TEDxGUC رايح جاي
رايح جاي؛ دا عنوان مؤتمر السنة دي من TEDxGUC. و هو مؤتمر هدفه الأول نشر الأفكار التي تستحق الأنتشار؛ و الأفكار دا ممكن جداً تكون أي حاجه بس من أهم العناصر أن الكلام دا يكون علمي. مؤتمر السنة دي كان في "أكاديمية الشرطة"؛ و برغم بعض المشاكل في التنظيم و لكن المؤتمر كان ممتع جداً و مختلف. مش بس كدا و لكن أهم حاجة من اليوم هي الأستمتاع و دا حصل بالفعل؛ أنا لو مش طالبة زيي زيهم و المنظمين في منهم كثير صحابي كان لا يمكن أصدق أن "شوية عيال" من 19 ل 22 سنة يعرفوا يعملوا الشغل العالي دا. الشغل العالي بدأ بأختيار مين يتكلم؟ مين يقدم العروض؟ و مين يقدم المؤتمر؟ و مين يحضر؟
أول حاجه المقدم "كريم حلمي"؛ كان مقدم كلمة في TEDxGUC من سنتين و السنه اللي فاتت و السنه دي هو الhost أو المقدم. الأختيار صح جداً عشان الصوت المميز و الذهن الحاضر دايماً؛ بالنسبه لي دي حاجه مهمه أنه يضحكني في النص مثلاً.
ثاني حاجه العروض "نورهان خطاب و زينة كورتي و شهد الحمزاوي و plugins و نوران أبو طالب"؛ كل عرض كان مختلف و ممتع. يعني مثلاً جمباز إيقاعي و بعده غناء شرقي و بعده شعر و قانون و بعده فرقة غناء غربي؛ و دا إرضاء لجميع الأطياف و الأنواع.
ثالث حاجه إختيار اللي هيتكلموا من مجالات مختلفه كثيره جداً؛ مجالات علمية و طبية و روحانية و قانونية و تربوية و فنية و حقوقية و الكثير من خبرات الحياة. و زي ما كل الكلمات متوحدة تحت عنوان "رايح جاي" أو "Back & Forth" بس الكلمات برضو مختلفين جداً؛ و دا اللي هنشوفوا دلوقتي.
"أحمد إيهاب"؛ و كان مهتم جداً يقول أن تكنولوجيا أنهرده هي العيش بتاع بكره. و كان مهتم يؤكد و يشرح يعني أيه "بحث علمي"؟ و أزاي البحث العلمي مهتم بالإعتماد على النفس. و كمان بيأكد أن السياسة و الفن و الإعلام و العلوم هما أكثر حاجات محتاجين حريه في التفكير. المشكله في البحث العلمي في الوطن العربي؛ هي إن "المكنة تطلع قماش" و إن كل حاجة مناسبه لكل الناس. و بيشرح أن "البحث العلمي" مهم جداً فيه: الفلوس و البني آدميين و النشر و الإعتماد و العمل الجماعي. و عشان تعمل أي حاجه في الدنيا لازم يكون في شغف و إصرار و حرية تفكير.
"Sue Allen"؛ الفكرة من الكلمة أن ورا كل ثروة في جريمة. أهم حاجات في تعريف الجريمة: إنتهاك القوانين و ضرر و عقوبة. الwhite collar crimes زي الأختلاس و غسيل الأموال و الرشوه؛ جرائم تخص الموظفيين و من غير أي عنف و من الطبقة العليا و أذكياء. و الجرايم دي نوعين: نوع بيضر الثقه و نوع سرقة شخص للدفع لشخص أخر. و في نظريه بتقول أن الجرائم دي علمياً أثبتت أن المجرمين لازم يكون فيهم 7 خصال معينه (الخوف من الخساره، الأنانيه، الكاريزما؛ السيطره، ...) و كمان شوية جينات. و النظريه الثانيه بتقول؛ المجرم إرادته ضعيفه و أساليبه ملتويه. و في نظرية الأختيار العقلاني؛ السبب الرئيسي في الجريمه مش نفسي ولا في الشخصيه ولا في الضغط و لكن في المقارنه بين المكسب و الخساره. أكبر سبب للفساد دا بسبب القوانين؛ مفيش تفعيل للقوانين، أو القوانين قديمه، أو القوانين مش موجوده، أو القوانين مفيهاش عقوبات. و الحلول هي: تحسين القوانين، تشجيع وجود علماء للجريمه، و وجود مراكز للتحقيق في المعاملات التجاريه، و زياده الوعي العام.
