عالم كبير اوي اوي ...
الكتب و القرايه عالم من خيال الكتاب عشان بعيش فيه القراء .. عالم كبير من حاجات عيشناها فنحس انها عاديه و حاجات معشنهاش قبل كدا فنحس بالتجربه الغريبه و اللي ممكن تكون مستحيله ...
انا من صغري و انا بتنقل من كتاب لكتاب .. و سعاده غريبه امل اخلص كتاب و ابدأ في غيره ...
زمان و انا في المدرسه كنت تقريبا الوحيده اللي بدخل المكتبه و باخود كتب ...
و لما بروح النادي كنت اصغر واحده و بكدب في سني عشان ادخول مكتابه الكبار ...
كنت اشتري الكتاب و اخلصوا في يوم ولا اتنين .. و مره اشتريت مجموعه قصص اطفال و خلصتهم في السكه ف واحنا راجعين غيرناهم من عند الراجل صاحب المكتبه بمجموعه تانيه ...
عندي مجموعه كتب كبيره قريتها .. شويه كتب كنت مستلفاهم من المكتبه او من صحابي .. و شويه كتب ضاعوا او اهدتهم لناس محتاجهم .. و شويه معايا لحد دلوقتي .. و انا فخوره بكل كتاب قريته ...
زمان كان عندي كراسه بس ضاعت .. كان فيها اكتر من 1000 معلومه من الكتب اللي قريتها في المدرسه ...
دي معلومات عني مع القرايه كهويه كبرت و هي معايا ...
عايزه اغير فكره .. مش لازم اللي بيحب القرايا و بيقرا كب كتير يكون حياه مقفوله علي كدا و بس .. يعني ممكن تكون عندي حياه اجتماعيه طبيعيه جدا و في نفس الوقت بحب القرايه جدا جدا ...
انا كدا .. القراءه عالم حلو اوي اوي .. كل كتاب بقصه و بتجربه .. و الحياه بردو حلوه اوي اوي و قصه لازم تتعاش ...
يعني من الاخر بلاش ادمان .. اصل الادمان مش بس مخدرات .. اي حاجه زياده عن الحد تتحول ضد .. حتي القراءه علي قد ما هي مفيده ممكن جدا تتحول مضره .. ف اوعوا تدمنوا اي حاجه في الدنيا حتي لو مفيده .. الاعتدال حلو اوي ...
عيش حياتك صح علي الاخر :)
Comments
Post a Comment