Shahd's Tea Party

"و أقول لنفسي .. ستظل نفسي .. ذات نفسي .. فلا تنسي"- مي طاووس مي طاووس واحده من ناس قليله اوي بقراء لها شعر عامي .. و دي جمله بحبها اوي و وقفت عندها كتيير جدا ... بقول لنفسي هتفضلي بتاعتي فأوعي تنسي .. يالهوي علي الكلام ... اصل دي حقيقه انا هفضل بتعتي مهما حصل و انتَ هتفضل بتاعك مهما حصل و انتِ هتفضلي بتاعتك مهما حصل .. الارواح مش هتتغير حتي لو الاشكال اتغيرت ... دا بالظبط اللي بيخلي حد يقول لحد تاني "روحك بتميزك" ... اصلها حقيقه روحك هي الحاجه الوحيده اللي بتميزك .. شكلك يخلق من الشبه 40 .. بس روحك بتاعتك و بس و مش بتتكرر و مفيش منها اتنين ... ربنا يديم روحنا لينا .. و نفوسنا تفضل بتاعتنا .. يارب نفضل دايما عارفين نفسنا و منتوهش ابدا من روحنا ... و أفتكري يا نفسي لأنك هتفضلي نفسي بتعتي لوحدي ف ونبي ما تنسي :) أصلي مش عايزه اتوه من نفسي .. مش عايزه اعيش مش عارفاني .. و مايتهيئليش ان في حد عايز يتوه و ينسي روحه و نفسه ...

الكتب و القرايه عالم من خيال الكتاب عشان بعيش فيه القراء .. عالم كبير من حاجات عيشناها فنحس انها عاديه و حاجات معشنهاش قبل كدا فنحس بالتجربه الغريبه و اللي ممكن تكون مستحيل...

فكرت تبسط نفسك انهرده ولا مستني حد يعمل المهمه دي بدلك .. يعني عايز تفهمني انك عايز حد يبسطك .. مممم .. فكر كويس تاني كدا .. عايز حد غيرك يبسطك؟! معلش اصلي غبيه جدا و مش فاهمه يعني ايه...

علي هامش كاس العالم كل 4 سنين بيعملوا كاس عالم بس لمنتخبات اطفال الشوارع .. لو اول مره تسمع الكلام دا كمل قرايه و انت هتتفاجئ مفاجائات سعيده كتير ... الامل موجود .. اطفال الشوارع او زي ما بيحبوا يكون اسمهم الاطفال المتحدين .. بيبدأوا يلعيوا كوره و بعدين من خلال الكوره و هي حاجه بيحبوها يبدأ التغيير في شخصياتهم و طباعهم .. 4 شباب من الجامعه الامريكيه فكروا في الاطفال المتحدين بطريقه ايجابيه مختلفه .. راحوا جمعيات رعايه لاطفال الشوارع و بدأوا يشوفوا لعبهم و يدربوهم و يختاروا منهم .. لحد ما عملوا فريق .. الفريق راح لكاس العالم علي هامش كاس العالم الكبير .. دا كاس عالم للاطفال المتحدين .. و مش بس كدا .. لعبوا و كسبوا و خسروا ... الرحله بتبتدي .. الرحله لسا في اولها .. تعليم و تدريب و تطوير و لعب و بطولات .. لحد في يوم هياخدوا الكاس ... عايزين تتبعوهم علي الFacebook و الinstgram .. اسمهم Street Child World Cup Egypt ادخولوا و شجاعوهم و ساعدوهم و اعرفوهوم اكتر .. صدقوني هتنبهروا جدا جدا من التغير و من اللي حصل .. اتحولوا من اطفال شوارع لاطفال متحدين .. ايوا في امل ان يتغير الا...

شوفت فيديو 3 دقايق بس عن معني ان الخير بيفضل و بيعيش للأبد .. ولد صغير مامته عيانه اوي و الولد دا شغال في صيداليه و معهوش فلوس .. راح سرق الدواء عشان امه تخف .. صاحبه الصيدليه ضربته و هانته جامد اوي .. راجل طيب طلع من المحل بتاعه و دفع تمن الدواء لما عرف ان ام الولد تعبانه و كمان بما ان الراجل و بنته بيبعوا شوربه خضار ف بعت مع الولد شوربه لامه .. و تمر 30 سنه و الراجل يتعب و يتنقل للمستشفي و مصاريف العلاج تكوك غاليه جدا جدا .. و سبحان الله الولد اللي امه تعبانه دا يطلع دكتور و يدفع كل الفلوس و يسيب جواب لبنت الراجل يفكرها باللي الراجل عمله له ... عرفت بقا ان الخير بيفضل سنين و سنين و سنين .. و ان اي حاجه بسيطه و صغيره بتعملها انهرده .. ربنا هيسعدك و يسعدك بيها في يوم ما قريب او بعيد :) دا لينك الفيديو:  https://www.facebook.com/photo.php?v=10153330018235023

تعرف ان عبد الحليم حافظ و حافظ ابراهيم و ستيف جوبز و نيلسون مانديلا و ارسطو و غيرهم كتير اوي كانوا ايتام و برغم انهم ايتام بس هما عظماء ... عارفين ليه عظماء؟ عظماء عشان ناس عاديه زيي و زيكم علموهم حاجه و علموهم ازاي يكونوا عظماء ... في booth كدا كان عندنا في الجامعه اسمه ورا الكواليس .. و في الbooth دا صاحبتي لبني كتبت طرق عشان تساعد الايتام عشان يطلع منهم ناس عظيمه تاني و تالت ... علمه يعزف علي اله موسيقي .. علمه حكمه يعيش بيها .. علمه كلام ربنا و الصلاه و هو هيعلمه كل حاجه تانيه .. علمه يساعد غيره حتي لو محتاج هو مساعده .. علمه ازاي يكون ناجح في حياته .. علمه طيبه القلب و العفو عند المقدره .. علمه مهاره تخليه لما يكبر يبقي مبدع .. اقرا معاه كتاب كل شهر .. علمه ازاي يكون متفائل .. علمه اخلاق و قيم و مبادئ .. انقل له خبره حياتك قبل ما يعيشها .. علمه ما يخفش غير من اللي خلقه .. علمه ازاي يفيد مجتمعه .. علمه يكون انسان خلاق و يبدع منغير ما تحده حيطان .. علمه تجويد كلام الله .. علمه ان النجاح بيبدأ من جوا الانسان .. علمه ازاي يكون فنان .. علمه ي...

صفحه هدفها نشر كل الحقائق .. من 11 ابريل 2014 .. عندهم لانهرده 86582 liker .. صفحه بتستغل فكاهه الناس لنشر الابتسامه علي وشوش البشر ... هدف سامي لطريقه لطيفه و بتضحك فعلا :) جرب تدخول علي الصفحه .. و تشوف معلومات بجد حقيقيه .. و كمان شوف المبادرات اللي بيعملوها لاطفال مرضي بالسرطان و غيره ... من الاخر دي صفحه مهتمه بالهيافه و الضحك و رسم الابتسامه بجد حقيقي. و دي شويه صور من الصفحه: