Social Media Summit 2015 .. Tip (4)
لو حاسس أن في حد شايفك دلوقتي؛ ف أنت أحساسك صح! و لو حاسس أن في حد متابعك من غير ما أنت تعرف؛ ف أنت برضو أحساسك صح! لو حاسس أن في صور و فيديوهات و كلام عنك منشور و أنت متعرفش عنه حاجه؛ ف أنت أكيد أحساسك صح! (أسوء ما في السوشيال ميديا هو اللي هنتكلم عنده أنهرده)
وجود التكنولوجيا أكيد بيطرح تساؤولات كتيره عن الأمان و الخصوصيه في أستخدامها؛ مين بيشوف أيه عني؟ يمكن يكون أهم سؤال من الأسئله دي. في مواقع تواصل أجتماعي زي الفيسبوك بيطلب منك أسمك الحقيقي و شويه معلومات عن تاريخ ميلادك و نمره تليفونك و عنوانك و لو كنت بنت أو ولد و أيه أهتماماتك عشان يكون عندك حساب مكتمل عليه؛ و دا نوع من الأمان و الخصوصيه شويه بما أنك عارف اللي بيتكلم معاك من أسم و صوره و هكذا. أما بعض المواقع الأخرى معتمده على الظهور بشكل مش معروف (anonymous) و النتيجه هي تساؤولات حول لو كان الشخص دا فعلاً حقيقي ولا ولد عامل بنت أو غيره من الغش. و مع ذلك في بعض المخاوف حول الفيسبوك و غيره و مشاكل الخصوصيه في مشاركه الأخبار و نشر المعلومات الشخصيه!!
من أكبر المشاكل دي هي "سرقه التعريف الشخصي"؛ أو أن شخص ينتحل شخصيه أخرى. و دا من سرقه معلومات أو سرقه صور أو سرقه الحساب كاملاً؛ و دا اللي بنشوفه دايماً مع أصحابنا و معارفنا و يمكن حصل معانا كمان. من ضمن المشاكل برضو اللي ظهرت و هي المتابعه (في ناس كتير جداً بتعملها من باب التسليه)؛ بس مش مش كدا و المتابعه ببساطه هي معرفه كل الأخبار عن شخص من خلال google أسمه و بيطلع كل حساباته و ناشطه على السوشيال ميديا و تقدر تتابع دا بسهوله و من غير ما يعرف. و ممكن جداً برضو أن أي حد ينشر أي حاجه عنك و أنت تعرف بس بالصدفه؛ صوره مش متوقعه أو فيديو محرج من الطفوله مثلاً.
كمان من ضمن المشاكل دي أن الشركات في التعيين بتستخدم السوشيال ميديا عشان يعرفوا يقبلوا ولا يرفضوا الشخص المتقدم للتعيين؛ ببساطه بيعملوا تحريات بس أونلاين و ببلاش من المعلومات المنشوره و الكلام المكتوب و الصور و كل الحاجات دي. و يا يكون ضدك يا يكون في صالحك؛ أنت و حظك!!
وجود التكنولوجيا أكيد بيطرح تساؤولات كتيره عن الأمان و الخصوصيه في أستخدامها؛ مين بيشوف أيه عني؟ يمكن يكون أهم سؤال من الأسئله دي. في مواقع تواصل أجتماعي زي الفيسبوك بيطلب منك أسمك الحقيقي و شويه معلومات عن تاريخ ميلادك و نمره تليفونك و عنوانك و لو كنت بنت أو ولد و أيه أهتماماتك عشان يكون عندك حساب مكتمل عليه؛ و دا نوع من الأمان و الخصوصيه شويه بما أنك عارف اللي بيتكلم معاك من أسم و صوره و هكذا. أما بعض المواقع الأخرى معتمده على الظهور بشكل مش معروف (anonymous) و النتيجه هي تساؤولات حول لو كان الشخص دا فعلاً حقيقي ولا ولد عامل بنت أو غيره من الغش. و مع ذلك في بعض المخاوف حول الفيسبوك و غيره و مشاكل الخصوصيه في مشاركه الأخبار و نشر المعلومات الشخصيه!!
من أكبر المشاكل دي هي "سرقه التعريف الشخصي"؛ أو أن شخص ينتحل شخصيه أخرى. و دا من سرقه معلومات أو سرقه صور أو سرقه الحساب كاملاً؛ و دا اللي بنشوفه دايماً مع أصحابنا و معارفنا و يمكن حصل معانا كمان. من ضمن المشاكل برضو اللي ظهرت و هي المتابعه (في ناس كتير جداً بتعملها من باب التسليه)؛ بس مش مش كدا و المتابعه ببساطه هي معرفه كل الأخبار عن شخص من خلال google أسمه و بيطلع كل حساباته و ناشطه على السوشيال ميديا و تقدر تتابع دا بسهوله و من غير ما يعرف. و ممكن جداً برضو أن أي حد ينشر أي حاجه عنك و أنت تعرف بس بالصدفه؛ صوره مش متوقعه أو فيديو محرج من الطفوله مثلاً.
كمان من ضمن المشاكل دي أن الشركات في التعيين بتستخدم السوشيال ميديا عشان يعرفوا يقبلوا ولا يرفضوا الشخص المتقدم للتعيين؛ ببساطه بيعملوا تحريات بس أونلاين و ببلاش من المعلومات المنشوره و الكلام المكتوب و الصور و كل الحاجات دي. و يا يكون ضدك يا يكون في صالحك؛ أنت و حظك!!
**المعلومات دي أتعلمتها شويه من الأيفنت و شويه من قرأتي الخاصه على مواقع مختلفه أو كتب و شويه كمان من تجربتي الخاصه.
**لو الموضوع عجبك أو شايف منه إفاده؛ أعملوا share؛ يمكن ناس تانيه تتعلم حاجه و تنفعهم في حياتهم.
Comments
Post a Comment