ناقصك ايه
كل واحد فينا ناقص حاجه .. بس بتفرق لأن في ناس نقصها واضح و باين و ناس تانيه نقصها جواها و مش ظاهر اوي يعني .. العيب لما نشوف اننا احسن من غيرنا بس عشان احنا شكلنا اكمل منهم .. ممكن اقوللك حاجه مفيش حد كامل .. و لو شكلك كامل اكيد جواك مش كامل .. اصل مافيش حد كامل ...
يعني بنحس بشفقه و يا حرام لما نلاقي انسان كفيفي او اصم او ابكم او علي كرسي متحرك او اي نقص واضح .. طب ليه مش بنحس نفس الشعور لو شوفت بني ادم كداب او منافق او اي عيب تاني مش ظاهر في شكله ...
احنا ليه دايما بناخد بالمناظر و الشكل الخارجي مع ان ممكن الشكل الداخلي يكون داهيه ...
خود وقتك و قبل ما تحكم علي اي شخص شوفوه من جوا قبل برا ...
اصل النقص الخارجي ممكن يروح و يجي في اي لحظه .. بس النقص الداخلي لا بيروح ولا بيجي .. النقص الداخلي بيتكون و بيفضل الي ما لا نهايه ...
افتكر كويس اوي ان لو حد مات .. مبيقولوش كان شكله حلو بس بيقولوا كان طيب او كان قليل الادب ...
عمر ما بيفضل الشكل الخارجي بس بيفضل الجمال او النقص الداخلي ...
قبل ما تختار لبسك و تختاري مكياجك و الكلام الظاهر دا .. اهتم اوي بالداخل و جماله .. بدل ما تحسن في النقص الخارجي حسن النقص الداخلي :)
Comments
Post a Comment