اللي عايز ينجح هينجح .. رقم 10

هبه هندي هي مهندسه مدنيه و عندها شغف ب صناعة الأكسسوار. و الشغف بتاعها بدأ لما كانت بتصنع الأكسسوار بتاعها و بعدين أصحابها بدأ يطلبوا منها. و وقف الموضوع دا بسبب ضغط الشغل الزايد بس رجع تاني من 3 سنين. و من سنة تقريباً حضرت مؤتمر ل تيدكس و واحدة من الكلمات كانت عن الماضي و عن التراث. الكلمة دي كانت كافية جداً أنها تحمس هبه ترجع للأكسسوار بس المره دي بتدمج التراث بالأكسسوار، و النتيجة كانت "رايش"، و هو مشروع لبيع الأكسسوار أونلاين و ممكن تصنع التصميم اللي في دماغك كمان. 

هبه بدأت "رايش" بأنها تدرس التاريخ و قطع الأكسسوار في التاريخ و الحضارات المختلفة، رحلة الدراسه دي أخذت منها 6 شهور. و بعدين بدأت ترسم و تصمم القطع دي، و في خلال رحلة طويله عشان تطلع بأدق النتائج بدأت تدمج مع شغلها القطع بالليزر و حفر الليزر على الخشب و البلاستيك و النحاس و الفضة بتصاميم عصرية و تزويدهم بالأحجار الكريمة. في رحلة الرسم نفعها جداً دراستعا للهندسة، لأنها بدأت تستخدم البرامج الهندسية في رسم قطع الأكسسوار المختلفة قبل تنفيذها و بدقه أكثر من رسمها بالورقة و القلم.

هبه عرفت تعمل حاجة مهمه جداً و هي أنها تشتغل ك مهنسة و تعمل اللي بتحبه و تصنع الأكسسوار و تبيعه. قررت تأخذ من الدنيا ال24 قيراط!

التوصيل لحد البيت و ممكن تتفرجوا على الشغل و تعرفوا الأسعار و تطلبوا اللي أنت عايزينه عن طريق الhttps://www.facebook.com/RaieshDesigns/. التوصيل في حدود القاهرة و الجيزة ب25 جنية بس.