قادرون بأختلاف .. مكملين
الشخص ال41 .. علاء حامد؛ عنده 32 سنه. سبب الأصابه جرعه تطعيم ضد شلل الأطفال فاسده و هو عنده 5 شهور؛ تسببت في حمى أثرت على النخاع الشوكي؛ و أهله حاولوا معاه بالجراحه و العلاج الطبيعي و لكن ربنا مش رايد و هو راضي. و هدف علاء كان أن أعاقته مش هتضمر حياته.
حلمه اللي نفسه يحققه هو أنه يغير وجهه نظر الناس عن ذوي الأحتياجات الخاصه أو القادرون بأختلاف. و حلمه الشخصي أنه يكون أسره و زوجه و أولاد.
دخل كليه و أخدت كورسات؛ و زمايله كانه بيحسدوا بسبب ال5% و التعيين بعد التخرج. و عكس توقعات أصحابه بعد التخرج قعد سنتين في رحله البحث عن عمل في القاهره و الجيزه و في الحكومه و الشركات الخاصه؛ و الرد دايماً كان "فوت علينا بكره!".
بس مستسلمش و في يوم راح قدم في شركه صغيره سمع عن أنها بتقبل بالقادرون بأختلاف. و أتقبل و أشتغل و أتدرب؛ و دلوقتي هو Team Leader. فكره الشركه هي اللي حمسته أنه يشتغل و يكبر في مكانه؛ خصوصاً أن الشركه فيها ناس كفيفه و أعاقات حركيه و سمعيه مختلفه بجانب الأسوياء.
Facebook Page: https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf
Comments
Post a Comment