اللي عايز ينجح هينجح 7

عادل صدقي و ليلى صدقي؛ أصحاب فكره غزو الcupcakes لمصر؛ و أصحاب Nola Cupcakes. ف قصه نجاح أنهرده هي Nola Cupcake؛ أول محل cupcakes في مصر و أكتر cupcakes لذيذه ممكن تأكلها في حياتك كلها. لا و أيه مش cupcakes صغيره بس دا في حجم عملاق عشان يناسب مناسبات مختلفه؛ و في منتجات مختلفه شويه عن الcupcakes المختلفه.

ليلى صدقي طول عمرها بتحب الأكل و الطبخ و أنها تجرب حاجات مختلفه كتيره. و من حظها أنها سافرت لبلاد مختلفه و درست في جامعه في مونتريال. و هناك بس فهمت أهميه العزومات للمصريين؛ و ان في العزومات دي دايماً بنأخد معانا حلويات ك نوع من الشكر يعني و المجامله-عشان نحلى و نحبس مع الشاي بعد الغدا-. الcupcakes صغيرين و لذاذ جداً و هيوفوا بالغرض دا. ليلى أتربت على أنها تنشر الحب و الأعمال الطيبه ف أي مكان هي فيه؛ و مصر عندها الأمكانيات اللي تأهلها لتصدير الأفكار الجديده و المبتكره. ف Nola بالنسبه ل ليلى هي الوسيله لنشر السعاده و طريقه عشان تعيد مصر من جديد على الخريطه بفكره جديده و عصريه.

ف أول ما رجعت ليلى و أخوها عادل بدأوا في مشروع Nola Cupcake؛ و ناس كتيره أوي حواليهم بدأوا يساعدهم، و بالأخص الأب اللي مساندته ليهم عمرها ما خلصت. و بما أنهم أخوات، يعني شركه عائليه؛ هما قرروا يأخده الكويس من هنا على الكويس من هنا؛ و يقسمه الأداره عليهم حسب شخصيتهم و طباعهم. ف عادل مسؤول عن التنظيم و التنفيذ؛ أما ليلى ف هي مسؤوله عن التسويق. ليلى معترفه أن ساعات بيحصل مشاكل الأخوات العاديه و أختلاف الأراء في الشغل؛ بس من وجهه نظرها دا موجود في كل المشاريع و في أي أداره مش عشان هما أخوات يعني. و بالنسبه لهم Nola دا مشروع زي مدرسه الحياه كدا و السعاده الشخصيه و بس؛ و مهما كانت المتاعب اللي بتقابلهم ف Nola هي بنتهم و مهما زعلوا منها و أرهقتهم جداً مع أبتسامه الcustomer من الcupcake بيروح كل التعب. 

عشان تطلع ليلى بالflavors المختلفه جداً دي؛ بيكون في مجموعه خطوات مختلفه عشان يطلعوا بأكتر الflavors اللي هتفرح الناس من واقع خبرتهم اللي فاتت في الحياه. و من أهم الخطوات دي أن ليلى بترسم الflavor؛ يعني بترسم الcupcake و تتخيل الflavor ممكن يكون شكله أيه و لونه أيه و كدا. و من أحلى الflavors و الأولى في الmenu هي الred velvet.

من أهم اللحظات المفرحه و الغريبه اللي مروا بيها في Nola Cupcakes كانت لما واحد قرر يتقدم لحبيبته هناك و نزل على ركبته و قال لها "تتجوزيني" و هي قالت "موافقه". كانت ليله من ألف ليله و ليله زي ما ليلى صدقي بتحب توصفها. و أتجمع الصحاب و العائله تحت سقف Nola عشان الولد يتقدم للبنت بطريقه تبسط البنت؛ و بما أنها بتحب Nola Cupcakes ف دا المكان المثالي.

نصائح ليلى لأي شخص عنده فكره لمشروع و عايز يحققها زي Nola كدا:

•  أن دراسه الmarket دي خطوه مهمه جداً حتى لو أحنا فاهمين بعض و فاهمين مصر عايزه أيه، مهم جداً جداً الأعتماد على الدراسات عشان مش كل حاجه بالذكاء.
• أهم العناصر لنجاح أي مشروع في مصر هما: الquality و الbranding و الcommitment. دول المفاتيح اللي ممكن ينجحوا أي مشروع أو يقتلوا أي مشروع.
• لايمكن ننسى البيروقراطيه و كم الورق اللي لازم يجهز عشان تبدأ أي مشروع جديد في مصر.
• من أصعب الحاجات ل أصحاب المشاريع؛ هو أنهم لازم يكونوا جاهزيين 24/7 مش من 9 الصبح ل7 بليل و خلاص. عمرك ما بتأخذ أجازه ولا بتبطل شغل؛ و مع ذلك بتكون مستمتع.
• أوعوا تفقدوا الأمل؛ و مهما قابلتوا مشاكل في حياتكم ركزوا و أعملوا To-Do list و أشتغلوا عليها كويس. 
• الlaptop هو أهم حاجه في تخطيط و تنفيذ أي مشروع و بالذات Nola Cupcakes؛ أشتري laptop و أصرف عليه جامد.
• أنك تشتغل في مشروعك دا هيعلمك حاجات كتير؛ بس ليلى أتعلمت بالذات: تنظيم الوقت، و leadership، و طريقه التواصل الصح.

يلا روحوا جربوا Nola Cupcakes؛ و قولوا رأيكم في الflavors المختلفه و أعملوا تصويت للflavor المفضل بالنسبه لكم.

و لو عندك فكره مشروع أو تكسل أو تتكاسل عنها؛ أبدأ فكر و خطط و نفذ على طول.