"محمد الزيات"؛ و كان بيتكلم عن المياه و إن لو كل شخص في السنه كان إستهلاكه أقل من 1000 متر مربع يبقى في مشكله مياه. في مصر الإستخدام تقريباً 700 متر مربع لكل شخص في السنه؛ و الحل للمشكله هو إعادة إستخدام مياه الصرف الصحي. في صرف صحي آدمي و في صرف صحي صناعي؛ مشكله الصرف الصحي الصناعي هو المعادن الثقيله المسببه للسرطان. ف عشان ننقي الصرف الصحي الصناعي من المعادن الثقيله لازم ماده تعمل adsorption و دا زي المغناطيس تجمع المعادن على السطح. و أهم ما في التجربه و الكلمه هو أن؛ التفكير المستدام هو تغيير التفكير السلبي بحلول إيجابيه.
"وائل حبيب"؛ فكرته هي أن الطب مش كله أدويه و عمليات و لكن "الطب البديل" أو العلاج من غير أدويه ولا جراحه دا المفروض يكون أول طريقه علاج تفكر فيها. طريقه الشعور بالألم دي ممكن تتغير عن طريق شوية حراكات لفقرات العمود الفقري و الأعصاب. و دا بيحسن الposture بدل العادات الغلط دي كلها من texting و غيره.
"شيماء قدري"؛ هدفها مراكز إستطلاع الرأي. الناس شايفه أن العينه في إستطلاعات الرأي بتكون مش بتمثل الناس كلها؛ عشان العينه صغيره أو بتثل طبقه إجتماعيه محدده. و من الحاجات اللي لازم الناس تتعلمها أن الرأي في إستطلاع الرأي مش لازم يكون رأيي، العينه ممكن تعبر عن كل الناس بس لو تم إختيارها صح، و مش أي سؤال بيتسأل يكون إستطلاع رأي. لازم و أنت بتقرأ أي إستطلاع رأي تعرف: نسبة الرفض، صياغة السؤال، ترتيب الأسئله، و ترتيب الإختيارات.
"محمد رزق الله"؛ و هو عايز يكون وزير التعليم عشان عنده طريقه تدريس مختلفه جداً و هي الSTEM. مشاكل التعليم هما: التقييم المحدود لحاجات معينه، و المدرس أنه يكون تربوي. الSTEM دا بيعتمد على الأسئله، و الإعتماد على الطالب نفسه، و حل المشاكل، و مهارات القرن ال21 (digital و presentation)، و التكامل.
"دينا ذو الفقار"؛ و هي بتقول أن الحياة مثلثين: أول واحد الإنسان و الحيوان و النبات، أما المثلث الثاني عباره عن المياه و الهوا و الأرض. الحياه البريه هي اللي بتنظم حياتنا؛ و عشان كدا الكلمه دي عن الحياه البريه. زي مثلاً أسماك القرش هي اللي بتحافظ على نظافة المحيطات و البحار، سلاحف البحر و القناديل بيحافظوا على الشواطئ. الحيوانات الأليفه هي الحيوانات اللي بتعيش معانا من زماان جداً زي الكلاب و القطط؛ أما أي حيوان تاني ف دا من الحيوانات البريه و مكانها البريه مش البيت. و أي إختلال في نظام الحياه البريه بيسبب الإحتباس الحراري و مشاكل بيئيه تانيه. مهمتنا أننا نمنع تجارة الحيوانات البريه، و نقاطع السيرك و عروض الدولفين، و نبلغ عن أي حالات عنف ضد الحيوانات البريه على 19808.
