قواعد النجاح العشرون

*تنويه هذا المقال نتاج خبرة شخصية، و فخفخينا لبعض الكتب و المقالات و بوستات السوشيال ميديا و فيديوهات TEDx  اللي كان لها أثر مهم في حياتي.

أول حاجة عشان نكون متفقين، النجاح دا شئ نسبي جداً. بمعنى ممكن شخصية تشوف النجاح ف أنها تجيب الدرجة النهائية في كل المواد الدراسية و شخصية تانية تشوف النجاح هو أنها تخلص البكالريوس و تدخل على الماجيستر و من بعده الدكتوراه. شخصية تانية تشوف أن النجاح الأهم هو الحياة العملية و الشغل و المشاريع و المناصب و الفلوس. و شخصية ثالثة تشوف النجاح الأوحد هو خلق بيت و عائلة مكونة من أب و أم و أطفال.

مهما أختلفت الأراء، و مهما أختلفت طرق النجاح. هيفضل النجاح حاجة واحدة و ميختلفش أثنين على أهميتها (حتى لو أختلفنا في تعريفه و تحديده).

ندخل بقا على القواعد العشرون للنجاح:

1. أول عدو للنجاح هو أنك تتأقلم.
2. ثاني عدو للنجاح هو "المنافسة السلبية"، عشان مش هتزود لك حاجة.
3. عشان توصل لأكثر من اللي معاك دلوقتي، لازت تقدر اللي في أيدك الأول.
4. القلق من الفشل دا شئ طبيعي، بس لازم تحاربه بأنك تبدأ تأخذ خطاواتك و تطلع برا الcomfort zone.
5. الخوف بيمنعك من أنك تتحدى نفسكك، و تكسر سقف أحلامك.
6. عشان تحقق أهدافك، أكتبها في ورقة و خاليها معاك. و أنت بتكتبها، أكتبها بصيغة الحاضر مش المستقبل.
7. أنت مش ماسك ذلة للحياة، ف مش لازم الحياة تحقق لك اللي أنت عايزه كله.
8. خاليك مؤمن أن عندك كل الفرص للنجاح.
9. كل فتفوتة في حياتك بتأثر على كل فتفوتة في حياتك، متصدقش اللي يقولك "أفصل".
10. محدش ممكن يعمل كل حاجة في الكون، في حاجة أسمها "الثمن" و لازم تدفعه على كل حاجة بتعملها في حياتك.
11. نصيحة: أبني حياتك و أستثمر في نفسك.
12. مفيش checklist للنجاح.
13. عشان تنجح في شغلك، لازم تحس ب أهميته في الحياة.
14. ربنا بيساعد اللي بيسعى مش اللي بيوصل لهدفه!
15. الحياة هتساعدك تأخذ اللي أنت عايزه في حالة أنك بتساعد غيرك تأخذ اللي هي عايزاه، و هتأخذ منك اللي أنت عايزة لو بتأخذ من غيرك اللي هما عايزينه.
16. متستناش عشان تبدأ في تحقيق حلمك أو في مشروعك. خصص وقت كل يوم عشان تشتغل و تحقق اللي أنت عايزه.
17. لما تفشل لازم تحتفل ب فشلك، لأن فشلك هو اللي هيساعدك تنجح.
18. عشان تعرف تنجح، خطط بالشقلوب. حط هدفك و أمشي بالعكس لحد ما توصل للنقطة اللي أنت فيها دلوقتي.
19. أشتغل في الحاجة اللي بتحبها و أنت فعلاً مش هتحس أنك بتشتغل.
20. في قانون كدا أسمه "قانون رقم ٨"، و دا بيقسم اليوم ل ٨ ساعات نوم و ٨ ساعات شغل و ٨ ساعات حياة.

عايزة أقولكم كمان أن القوانين دي مش كلام تنمية بشرية ملوش لازمة، بس لو بجد أمنت بالكلام دا و مشيت بيه في حياتك هتلاقي فرق. و أنا لقيت الفرق دا فعلاً لما مشيت بالكلام دا و غيره، فرقت من أيام المدرسة ل أيام الجامعة ل أيام الشغل و لسه.