فكرت؟
فكرت تبسط نفسك انهرده ولا مستني حد يعمل المهمه دي بدلك .. يعني عايز تفهمني انك عايز حد يبسطك .. مممم .. فكر كويس تاني كدا .. عايز حد غيرك يبسطك؟!
معلش اصلي غبيه جدا و مش فاهمه يعني ايه الواحد يستني واحد غيره يبسطه .. يعني ايه تستنوا ظروف معينه تبسطكوا ...
معلش كمان مره .. الانبساط دا قرارك .. انت اللي بتبسط نفسك .. و مافيش حاجه ولا في حد هيبسطك لو انت مش عايز تتبسط .. و مافيش حد ولا حتجه هتزعلك و انت مقرر تتبسط ...
متستناش ابوك ولا امك ولا مسلسل بتحبه ولا اكله معينه ولا تقابل فتاه احلامك ولا تقبلي فتاه احلمك ولا تخلف ولا تخلفي ولا تشتغل ولا تتخرج ولا حد يجبلك هديه ولا ابراهيم يجيبلك ورد ...
قرر تكون مبسوط .. و مهما كانت الظروف هتكون مبسوط .. و مهما كان مين حواليك انت بردو مبسوط ...
بدل ما تستني حاجه يمكن متحصلش تبسطك و تضايع دقيقه من عمرك علي الفاضي .. اتبسط عشان لو الحاجه حصلت تكون مبسوط اكتر و اكتر ف متضعش ولا لحظه ...
خد قرارك و خاليك دايما مبسوط مهما كانت الظروف ...
Comments
Post a Comment