قادرون بأختلاف .. مكملين
الشخص التاسع و الثلاثون؛ تسنيم محمد و بتدرس في كليه صيدله جامعه السادس من أكتوبر. عندها 21 سنه و نفسها تشتغل في صيدليه زي أي دكتور صيدلي؛ و لكن أغلب الدكتره بيرفضوا عشان أستخدام تسنيم للكرسي المتحرك.
تسنيم أصلاً مولوده بنقص أكسجين نتيجه الولاده و النتيجه كانت ضعف في الأطراف الأربعه؛ و بتقدر تمشي شويه بالمشايه في البيت و لكن في الخروج معاها كرسي متحرك.
من أكتر الحاجات اللي كانت بتضايقها هي أن حد يحركها من مكان لمكان؛ و الحل كان في شراء كرسي متحرك بالكهرباء. و دخلت جامعه خاصه مع أن مجموعها يقدر يدخلها جامعه حكوميه و لكن فشلت في الكشف الطبي.
تسنيم مش شايفه أن في مشكله لأنها ببساطه عايشه حياتها عادي جداً زي أي حد طبيعي. يعني أيام المدرسه مامتها كانت بتوديها و تجيبها؛ أما دلوقتي في الجامعه أهلها بيساعدوها تركب الأتوبيس و أصحابها بيساعدوها تنزل من الأتوبيس و أعتمدت على نفسها أكتر الحمدلله.
Comments
Post a Comment