"محمد إسماعيل"؛ مهتم بإدخال التكنولوجيا على المتاحف و الأماكن التاريخيه عشان نعرض التاريخ بشكل مختلف. دلوقتي في شاشات لعرض التاريخ مصور أو applications على الsmart phones عشان تتعرف على التماثيل في المتاحف من غير أي تغييرات أو ترميم حصل عليها. و وضح أن الماضي بيعيش لحد الحاضر و أننا لسا بنستخدم كلام فرعوني لحد دلوقتي؛ تاتا يعني أمشي، بوع بوع يعني شئ مخيف، كركر يعني ضحك، بس يعني قطه. و أكد أن العالم كله مهتم بالتراث المصري مع أن أحنا -المصريين- أهتممنا أقل بكثير.
"Madhu Gajjala"؛ مهتمه بالmeditation أو الإتزان الروحي. و بترجع السبب لعدم الشعور بالسعاده لأننا بينقصنا السلام الداخلي؛ السلام الداخلي هو المسؤول عن الهدوء و الإيجابيه. و لو مش بتقدر تركز في أي حاجه دي مشكله؛ و العلاج دايماً الmeditation. كل يوم أحنا بنفكر في 6000-7000 فكره؛ و كل ما زاد العدد كل ما قل الطاقة. أزاي ممكن تعمل meditation؟ عن طريق أنك تركز 100% في أي حاجه بتعملها. أسهل طريقه للmeditation هي الAnapanasati و هي معتمده على النفس و هو داخل و خارج و ما بينهما؛ بس أهم حاجه تقعدي قافله مصادر إهدار الطاقه من العيون و الأيدين و الرجل.
كثير بنسمع أو نقرأ كلمه هنديه "Namaste" و هي معناها أن روحي بتحيي روحك.
"علي أبو ناصر"؛ هو و صديقه "عبدالله عطويه" قرروا يعملوا فريق كورة قد للمكفوفين. و هو فريق مكون من 5 لاعبين مكفوفين و حارس مرمى مبصر و اللعبه معتمده على كورة بصوت و على اللاعبين و هما بيلعبوا بيعملوا أصوات. فكروا و قرروا يعملوا حاجه جامده جداً و مختلفه جداً؛ أيه اللي يمنع الكفيف من أنه يلعب كوره قدم اللي هي حلم كل شاب أصلاً. المكفوف قادر على كل شئ بس بإختلاف حتى لعب الكورة.
"أحمد القاضي"؛ بيتكلم عن المناقشه و أنها طبيعه بشريه و أن الشكوك بتقل بلغه الحوار. مشكلتنا أننا بس بنحب الحاجات اللي بتثبت أننا صح؛ و بنكره الحاجات اللي بتثبت أننا غلط. أحنا مش مهتمين ولا فاهمين كل الجهات؛ المناقشه معتمده على إختلاف الرأي. و لازم في كل نقاش يكون في أفكار منظمه، و معرفه واسعه، و ثقه بالنفس عشان التعبير عن النفس و الكلام قدام الناس.
"وحيد مرسي"؛ بيحب يعمل كل حاجه بنفسه و بإيده. صنع ميكروسكوب و هو عنده 16 سنه؛ شافه في المعمل عجبه جداً و مكنش عنده فلوس عشان يشتريه و مفكرش يحوش. بس علم نفسه بنفسه عشان يصنعوا؛ و أستمر في صناعه التيليسكوبات و بدأ يصنعهم بشكل إحترافي و حسب المقاييس العالميه. أنه بيصنع الحاجات ب أيده دا علمه: المرونه، التفكير الإقتصادي، الإحساس بالفخر و السعاده، حافز للتطوير، يتعلم حرف جديده، و يوصل المعرفه للناس. فكرته أنه ممكن نشتغل و ممكن نكتشف طاقتنا.
