قادرون بأختلاف 13

الشخصيه التلاتاشر .. ماما أحلام مكيوي .. كانت مدرسه علم نفس و فلسفه .. عملت حادثه بالعربيه سنه 1986 و كان أولادها شريف عنده 3 سنين و شادي عنده سنه .. في الأول أستخدمت العكزات و بالتدريج بدأت تستخد الكرسي المتحرك .. و تقبلت الأمر الواقع و رضيت بقضاء الله و أستمرت الحياه حتي و ماما أحلام مستخدمه لكرسي متحرك كانت بتسوق و بتوصل أولادها التمرينات (تنس و سباحه و كوره) ...

شادي أبن ماما أحلام الصغير أتوفي في حادثه مسرح بني سويف في 2005 و بردو ماما أحلام رضيت بالمكتوب و كملت حياتها و بتدعي ربنا يباركلها في شريف ...

أكتر الصعوبات اللي بتواجه ماما أحلام هي الألم و الوجع اللي ناتج عن أهمالها للعلاج الطبيعي .. و من الصعوبات اللي بتواجه ماما أحلام تاني هي ان الطرق مش ممهده و في مشاكل في المشي في الشوارع .. و ماما أحلام ماحستش بأختلاف بين حياتها قبل و بعد أستخدام الكرسي المتحرك ...

ماما أحلام اتعرفت علي مؤسسه الحسن عن طريق صديق مشترك بينها و بين أم الحسن ...

و علي فكره ماما أحلام كانت في الميدان أيام 25 يناير و 30 يونيو و ما بينهما مع أبنها شريف ...

علي فكره هي "ماما أحلام" لأنها عرفتني بنفسها كدا .. هي نموذج جميل بيشبهني بأمي و كل أم طيبه .. سيده راضيه بحالها و مؤمنه بربنا ...

ربنا يكتر من أمثال حضرتك يا ماما أحلام و يزيد رضاكي و تفاؤلك :)

Facebook page: Alhassan Foundation for Spinal Cord Injury

Website: www.alhassan-foundation.org

رقم حساب مؤسسه الحسن: ٧٠٥٧٥٠ في البنك العربي الافريقي الدولي - فرع نادي الصيد