تعرف؟!

تعرف ان عبد الحليم حافظ و حافظ ابراهيم و ستيف جوبز و نيلسون مانديلا و ارسطو و غيرهم كتير اوي كانوا ايتام و برغم انهم ايتام بس هما عظماء ...

عارفين ليه عظماء؟ عظماء عشان ناس عاديه زيي و زيكم علموهم حاجه و علموهم ازاي يكونوا عظماء ...

في booth كدا كان عندنا في الجامعه اسمه ورا الكواليس .. و في الbooth دا صاحبتي لبني كتبت طرق عشان تساعد الايتام عشان يطلع منهم ناس عظيمه تاني و تالت ...

علمه يعزف علي اله موسيقي ..

علمه حكمه يعيش بيها ..

علمه كلام ربنا و الصلاه و هو هيعلمه كل حاجه تانيه ..

علمه يساعد غيره حتي لو محتاج هو مساعده ..

علمه ازاي يكون ناجح في حياته ..

علمه طيبه القلب و العفو عند المقدره ..

علمه مهاره تخليه لما يكبر يبقي مبدع ..

اقرا معاه كتاب كل شهر ..

علمه ازاي يكون متفائل ..

علمه اخلاق و قيم و مبادئ ..

انقل له خبره حياتك قبل ما يعيشها ..

علمه ما يخفش غير من اللي خلقه ..

علمه ازاي يفيد مجتمعه ..

علمه يكون انسان خلاق و يبدع منغير ما تحده حيطان ..

علمه تجويد كلام الله ..

علمه ان النجاح بيبدأ من جوا الانسان ..

علمه ازاي يكون فنان ..

علمه يكون مدير ناجح ..

علمه يكون قاضي عادل ..

علمه يكون مخلص في شغله ..

علمه ازاي يكون شخص مؤثر في حياه اللي حواليه ..

علمه ازاي يحب بلده ..

علمه ازاي ما يفقدش الامل مهما كبر الفشل .. 

علمه يحتر رأي الغير ..

خاليك واثق ان اي حاجه من دول او من غيرهم هتعلمها له هتفيده .. اوعي تديله فلوس و تسيبه .. قوم في حياته بالدور اللي هو بيتمناه :)

اليتيم احتياجه اكتر من فلوس و اكل و شرب و لبس و لعب و مكان يعيش فيه .. اليتيم محتاج يتعلم الحياه بجد و محتاج ميفقدش الامل .. محتاج يحب الحياه و يكون عظيم ...

جرب كدا تنوي انك تعمل حاجه من دول .. و الايتام موجودين في كل مكان حوالينا .. قرايبنا او دور الايتام او اطفال الشوارع .. جرب تعلمهم حاجه .. اديله مصحف او اي كتاب .. لقرا معاه .. او انت بتعرف تعمل حاجه علمها له و خليه عظيم ...

و علي رأي فيروز "ايه في امل" :)