"ياسر علواني"؛ كان بيتكلم عن الصورة الفتوغرافيه شباك ولا مرايا؟! الصوره الفتوغرافيه هي معلومه عن الواقع أو وجهه نظر؛ قبل الصوره و بعد الصوره و باقي الصوره دول حاجات مهمه جداً. الصوره الصحافيه هي مرايا؛ فيها تدخل لناس كثير غير الصحفي نفسه و المكتوب عليها له تأثير كبير. الصوره الصحفيه ممكن تكون شباك بس لو الصحفي حر و هو بس المتحكم. الصوره كمان ممكن تكون مصنوعه من كذا صوره و مش شباك ولا مرايا و لكن من الذاكره و الفكر للمصور؛ الصحفي هو المخرج. الصوره الفوتوغرافيا هي أنك تعمل حاجه من ولا حاجه و بتشكل رؤى الناس.
"محمد ماهر"؛ هو مش ساحر و مش بيعمل خدع بصريه بس بيعمل خدع بالعقل!! يعني بيلعب بالعقل الواعي و العقل اللاواعي. بيأثر علينا بالbody language أو باللغه الجسد؛ حاجات العقل الواعي مش هيعرفها بس العقل اللاواعي بيخزنها كويس. أحنا كل 3 ثواني بنأخذ قرار بس هما كام قرار في اليوم اللي بنعتبرهم قرارات مهمه جداً؟! و بيقول أن ركزوا أن الخدع دي مش بس عشان تستمتعوا و تستغربوا أنه أزاي خاليك تختار حاجه معينه؟؟ و لكن الmarketing كمان ممكن يأثر فيكوا عشان تشتروا حاجه معينه أو تعلموا حاجه بعينها.
من الأخر الرايح جاي دي فكره مهمه و كانت الحاجه اللي مجمعه الناس دي في المؤتمر السنه دي؛ خد خطوه كبيره للوراء عشان تطلع أوي لقدام. الحياه كلها رايح جاي زي ماتش الكوره ذهاب و عوده.
"محمد الزيات"؛ و كان بيتكلم عن المياه و إن لو كل شخص في السنه كان إستهلاكه أقل من 1000 متر مربع يبقى في مشكله مياه. في مصر الإستخدام تقريباً 700 متر مربع لكل شخص في السنه؛ و الحل للمشكله هو إعادة إستخدام مياه الصرف الصحي. في صرف صحي آدمي و في صرف صحي صناعي؛ مشكله الصرف الصحي الصناعي هو المعادن الثقيله المسببه للسرطان. ف عشان ننقي الصرف الصحي الصناعي من المعادن الثقيله لازم ماده تعمل adsorption و دا زي المغناطيس تجمع المعادن على السطح. و أهم ما في التجربه و الكلمه هو أن؛ التفكير المستدام هو تغيير التفكير السلبي بحلول إيجابيه.
"وائل حبيب"؛ فكرته هي أن الطب مش كله أدويه و عمليات و لكن "الطب البديل" أو العلاج من غير أدويه ولا جراحه دا المفروض يكون أول طريقه علاج تفكر فيها. طريقه الشعور بالألم دي ممكن تتغير عن طريق شوية حراكات لفقرات العمود الفقري و الأعصاب. و دا بيحسن الposture بدل العادات الغلط دي كلها من texting و غيره.
