قادرون بأختلاف .. مكملين

أنهرده القادر بأختلاف الواحد و عشرين هو صفي الدين .. عنده 28 سنه و خريج المعهد العالي للدراسات المتطوره بالهرم-بكالريوس حاسب ألي و نظم معلومات أداريه و كان بيشتغل أخصائي تجميل و عنايه بالبشره في شركه بيوديرما .. و بدأ يجيلوا وجع في ظهره خفيف و راح لأكتر من دكتور .. و في 18-8-2011 عمل عمليه لأستئصال ورم من الظهر و عده ألتهبات حميده .. بعد 6 سعات حصل نزيف على العصب و دخل العمليات تاني لمده 8 ساعات و خرج بعدها عنده شلل في رجله ...

كان خاطب و بعد 6 شهور خطيبته و بعدت عنه لما عرفت أنه مش هيمشي تاني .. و قعد سنتين بتعالج علاج طبيعي و بعد السنتين قدم على وظيفه تبع ال5% .. و طبعاً مكنش بيشتغل و كان بس بيقبض و هو في البيت .. و بعد ما والده أتوفى ب 6 شهور قرر أنه يتنقل لوزاره الماليه و بدأ ينزل شغله و يمارس حياته الطبيعيه .. أشترى عربيه و بدأ يروح الشغل .. أول يوم شغل كان يوم أسود بالنسبه لصفي عشان الكرسي أتكسر و الناس قعدت تقول له "قعد في البيت و ليه تعب نفسك" .. و هو كان هدفه أنه يمسك رئيس الهيئه اللي هو فيها و وصل لمنصب مساعد مدير شئون العاملين ...

أتقدم لبنات كتير بس في اللي رفضوا و اللي أهلهم رفضوا و اللي بيوافقوا و بعدين يوقفوا الموضوع .. بس صفي بيقول أن النصيب لسا مجاش و هو عايش مبسوط و مرتاح ...

من أصعب المواقف اللي حصلت له .. بعد الحادثه كان ساكن في الدور الخامس و مكنش في أسنسير و عشان ينزل كان بيلبس جهاز و ينط السلم سلمه سلمه .. بس و هو طالع كان بيكون صعب جداً و كان بيطلب المساعده عشان الناس تساعده في الطلوع .. و ساعات الناش كانت بتتهرب .. و بعد الشغل نقل في شقه تانيه بعيده شويه عن الشغل بس في دور أقل من الخامس ...

و بيعيش يومه زيي و زيك منغير أي مساعده من حد !!

رساله ل صفي الدين: أنت عافرت عشان تأخذ حقك في الشغل و في الحياه و المعافره دي جابت نتيجه ^_^

Facebook Page: https://www.facebook.com/pages/Alhassan-Foundation-for-Spinal-Cord-Injury/428862897190331?ref=br_tf

Website: http://www.alhassan-foundation.org/