نوستاليجيا رمضان
رمضان زمان كان بيساوي حاجات كتيره أوي بنشتاق لها دلوقتي؛ رمضان زمان يعني نيللي و شريهان و فؤاد المهندس و بوجي و طمطم و بكار و رشيده و المسحراتي. رمضان زمان يعني الفوازير و المسلسلات الرايقه و لمه العيله و لمه الجيران و الفوانيس و الزينه المنوره في كل مكان. رمضان زمان يعني حاجات كتيره أوي أختفت في رمضان دلوقتي و مش عارفين ايه السبب الرئيسي ل دا؟! اللي فاضل لنا من رمضان زمان هو بس النوستاليجيا و الحنين للماضي و اللي كان.
النوستاليجيا تحولت لتجاره؛ يعني كل المنتجات تقريبا في أعلاناتها بتعتمد على النوستاليجيا بطريقه أو بأخرى عشان الناس تفتكر و تتبسط و تتعلق نفسيا بالمنتج دا و النتيجه بتكون ساعده المشتري و مكسب البايع. بس هنا أنا هتكلم عن أنجح الحملات الأعلانيه دي من وجهه نظري الشخصيه جدا. الشركه صاحبه الحمله الأعلانيه الناجحه هي "بيبسي" بالنسبه ليا.
النوستاليجيا تحولت لتجاره؛ يعني كل المنتجات تقريبا في أعلاناتها بتعتمد على النوستاليجيا بطريقه أو بأخرى عشان الناس تفتكر و تتبسط و تتعلق نفسيا بالمنتج دا و النتيجه بتكون ساعده المشتري و مكسب البايع. بس هنا أنا هتكلم عن أنجح الحملات الأعلانيه دي من وجهه نظري الشخصيه جدا. الشركه صاحبه الحمله الأعلانيه الناجحه هي "بيبسي" بالنسبه ليا.
لما من أول رمضان أقعد أقول أعلان بيبسي منزلش! و يوم ما ينزل أفرح جدا و الاقي الناس كلها بتكلم ان اعلان بيبسي نزل أنهرده و عاملين كذا كذا و كل واحد بيقول أحلى لقطه بالنسبه له. من 2013 ل2015 و الحمله الأعلانيه ل بيبسي معتمده أعتماد تام على فكره نوستاليجيا رمضان بكل تفصيله صغيره؛ الفكره متعاده و مهروسه في 100 أعلان و من أربع سنين و بيبسي بتعمل نفس الفكره و لكن بنفضل حبينها عن غيرها و مستنينها من السنه للسنه و نشوف أيه الجديد. بيبسي نجحت في الفكره و تناولها كل مره بشكل أو تقديم مبهر و مبهج عن السنه اللي قبلها. بجد شابو ل بيبسي و الفرحه اللي بتعملها بيبسي في قلوبنا كلنا و قلبي أنا شخصيا؛ أبهرونا السنه اللي جايه كمان ^_^
2013: "يلا نكمل لمتنا"؛ طارق قاعد على سفره الفطار مع قرايبه و بعدين الموبايل رن و عرف أن صحابه مستنينه في النادي. أعتذر لأهله و نزل عشان صحابه؛ لما نزل شاف "بوجي و طمطم" بيقولوا أسمه و بيفتحوا باب و مستنينه. لما بيدخل الباب بيلاقي "فؤاد المهندس" و "فطوطه" و "نيللي" بيشجعوه أنه يكمل اللمه و يرجع لأهله بطبق الكنافه؛ و فعلاً طارق بيفكس لصحابه و بيرجع للمه العيله.
**المفاجأه كانت "فؤاد المهندس" و قام ب دوره أبنه و رجعوا للحياه تاني.
2014: "يلا نكمل لمتنا"؛ عزت أبو عوف مع أخواته و بيرجعوا لمتهم في فرقتهم ال"4Ms" و حميد الشاعري مع هشام عباس في "حلال عليك" و سمير غانم مع شيرين و جورج سيدهم في "المتزوجون" و نجوى أبراهيم مع بقلظ في "ماما نجوى" و منتخب مصر القديم و لمه بوجي و طمطم و عم شكشك في "بوجي و طمطم".
**المفاجأه كانت أن الناس كلها طلعت ألبوم الصور القديم و أتصوروا نفس الصور من تاني بعد السنين.
2015: "خيوط من نور تجمعنا"؛ و مزج بين فنانين دلوقتي و فنانين زمان بطريقه أحترافيه جداً لدرجه أني حسيت أنهم بيمثلوا الأعلان عادي جداً و ب طبيعيه كمان. "سمير غانم" و "بوجي و طمطم" و "فؤاد المهندس" و "فؤاد المهندس" و "عبد المنعم مدبولي" و "فطوطه" و "ثلاثي أضواء المسرح" و "أحمد مظهر" و "صباح" و "أحمد زكي"؛ و من الجيل الجديد "محمد هنيدي" و "هيثم أحمد زكي" و "فهمي و شيكو و ماجد". و المميز "حسين الجسمي" مفيش حاجه لمصر بيفوتها لأنه فعلاً بيحب مصر!! و صوته أضاف حاجه مختلفه للأعلان.
**المفاجأه كانت نظره "أحدم زكي" ل"هيثم أحمد زكي" و كأنهم أتقبلوا صدفه من جديد فعلاً.
كل سنه بيبسي بتنجح جداً أنها تحيي جوانا النوستاليجيا و الذكريات الحلوه جداً؛ ذكريات من اللي كان الحاجات اللي كان بسببها بيكون في طعم مميز جداً ل رمضان. بيبسي بتشجع لمه العيله و أهميه اللمه دي عشان نرجع زي الأيام الحلوه بتاعه زمان. كل سنه و أنتم طيبين و كل سنه و أحنا مستنين بيبسي و أنبهارها ^_^
Comments
Post a Comment