"شيماء قدري"؛ هدفها مراكز إستطلاع الرأي. الناس شايفه أن العينه في إستطلاعات الرأي بتكون مش بتمثل الناس كلها؛ عشان العينه صغيره أو بتثل طبقه إجتماعيه محدده. و من الحاجات اللي لازم الناس تتعلمها أن الرأي في إستطلاع الرأي مش لازم يكون رأيي، العينه ممكن تعبر عن كل الناس بس لو تم إختيارها صح، و مش أي سؤال بيتسأل يكون إستطلاع رأي. لازم و أنت بتقرأ أي إستطلاع رأي تعرف: نسبة الرفض، صياغة السؤال، ترتيب الأسئله، و ترتيب الإختيارات.
"محمد رزق الله"؛ و هو عايز يكون وزير التعليم عشان عنده طريقه تدريس مختلفه جداً و هي الSTEM. مشاكل التعليم هما: التقييم المحدود لحاجات معينه، و المدرس أنه يكون تربوي. الSTEM دا بيعتمد على الأسئله، و الإعتماد على الطالب نفسه، و حل المشاكل، و مهارات القرن ال21 (digital و presentation)، و التكامل.
"دينا ذو الفقار"؛ و هي بتقول أن الحياة مثلثين: أول واحد الإنسان و الحيوان و النبات، أما المثلث الثاني عباره عن المياه و الهوا و الأرض. الحياه البريه هي اللي بتنظم حياتنا؛ و عشان كدا الكلمه دي عن الحياه البريه. زي مثلاً أسماك القرش هي اللي بتحافظ على نظافة المحيطات و البحار، سلاحف البحر و القناديل بيحافظوا على الشواطئ. الحيوانات الأليفه هي الحيوانات اللي بتعيش معانا من زماان جداً زي الكلاب و القطط؛ أما أي حيوان تاني ف دا من الحيوانات البريه و مكانها البريه مش البيت. و أي إختلال في نظام الحياه البريه بيسبب الإحتباس الحراري و مشاكل بيئيه تانيه. مهمتنا أننا نمنع تجارة الحيوانات البريه، و نقاطع السيرك و عروض الدولفين، و نبلغ عن أي حالات عنف ضد الحيوانات البريه على 19808.
"محمد إسماعيل"؛ مهتم بإدخال التكنولوجيا على المتاحف و الأماكن التاريخيه عشان نعرض التاريخ بشكل مختلف. دلوقتي في شاشات لعرض التاريخ مصور أو applications على الsmart phones عشان تتعرف على التماثيل في المتاحف من غير أي تغييرات أو ترميم حصل عليها. و وضح أن الماضي بيعيش لحد الحاضر و أننا لسا بنستخدم كلام فرعوني لحد دلوقتي؛ تاتا يعني أمشي، بوع بوع يعني شئ مخيف، كركر يعني ضحك، بس يعني قطه. و أكد أن العالم كله مهتم بالتراث المصري مع أن أحنا -المصريين- أهتممنا أقل بكثير.
"Madhu Gajjala"؛ مهتمه بالmeditation أو الإتزان الروحي. و بترجع السبب لعدم الشعور بالسعاده لأننا بينقصنا السلام الداخلي؛ السلام الداخلي هو المسؤول عن الهدوء و الإيجابيه. و لو مش بتقدر تركز في أي حاجه دي مشكله؛ و العلاج دايماً الmeditation. كل يوم أحنا بنفكر في 6000-7000 فكره؛ و كل ما زاد العدد كل ما قل الطاقة. أزاي ممكن تعمل meditation؟ عن طريق أنك تركز 100% في أي حاجه بتعملها. أسهل طريقه للmeditation هي الAnapanasati و هي معتمده على النفس و هو داخل و خارج و ما بينهما؛ بس أهم حاجه تقعدي قافله مصادر إهدار الطاقه من العيون و الأيدين و الرجل.
كثير بنسمع أو نقرأ كلمه هنديه "Namaste" و هي معناها أن روحي بتحيي روحك.
