هي

هي .. مش بس أمك و أختك و بنتك و جدتك و صاحبتك و حبيبتك و خطيبتك و زوجتك؛ هي كل دول في بعض و يمكن أكتر كمان. هي اللي منها أتولدت، و بيها كبرت، و بسببها تحولت من عيل لراجل او من بنت لأمرآه. هي السبب المباشر لأي حاجه بنتعلمها و بنعملها في حياتنا كلها. هي في حياتي هي جدتي رحمها الله و أمي ربنا يخاليها لي؛ هي في حياتي هما صاحباتي اللي دايماً بيكونوا سبب أبتسمتي و أني أكون أحسن؛ هي في حياتي يعني كل سيده فاضله أتعرفت عليها في حياتي و غيرت حاجه في حياتي. و معنى أتعرفت عليها مش معناه تعارف حقيقي ممكن أفتراضي على الsocial media أو السيده الفاضله دي عملت كتاب رائع أو فيلم رائع أو برنامج مميز. هي في حياتي هما ناس كتير أنا مش عايزه غير أشكرهم على وجودهم في حياتي.

في 1995 كان في مؤتمر عالمي مكون من 189 دوله في بكين؛ كان في وعد أن هي و هو هيكونوا متساويين؛ و بسبب المؤتمر دا الناس طموحاتهم كانت عاليه جداً؛ و في العشرين سنه الأخيره كان في تقدم واضح بس بطئ الى حداً ما. و التقدم كان في توفير فرص التعليم للبنات، و تحسين مستوى الوفيات بسبب الحمل أو الولاده، و تحسين مستوى صحه المرآه الحامل و الأم الجديده، و العنف ضد المرآه أصبح جريمه يعاقب عليها القانون. بس أحنا كلنا عارفين أن الرحله لسا طويله أوي و مخلصتش. لسا المرآه في الدول الغير متقدمه موصلوش لحاجه؛ في أفريقيا 70% من المحاصيل الزراعيه معتمده أعتماد كامل على المرآه و مع ذلك النساء بيمتلكوا 2% من الأرض بس. 

مسئوليه التغيير في أيدينا كلنا؛ رجال و نساء، ولاد و بنات، فقراء و أغنياء، حكام و شعب. دي مسئوليتنا كلنا عشان نوصل للمساواه بين هو و هي.

-بناء على كلام المدير التنفيذي المسئول عن قضايا المرآه في الأمم المتحده-

حقوق المرآه هي حقوق الأنسان؛ و حصل تقدم واضح في مشكله تعليم البنات، و قل عدد البنات اللي بتموت بسبب الولاده في سن صغير، و بدأ يكون في بنات من رواد الأعمال؛ بس لسا في حاجات كتير أوي متعملتش؛ زي: العنف الأسري ضد المرآه، و ختان الأناث، و غيرهم من العنف ضد المرآه. و بما أن لسا في عدم مساواه ف لازم نواجهه سوا؛ و الحل مش بس في القوانين و أنظمه الدوله بس كمان في طريقه تفكيرنا-بالأخص الرجال-. 

-بناء على كلام بان كي مون أمين عام الأمم المتحده-

الأمم المتحده السنه دي بتحتفل ب "Empowering women-Empowering humanity: Picture it"؛ اليوم دا هو اليوم العالمي عشان نشوف وصلنا لأيه و عايزين أيه و نحتفل بالسيدات اللي حوالينا في كل مكان. 

#ن_نسوة

#هو_و_هي

#SheCan

#PaintItPurple