كف الميزان .. (1) روح العباده
العباده أو التعبد هي الصله بينا و بين ربنا؛ علاقتي ب ربي في الصلاه و الصوم و الزكاه و الحج و الشهاده (أشهد أن لا الله إلا الله و أن محمد رسول الله)؛ ترقيه للروح و حب لربنا اللي مش شايفينه بس بنسمع كلامه و بنقرب له ف يقرب لنا. الصلاه مش شويه حركات و كلام بيتقال و خلاص؛ بعد التكرار لشويه وقت و التعلق بالعباده دي هتتحول ل علاقه روحيه بينك و بين ربنا. الصوم مش مجرد مش هأكل و مش هشرب و خلاص؛ و لكن بطريق غير مباشر بتقول "أنا هتخلى عن الدنيا و ههتم بالدين؛ هتخلى عن شهواتي عشانك يا ربنا". الزكاه مش بس فلوس و لا وقت ولا مجهود؛ ولكن الزكاه طريقه بقول فيها أن لو ربنا أعطاني 100% لازم أعطي لغيري و لو 10% عشان يرجعلي ضعف اللي أعطته و كأنك بتقول لربنا "شكراً يا رب على كل نعمك و أنا ببعض نعمك دي هساعد غيري بسببك". الحج مش مجرد لف حوالين الكعبه و صلاه و بس؛ و لكن زياره لبيت الله زي ما بتزور أقاربك و أصحابك كدا فيها بتقول "أنا جيت لك يا رب". الشهاده مش كلام بنقوله لأننا مسلمين و بس؛ و لكن لأننا ببساطه بنفكر نفسنا أن ربنا واحد و مفيش غيره و أن محمد رسوله اللي بيعرفنا بيه واحده واحده.
و غير الخمس أعمده للأسلام؛ في القرآن و الدعاء و صله الرحم كمان. و القرآن هو كتاب الله للإسلام و مليان معجزات و قصص؛ قراءه الورد اليومي أو القرآن مش زي قرءه أي كتاب تاني؛ فيها أنت بتقول "يا رب فتحت كتابك و قرأت فيه عشان أتعرف عليك أكتر". الدعاء و هو الحوار الدائم بينك و بين ربنا؛ و كأنك بتقول "هحكيلك يا رب كل شئ و هطلب منك كل شئ يا رب و أنا كلي ثقه أنك أقرب لي من حبل الوريد". صله الرحم و في جزئين فرض و سنه؛ و في أختلاف في تقسيم الفرض و السنه: الفرض هو الأب و الأم و السنه هو باقي الأقارب؛ الفرض المحارم و السنه باقيه الأقارب؛ الفرض كل الأقارب.
و دول مش كل العبادات و لكن دول العبادات الأكثر شعبيه؛ العبادات اليوميه اللي محتاجين نعرف معناها و دا المعنى بالنسبه ليا و بنصح بمتابعه برنامج "على طريق الله-روح العباده" ل"مصطفى حسني" عشان تعرفوا أكتر عن العبادات دي و أكتر منها كمان.
خلاصه المقال: أهم شئ في العباده هي روح العباده (مشاعرك أتجاه ربنا في العباده دي)؛ روح العباده هي اللي هتساعدك تكون فاهم أيه اللي بتعمله و بتعمله ليه و أشمعنى الطريقه دي و المفروض أحساسك يكون أيه. و النتيجه تفهم و تحب اللي بتعمله و مش بس بتنفذ أوامر!
**المقال دا لو عجبك؛ ف هو تلخيص لبرنامج "على طريق الله-روح العباده" ل مصطفى حسني. تقدر تعرف أكتر عن طريق سماعه على الSoundcloud أو تشوفه على الYoutube؛ و تعرف التفاصيل عن العبادات دي و عبادات غيرهم كمان.
**أنا مش دارسه أي شئ له علاقه بالأسلام؛ و لكني واحده مسلمه حاولت أفهم ديني أكتر و أنشر تجربتي معاكم خطوه ب خطوه. كلامي مش شرط يكون 100% صح؛ و لكن 100% مقتنعه بيه. أتمنى يكون مفيد لكم زي ما هو مفيد ليا.
**أستنوني كل أسبوع في رمضان :)
و دول مش كل العبادات و لكن دول العبادات الأكثر شعبيه؛ العبادات اليوميه اللي محتاجين نعرف معناها و دا المعنى بالنسبه ليا و بنصح بمتابعه برنامج "على طريق الله-روح العباده" ل"مصطفى حسني" عشان تعرفوا أكتر عن العبادات دي و أكتر منها كمان.
خلاصه المقال: أهم شئ في العباده هي روح العباده (مشاعرك أتجاه ربنا في العباده دي)؛ روح العباده هي اللي هتساعدك تكون فاهم أيه اللي بتعمله و بتعمله ليه و أشمعنى الطريقه دي و المفروض أحساسك يكون أيه. و النتيجه تفهم و تحب اللي بتعمله و مش بس بتنفذ أوامر!
**المقال دا لو عجبك؛ ف هو تلخيص لبرنامج "على طريق الله-روح العباده" ل مصطفى حسني. تقدر تعرف أكتر عن طريق سماعه على الSoundcloud أو تشوفه على الYoutube؛ و تعرف التفاصيل عن العبادات دي و عبادات غيرهم كمان.
**أنا مش دارسه أي شئ له علاقه بالأسلام؛ و لكني واحده مسلمه حاولت أفهم ديني أكتر و أنشر تجربتي معاكم خطوه ب خطوه. كلامي مش شرط يكون 100% صح؛ و لكن 100% مقتنعه بيه. أتمنى يكون مفيد لكم زي ما هو مفيد ليا.
**أستنوني كل أسبوع في رمضان :)
Comments
Post a Comment