Shahd's Tea Party

القادره بأختلاف التسعتاشر .. ساميه و عندها 30 سنه .. كانت طفله طبيعيه جداً لحد ما تمت ال7 شهور أخذت علاج خطأ و أدى الى شلل تام في كل الجسم مكنش بيتحرك غير الفم و بس .. و بدأ العلاج في سن صغير جداً و بدأ الجسم في الحركه واحده واحده .. و دخلت المدرسه و هي 6 سنين منغير ماتكون بتمشي خالص ... بس ربنا أكرمها بدكتور علاج طبيعي هي بتعتبره أبوها التاني .. و رجعت طبيعيه جداً بعد 9 سنين .. و كانت بتتحرك عادي جداً مع مشكله بسيطه في العمود الفقري .. و خلصت ثانويه عامه و دخلت كليه أداب قسم علم نفس ... ساميه بتعشق العمل التطوعي و كانت دايماً متطوعه في رساله و كانت تعشق خدمه كل مريض .. برغم مرضها ... و كانت بتعمل كل سنه تقريباً عمليه جراحيه في العمود الفقري .. و في 2011 كانت الجراحه كبيره و تسببت في فقدان الحركه من تاني زي زمان و هي طفله .. و مع ذلك ماستسلمتش و بدأت تأخذ كورسات تنميه بشريه و تقرأ و تكتب شعر و قصص ... من وجه نظر ساميه المشكله في المجتمع برغم أنها بتعرف تتعامل ... ساميه نموذج لحيويه الحياه .. ساميه عمرها ما يأست و عندها حلم و هتوصله و هتحققه .. هي قادره بأختلاف و مخت...

أحنا عايشين في عشوائيه و الموضوع أكبر كتير من شويه مناطق عشوائيه ولا ناس فقيره ولا ناس مريضه ولا ناس بتنتحر عشان شويه فلوس ولا انتهاك حقوق ولا ظلم و افترى ولا سمك كبير بياك...

كلنا في وقت ما من حياتنا كنا ذلك الانسان .. اللي زيه زي عامه الشعب و ماشي جنب الحيط .. في ناس قدرت تكسر الشخصيه دي و تعيش مختلفه و تعيش بشخصيتها هي .. و ناس لسا بتعافر .. و ناس تانيه مش عارفه حتى تعافر!  تعالوا نعرف مين اللي بنكلم عليهم دول .. الانسان اللي مستسلم جدا للحياه .. بيتشال و يتحط و مالوش رأي اصلا .. ببساطه جداً قالوا له يمشي جنب الحيط و هو فعلاً مش بيعمل حاجه غير يمشي جنب الحيط و لو قدر يمشي جوا الحيط هيعمل كدا ...  قالوا له خساره دراجاتك و يلا ادخل طب ولا هندسه .. و هو اصلا مش فاهم ايه الفروق ولا ليه ولا اي حاجه .. لا هو فاهم الدكتور بيعمل ايه ولا المهندس بيعمل أيه غير أن الأولاني بيعالج العيان و التاني بيبني العمارات!! نيجي بقا لمرحله كبرنا و لازم نتجوز ف يلا اي حد مش فارقه المهم بس القواعد المعروفه تكون متحققه .. يعني اي بنت تكون بنت ناس و متربيه و متدينه و متعلمه تنفع و اي رجل متعلم و متدين و متربي و بيشتغل و يعرف يفتح بيت ماديا مش اكتر ينفع .. اللي متوافر فيه المواصفات السابقه يقدر ينول شرف لقب متزوج او متزوجه!! يلا خلفنا و مش فاهمين الكائن الحي ال...

السباعتشر قصه نجاح بتوع رمضان مش القصص الوحيده لمستخدمي الكراسي المتحركه المعافرين و بيحققه كل أحلامهم .. لسا في قصص كتير لأن النجاح مش بيخلص و الأحلام مش بتموت .. و القصه و ما فيها أن كل قصه نجاح تستحق تنشر و تكون سبب رئيسي في تغير وجه نظر المجتمع ! مفيش حاجه أسمها معاق .. بس في حاجه أسمها قادر بأختلاف !! في حاجه أسمها مختلف و متعايش مع أختلافي تماماً ... هنرجع تاني بقصص النجاح لمستخدمي الكراسي المتحركه .. القادرون بأختلاف .. من مؤسسه الحسن .. لأن القادرون بأختلاف مكملين و أحنا مكملين معاهم .. هنغير الواقع و هنظبط طريقه تفكيرنا و هنتعايش !!! Facebook Page:  https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf Website:  http://www.alhassan-foundation.org/

