قادرون بأختلاف 6
الشخص السادس أسمه محمد أمين في بكالوريوس هندسه قسم مدني .. أصيب بطلق ناري في الرقبه في ثوره 25 يناير .. و الأصابه طلق ناري في دخل من الناحيه اليمين من الرقبه و طلع من الكتف .. أصيب بشلل رباعي نتيجه الطلق الناري و تواصل مع مؤسسه الحسن و تم نقله للمستشفي و قعد هناك 8 شهور .. و العلاج جيه بنتيجه لأنه دلوقتي بيقدر يعتمد علي نفسه تماما و بيمشي و يسوق و متابع العلاج و في تطور دائم .. محمد شايف ان حياته تغيرت للأحسن بعد الحادثه اللي تسببت في انه يكون من مستخدمي الكراسي المتحركه و قالي جمله مهمه جدا و هي "لو لم أكن مصابا لوددت ان أكون مصابا" .. هو شايف ان الحادث أثر بطريقه ايجابيه في علاقه بأصحابه و أهله و علاقه بالناس من حواليه .. علي الأقل كان بينام و هو سعيد .. و دلوقتي هو معندوش اي صعوبات لأنه تعيش مع فكره استخدامه للكرسي المتحرك ...
قصه محمد قصيره جايز بس مليانه أمل و تفاؤل .. محمد سعيد بالحادثه و شايف انها لسبب مهم و انها غيرت حياته للأحسن و أن الناس حواليه مش محسسينه بأي نقص و الناس حواليه قدروا يتخلصوا من كل الصعوبات اللي ممكن تواجه محمد ...
و دا بيظهر قوه المجتمع في مساعده مستخدم الكرسي المتحرك علي انه يعيش حياه مليانه سعاده و أمل و أيجابيه :)
Facebook page: Alhassan Foundation
for Spinal Cord Injury
Website: www.alhassan-foundation.org
رقم حساب مؤسسه الحسن: ٧٠٥٧٥٠ في البنك
Comments
Post a Comment