
قعد مع كبرات العيله و اسمع منهم قصص حصلت معاهم و اتعلم منها .. عندهم كتير تتعلم منه بس اديهم الفرصه ...
خود اجازه من الدراسه او الشغل لمده يوم ولا اتنين .. و ابعد عن اي تكنولوجيا و اي حاجه بس استمتع .. غني لنفسك اغاني مفرحه و انت في الحمام او في العربيه ...
كلم نفسك .. و الله مش جنان بالعكس دا قمه العقل ...
اعمل لغيرك .. تطوع في دار ايتام او مدرسه او دار مسنين .. اعمل حاجه صح اوي ...
الموسيقي و الاغاني بيغيروا الاحوال جدا .. اعمل playlist و اسمعها ...
خود وقت و قول شكرا كتير و انت بجد مصدقها ...
اعمل حاجه تزروط .. لون بصوابعك او العب بالطين او اعمل اي لغوسه ...
خود وقت تعيط جامد .. بس بشرط ان بعدها تنسي كل حاجه مضايقك بعدها ...
اكتب 10 حاجات انت مبسوط بيهم دلوقتي و بتشكر ربنا عليهم ...
خالي حد يضحك بسببك .. قول نكته او اعمل عبيط ...
اتفرج علي صور بتحبها و بتبسطك ...
افتح درج ولا دولاب عندك و اتبرع بكل حاجه مش عايزها ...
راجع نفسك و افتكر صحابك بتوع زمان ايام المدرسه و الجامعه .. و ارجع كلمهم تاني ...
البس لبس الوانه فاتحه او فاقعه .. المهم الوان مفرحه ...
جرب الحاجات دي .. زي ما بيقولوا اسأل مجرب ولا تسأل طبيب .. و لو عندكم اي حاجه زيهم قولولي :)
Inspired from: Mind, Body, Green blog
Inspired from: Mind, Body, Green blog
Comments
Post a Comment