Shahd's Tea Party

الكشك .. فيلم بتمويل من الإتحاد الأوروبي بيتكلم عن التسرب من التعليم و عمالة الأطفال في مصر. حموده طفل كان بيحب الكتابة و كان شاطر في المدرسة بس ظروفه العائلية كانت السبب أن أمه تخاليه يسيب المدرسة و يشتغل في كشك عند عم علي. و في وسط الشغل بيمسك كشكوله و بيحلم بقصة الأرجوز اللي كان بيكتبها في المدرسة. و في الأخر حموده رجع مدرسته و قصته كسبت المركز الأول في المسابقه. الفيلم مدته ١٠ دقائق و من إخراج جهاد عبد الناصر. فاضي من جوه .. فيلم تابع للمعهد العالي للسينما بيتكلم عن الفراغ اللي بنحس بيه و كأننا فاضين من جوا و بنعمل كل حاجه بس من غير إحساس. دا ممكن كمان نعمل الحاجة و عكسها، نتفرج على البرامج الدينيه و نسمع أغاني بعدها على طول. دا ممكن نسمع أغنية مهرجانات من غير ما بتهز فينا شعره. فيلم مدته ٤ دقائق و من إخراج جهاد عبد الناصر. الجديد في الفيلم دا إن مافيش حوار. ١+١=١ .. فيلم ل محمد منصور بيتكلم عن التشتت اللي جوا كل شخص مننا. بيحكي عن الظاهر و الباطن في كل موقف من مواقف الحياه العاديه جداً، يعني ممكن تكون بتدي فلوس للراجل الغلبان في الإشارة عشان عايز تساعده أو عشان عايز

طول عمري بحب الكتب و بحب أنزل أشتري كتب و أقرائها كلها عشان أجيب غيرها تاني جديد. زمان و أنا صغيرة أول ما بدأت اقرأ قصص الأطفال، كنا مسافرين من القاهره للأسكندريه تقريباً و نزلت المكتبة اللي جنب البيت مع بابا عشان أشتري كتب تساليني في الرحلة رايح جاي. بس بابا أتفاجئ أن الكتب دي يا دوب كفيتني في الرحلة و إحنا رايحين بس. و أستمر حبي للكتب دا يزيد و يزيد .. بس في يوم كدا إتشغلت عن القراءه و بطلت فتره و رجعت مؤخراً و قررت اقرأ Eat Pray Love للمرة الثانية على التوالي. و لأن المره الأولى اللي قرأته فيها كنت في ثانوي ف فهمي للكتاب و تفاصيله دلوقتي مختلفة تماماً. بشجعكم تقرأوا الكتب الحلوة أكثر من مرة في أعمار مختلفة عشان كل مرة هتفهموا حاجه مختلفه. و نزلت تاني المكتبة و أشتريت ٣ كتب جداد بعد غياب كثير أوي!!