قادرون بأختلاف .. مكملين
الشخص الأربعين؛ أحمد خميس عنده 28 سنه. قصته تبدأ من يوم 9/3/2011؛ و هو راجع من الشغل مع صاحبه في العربيه و فاجأه ظهرت عربيه بسرعه كبيره كانت هتخبطهم و تم مفادتها. و لكن في المفاده دي أنحرفت العربيه و أنقلبت؛ توفى صديقه و أصيب فيها أحمد بكسر في العمود الفقري و كدمه في النخاع الشوكي و كسر في الضلع الأيمن؛ مما نتج عنه شلل نصفي سفلي.
و بعد فتره مش صغيره قدر يتأقلم على الوضع الجديد؛ و رضي باللي ربنا كتبه عليه. و ميأسش أبداً و بدأ في العلاج و العلاج الطبيعي؛ و توقف عن العلاج بسبب التكلفه الغير قادر عليها. و بدأت تسوء حالته و حدث له كسر في الأوتار و العضلات و تكاسل في المفاصل و ألام في الحوض.
تزوج أحمد بعد فتره و الأن ينتظر بنته الأولى. و دخل تحدي مع نفسه و أستعاد قدرته على التعايش مع حالته و قدر يشوف ربنا في كل حاجه حواليه؛ و أن الأنسان قادر يعيش تحت أي ظروف. أحمد شايف أن كلمه مستحيل قليله أوي قدام مشيئه ربنا. أحمد أختلفت موازين حياته قبل و بعد الحادثه.
Comments
Post a Comment