قادرون بأختلاف .. مكملين

القادره بأختلاف رقم أتنين و عشرين .. رنا الجزاز عندها 25 سنه متخرجه من الجامعه الألمانيه بالقاهره و كانت بتدرس فنون تطبيقيه .. في 2007 حصل حدثه عربيه على طريق السويس و هي رايحه الجامعه .. و دا كان السبب في أصابه العمود الفقري .. و النتيجه هي أستخدام الكرسي المتحرك لتسهيل الحركه ...

المشاكل اللي بتواجه رنا مش بسبب أستخدام الكرسي المتحرك و لكن بسبب الثقافه المصريه أو الجو العام في مصر و البنيه التحتيه لمصر غير أدميه بالمره ولا للقادرون ولا القادرون بأختلاف .. رنا عمرها ما سفرت برا مصر بس هي متأكده أنها لو سافرت مش هتخاف من حاجه لأن محدش هيميزها عن باقي الناس ولا حد هيحرمها من حقوقها ...

حياه رنا أتغيرت 180 درجه بعد الحادثه و أستخدام الكرسي المتحرك ..  لأن الناس بيعتبروا حاجات معينه مضمونه لأنهم ميعرفوش الحاجات دي أزاي متتقدرش بفلوس هي بدأت تشوف و تقدر كل النعم اللي حواليها .. بدأت رنا تشوف الدنيا بوجهه نظر مختلفه و تعالي سقف طموحها و أحلامها و أهدفها .. أتعلمت أن لما الدنيا تكون صعبه تلجأ لربنا و هو هيسعدها تعدي أي مشاكل .. و في الأخر رنا بتقول لكم أن كل حاجه بتحصل لسبب و دايماً بكره أحسن ... 

رنا شايفه أن مؤسسه الحسن من أكتر المؤسسات في الشرق الأوسط و شمال أفريقيا لدعم مستخدمي الكراسي المتحركه نفسياً و مادياً عند الحاجه .. المؤسسه هي السبب من تغير مفهوم الأعاقه لقادرون بأختلاف .. و المؤسسه بتساعد في أن كل شخص قادر بأختلاف يطلع من القوقعه بتاعته و يندمجه مع المجتمع و يحددوا أهدافهم من جديد ...

Facebook Page: https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf

Website: http://www.alhassan-foundation.org/