قادر بأختلاف التمنتاشر - قادرون بأختلاق .. مكملين ! . محمد رأفت محمد .. عنده 23 سنه .. بكالوريوس تسويق و أداره دوليه أنجليزي و طالب في ماجستر أداره الأعمال تخصص محاسبه و أستثمار ...  عمل حادثه في 2006 ..  كان عنده 14 سنه و كان قاعد على كبوت العربيه و بيهزر هو و أصحابه .. ف صاحبه فاجأه طلع بسرعه ف وقع محمد و حصل له كسر في الفقرتين السادسه و السابعه عنقيه .. و تسببت له في شلل تام في الرجلين و ضعف شديد في الأيدين .. و بعد الحادثه بدأ في العلاج الطبيعي و التأهيل لمده سنه و سبع شهور و بعدها رجع البيت و مستسلمش ... مكنش بيعرف يعتمد على نفسه في الأول .. بس بعد تحسن أيديه شويه بدأ يعتمد على نفسه في كل حاجه .. و دا كان صعب في الأول بس قدر أنه يقدر على كدا و بعمل دا ... وقت الحادثه كان في أولى ثانوي و كان بيلعب كاراتيه و معاه حزام أسود و كسب بطوله أسكندريه .. و بعد الحادثه ذاكر و نجح و دخل الكليه و واقتها ايديه كانت أتحسنت جداً .. بدأ الكليه .. و  في الأول كان الحضور في الكليه صعب جداً برغم أنه لازم عشان الحضور و الأنصراف .. و كان مصرح ليه أنه يعمل عفو عن الحضور و الغياب ...

"عشان ربنا بيحبك" .. كلمه ممكن نقولها كتير لبعض عشان نأكد لبعض أن ربنا بيحبنا ف يا أما ابتلانا ك دليل على الحب او حبب فينا خلقه ك دليل على الحب بردو .. عشان ربنا بيحبك يمكن دي اكتر كلمه بتفرحني شخصيا و بتفرح ناس كتير غيري عشان دي احلى كلمه و دا احسن حب!  عشان ربنا بيحبك بيساعدك انك تكون ظاهر للناس في أحسن صوره-شكل و مضمون على فكره .. عشان ربنا بيحبك بيخلي كل اللي يعرفك يحبك .. عشان ربنا بيحبك هيحبب فيك الأطفال قبل الكبار .. عشان ربنا بيحبك مش هيسيبك زعلان كتير .. عشان ربنا بيحبك هيعملك كل حاجه حلوه .. عشان ربنا بيحبك هيطبطب عليك ف وقت الوجع و يبعت لك اللي يقولك انه جنبك و حاسس بكل اللي فيك .. عشان ربنا بيحبك اهداك هدايا كتير اوي-نعرفها و لسا منعرفهاش- و منغير ما نطلب كمان .. عشان ربنا بيحبك ممكن يكون في أيام فوق و أيام تحت .. عشان ربنا بيحبك هتلاقي أوقات الحياه مقفله بس هتلاقي أيام تانيه حلوه أوي .. عشان ربنا بيحبك هتعيش مبسوط بالحاجات الحلوه و الحاجات النص نص كمان ... ربنا يحبب فيكوا خلقه ^_^ و دي دعوه مهم أدعيلكم بيها و أدعولي بمثلها :)

الكلام دا مش شرط مني أنا ليا .. ممكن جداً يكون منك أنت و ليك أنت بردو أو منك أنتي ليكي أنتي ^_^ دول كلمتين رساله بتقولها لنفسك و تخاليهم حلق في ودنك-مش عارفه أشمعنى حلق و أشمعنى في الودن!!- يلا بينا !!! أول حاجه .. أوعى تعيش حياه حزينه و كئيبه و مهمومه .. أوعى تشيل طاجن ستك فوق راسك !! كلنا عارفين كويس أوي أن الحياه مش أبيض و بردو عارفين أنها مش أسود !! كلنا عارفين أن الدنيا مش دايماً فوق ولا دايماً تحت .. الدنيا يوم فوق و يوم تحت !! طب ليه تعيشها مكشر و شايل الهم .. أفرد وشك و أضحك و أستمتع و أوعى تكشر في وش حد عشان متعكننش على واحد يومه بس أضحك في وش الناس عشان يضحكوا ليك و أنت اللي يومك يتعدل !! و دا كلام "نفيسه بكوغتي" عن الموضوع دا: "أنسى .. أيوه أنسى .. أنسى أي حاجه زعلتك .. أى حاجه صعبه و أي كلمه من حد وجعتك .. أنسى عشان دنيتك أقصر بكتييير من أنك تشيل من حد و أنسى عشان ليك رب عادل .. عشان في الغالب معظم الناس اللي مرتاحه هي اللي بتنسى" تاني حاجه .. أوعى تتخلى في يوم عن حلمك !! عادي تجرب بدل المره 1000 و عادي تفشل مره و 100 .. العيب بجد أنك ...