"علي أبو ناصر"؛ هو و صديقه "عبدالله عطويه" قرروا يعملوا فريق كورة قد للمكفوفين. و هو فريق مكون من 5 لاعبين مكفوفين و حارس مرمى مبصر و اللعبه معتمده على كورة بصوت و على اللاعبين و هما بيلعبوا بيعملوا أصوات. فكروا و قرروا يعملوا حاجه جامده جداً و مختلفه جداً؛ أيه اللي يمنع الكفيف من أنه يلعب كوره قدم اللي هي حلم كل شاب أصلاً. المكفوف قادر على كل شئ بس بإختلاف حتى لعب الكورة.
"أحمد القاضي"؛ بيتكلم عن المناقشه و أنها طبيعه بشريه و أن الشكوك بتقل بلغه الحوار. مشكلتنا أننا بس بنحب الحاجات اللي بتثبت أننا صح؛ و بنكره الحاجات اللي بتثبت أننا غلط. أحنا مش مهتمين ولا فاهمين كل الجهات؛ المناقشه معتمده على إختلاف الرأي. و لازم في كل نقاش يكون في أفكار منظمه، و معرفه واسعه، و ثقه بالنفس عشان التعبير عن النفس و الكلام قدام الناس.
"وحيد مرسي"؛ بيحب يعمل كل حاجه بنفسه و بإيده. صنع ميكروسكوب و هو عنده 16 سنه؛ شافه في المعمل عجبه جداً و مكنش عنده فلوس عشان يشتريه و مفكرش يحوش. بس علم نفسه بنفسه عشان يصنعوا؛ و أستمر في صناعه التيليسكوبات و بدأ يصنعهم بشكل إحترافي و حسب المقاييس العالميه. أنه بيصنع الحاجات ب أيده دا علمه: المرونه، التفكير الإقتصادي، الإحساس بالفخر و السعاده، حافز للتطوير، يتعلم حرف جديده، و يوصل المعرفه للناس. فكرته أنه ممكن نشتغل و ممكن نكتشف طاقتنا.
"ياسر علواني"؛ كان بيتكلم عن الصورة الفتوغرافيه شباك ولا مرايا؟! الصوره الفتوغرافيه هي معلومه عن الواقع أو وجهه نظر؛ قبل الصوره و بعد الصوره و باقي الصوره دول حاجات مهمه جداً. الصوره الصحافيه هي مرايا؛ فيها تدخل لناس كثير غير الصحفي نفسه و المكتوب عليها له تأثير كبير. الصوره الصحفيه ممكن تكون شباك بس لو الصحفي حر و هو بس المتحكم. الصوره كمان ممكن تكون مصنوعه من كذا صوره و مش شباك ولا مرايا و لكن من الذاكره و الفكر للمصور؛ الصحفي هو المخرج. الصوره الفوتوغرافيا هي أنك تعمل حاجه من ولا حاجه و بتشكل رؤى الناس.
"محمد ماهر"؛ هو مش ساحر و مش بيعمل خدع بصريه بس بيعمل خدع بالعقل!! يعني بيلعب بالعقل الواعي و العقل اللاواعي. بيأثر علينا بالbody language أو باللغه الجسد؛ حاجات العقل الواعي مش هيعرفها بس العقل اللاواعي بيخزنها كويس. أحنا كل 3 ثواني بنأخذ قرار بس هما كام قرار في اليوم اللي بنعتبرهم قرارات مهمه جداً؟! و بيقول أن ركزوا أن الخدع دي مش بس عشان تستمتعوا و تستغربوا أنه أزاي خاليك تختار حاجه معينه؟؟ و لكن الmarketing كمان ممكن يأثر فيكوا عشان تشتروا حاجه معينه أو تعلموا حاجه بعينها.
من الأخر الرايح جاي دي فكره مهمه و كانت الحاجه اللي مجمعه الناس دي في المؤتمر السنه دي؛ خد خطوه كبيره للوراء عشان تطلع أوي لقدام. الحياه كلها رايح جاي زي ماتش الكوره ذهاب و عوده.
Comments
Post a Comment